ಹೈದರಾಬಾದ್: ಆನ್ಲೈನ್ ಡೇಟಿಂಗ್ ಆ್ಯಪ್ಗಳ ಮೂಲಕ ಈಗಾಗಲೇ ಸಾವಿರಾರು ಜನರು ಮೋಸ ಹೋಗಿದ್ದು, ಸದ್ಯ ತೆಲಂಗಾಣದಲ್ಲೂ ಅಂತಹದೊಂದು ಘಟನೆ ನಡೆದಿದೆ. ಆನ್ಲೈನ್ ಡೇಟಿಂಗ್ ಜಾಲದಲ್ಲಿ ಸಿಲುಕಿಕೊಂಡಿರುವ 77 ವರ್ಷದ ವೃದ್ಧನೋರ್ವ ಬರೋಬ್ಬರಿ 11 ಲಕ್ಷ ರೂಪಾಯಿ ಕಳೆದುಕೊಂಡಿದ್ದು, ಪ್ರಕರಣ ದಾಖಲಾಗಿದೆ.
77 ವರ್ಷದ ವೃದ್ಧನೋರ್ವ ರಹಸ್ಯವಾಗಿ ಆನ್ಲೈನ್ನಲ್ಲಿ ಚಾಟ್ ಮಾಡಿದ್ದು, ಅದರ ಸದುಪಯೋಗ ಪಡೆದುಕೊಂಡಿರುವ ದುಷ್ಕರ್ಮಿಗಳು ಇಷ್ಟೊಂದು ಹಣ ವಂಚನೆ ಮಾಡಿದ್ದಾರೆ. ಹುಡುಗಿ ಹೆಸರಿನಲ್ಲಿ ಡೇಟಿಂಗ್ ಆ್ಯಪ್ ಓಪನ್ ಮಾಡಿದ್ದು, ಪ್ರತಿದಿನ ಚಾಟ್ ಮಾಡಿದ್ದಾರೆ. ಈ ವೇಳೆ ವೃದ್ಧ ಹುಡುಗಿ ಎಂದು ನಂಬಿರುವ ಆತ ಮೋಸ ಹೋಗಿದ್ದಾನೆ.
ಇದನ್ನೂ ಓದಿ: ಯುವತಿಯರಿಗೆ ನಡುರಸ್ತೆಯಲ್ಲೇ ಕಿರುಕುಳ ನೀಡಿದ ಪುಂಡರು... ವಿಡಿಯೋ ವೈರಲ್
ವೃದ್ಧ ಪ್ರತಿದಿನ ಯುವತಿಗೆ ರಹಸ್ಯವಾಗಿ ಚಾಟ್ ಮಾಡಿದ್ದು, ಈ ವೇಳೆ ಆತನ ಬಳಿ ವಿವಿಧ ಕಾರಣ ಹೇಳಿ ಹಣ ಪಡೆದುಕೊಂಡಿದ್ದಾರೆ. ಇದಾದ ಬಳಿಕ ಅನುಮಾನ ಬಂದು ಪೊಲೀಸರಿಗೆ ದೂರು ನೀಡಿದ್ದು, ಈ ವೇಳೆ ಪ್ರಕರಣ ಬೆಳಕಿಗೆ ಬಂದಿದೆ. ಇದಕ್ಕೆ ಸಂಬಂಧಿಸಿದಂತೆ ಪ್ರತಿಕ್ರಿಯೆ ನೀಡಿರುವ ಸೈಬರಾಬಾದ್ ಪೊಲೀಸರು ನಗರದಲ್ಲಿ ಮೇಲಿಂದ ಮೇಲೆ ಇಂತಹ ಪ್ರಕರಣ ನಡೆಯುತ್ತಿದ್ದು, ವಂಚನೆಗೊಳಗಾಗದಂತೆ ಗಮನ ಹರಿಸಿ ಎಂದು ಮನವಿ ಮಾಡಿದ್ದಾರೆ.
