ನವದೆಹಲಿ: ಭಾರತದಲ್ಲಿ ಕೋವಿಡ್ 19 ಲಸಿಕೆ ವಿತರಣೆಯ ಸುತ್ತಲೂ ಹಬ್ಬಿರುವ ಸುಳ್ಳುಗಳ ಸರಮಾಲೆಯನ್ನು ತೆರವುಗೊಳಿಸುವ ಪ್ರಯತ್ನದಲ್ಲಿ ಸರ್ಕಾರದ ಥಿಂಕ್ ಟ್ಯಾಂಕ್ ನೀತಿ ಅಯೋಗ ನಿರತವಾಗಿದೆ. 'ವಿಕೃತ ಮನಸ್ಸಿನ ಹೇಳಿಕೆಗಳು, ಅರೆಬೆಂದ ಸತ್ಯಗಳು ಮತ್ತು ಬೊಬ್ಬೆಯ ಸುಳ್ಳುಗಳಿಂದ ಜನರನ್ನು ದಾರಿ ತಪ್ಪಿಸಲಾಗುತ್ತಿದೆ' ಎಂದು ಕಿಡಿಕಾರಿದೆ.
ನೀತಿ ಆಯೋಗದ ಆರೋಗ್ಯ ಮತ್ತು ಕೋವಿಡ್-19 (ದಿಕ್ಸೂಚಿ) ಲಸಿಕೆ ಆಡಳಿತದ ರಾಷ್ಟ್ರೀಯ ತಜ್ಞರ ತಂಡದ ಅಧ್ಯಕ್ಷ ಡಾ. ವಿನೋದ್ ಪಾಲ್ ಅವರು 'ಸತ್ಯ - ಸುಳ್ಳುಗಳ' ನಡುವೆ ಎದಿರುವ ಪ್ರಶ್ನೆಗಳಿಗೆ ಉತ್ತರ ನೀಡಲು ಪ್ರಯತ್ನಿಸಿದ್ದಾರೆ.
ಮಿಥ್ಯ -1: ವಿದೇಶದಿಂದ ಲಸಿಕೆಗಳನ್ನು ಖರೀದಿಸಲು ಕೇಂದ್ರ ತಕ್ಕಷ್ಟು ಶ್ರಮಿಸುತ್ತಿಲ್ಲ
ಸತ್ಯ: ಕೇಂದ್ರ ಸರ್ಕಾರವು 2020ರ ಮಧ್ಯದಿಂದಲೇ ಎಲ್ಲ ಅಂತಾರಾಷ್ಟ್ರೀಯ ಲಸಿಕೆ ತಯಾರಕರೊಂದಿಗೆ ನಿರಂತರವಾಗಿ ಸಂರ್ಪಕದಲ್ಲಿದೆ. ಫಜರ್, ಜಾನ್ಸನ್ ಆ್ಯಂಡ್ ಜಾನ್ಸನ್ ಮತ್ತು ಮಾಡರ್ನಾ (ಲಸಿಕೆ ತಯಾರಕರು) ಜತೆ ಅನೇಕ ಸುತ್ತಿನ ಚರ್ಚೆ ನಡೆಸಿದೆ. ಭಾರತದಲ್ಲಿ ತಮ್ಮ ಲಸಿಕೆಗಳ ಪೂರೈಕೆ ಮತ್ತು ತಯಾರಿಕೆಗೆ ಸರ್ಕಾರವು ಎಲ್ಲ ವಿಧದ ನೆರವು ನೀಡಿತು. ಅವರ ಲಸಿಕೆಗಳು ಉಚಿತ ಪೂರೈಕೆಯಲ್ಲಿ ಲಭ್ಯವಿವೆ. 'ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಲಸಿಕೆಗಳನ್ನು ಖರೀದಿಸುವುದು ಎಂದರೇ ಕಪಾಟಿನಿಂದ ವಸ್ತುಗಳನ್ನು ಖರೀದಿಸುವುದಂತಲ್ಲ ಎಂಬುದನ್ನು ನಾವು ಅರ್ಥಮಾಡಿಕೊಳ್ಳಬೇಕು' ಎಂದು ಪಾಲ್ ಹೇಳಿದ್ದಾರೆ.
ಲಸಿಕೆಗಳು ಜಾಗತಿಕವಾಗಿ ಸೀಮಿತ ಪ್ರಮಾಣದಲ್ಲಿ ಪೂರೈಕೆ ಆಗುತ್ತಿವೆ. ಕಂಪನಿಗಳು ತಮ್ಮದೇ ಆದ ಆದ್ಯತೆಗಳನ್ನು ಹೊಂದಿವೆ. ಯೋಜನೆಗಳು ಮತ್ತು ಸೀಮಿತ ಷೇರುಗಳ ಹಂಚಿಗೆ ಕಡ್ಡಾಯವಾಗಿ ಒಳಪಟ್ಟಿರುತ್ತವೆ. ನಮ್ಮದೇ ದೇಶದ ಲಸಿಕೆ ತಯಾರಕರು ನಮಗೆ ಅನಪೇಕ್ಷಿತವಾಗಿ ಮಾಡಿದಂತೆಯೇ ಅವರು ತಮ್ಮ ಮೂಲ ದೇಶವಾಸಿಗರಿಗೆ ಆದ್ಯತೆ ನೀಡುತ್ತಾರೆ. ಲಸಿಕೆ ಲಭ್ಯತೆಯನ್ನು ಫೈಜರ್ ಸೂಚಿಸಿದ ತಕ್ಷಣವೇ ಚುಚುಮದ್ದು ಆಮದು ಮಾಡಿಕೊಳ್ಳಲು ಕೇಂದ್ರ ಸರ್ಕಾರ ಮತ್ತು ಕಂಪನಿ ಜಂಟಿಯಾಗಿ ಕೆಲಸ ಮಾಡಲು ಪ್ರಾರಂಭಿಸಿದವು. ಕೇಂದ್ರ ಸರ್ಕಾರದ ಪ್ರಯತ್ನಗಳ ಫಲವಾಗಿ, ಸ್ಪುಟ್ನಿಕ್ ಲಸಿಕೆ ಪ್ರಯೋಗಗಳು ವೇಗಗೊಂಡವು. ಸಮಯೋಚಿತ ಅನುಮೋದನೆಯೊಂದಿಗೆ, ರಷ್ಯಾ ಈಗಾಗಲೇ ಎರಡು ಹಂತದ ಲಸಿಕೆಗಳನ್ನು ಕಳುಹಿಸಿದೆ. ನಮ್ಮ ಕಂಪನಿಗಳಿಗೆ ತಂತ್ರಜ್ಞಾನ ವರ್ಗಾವಣೆ ಸಾಧಿಸಿದೆ. ಅದು ಶೀಘ್ರದಲ್ಲೇ ಉತ್ಪಾದನೆ ಪ್ರಾರಂಭಿಸುತ್ತದೆ.
ಮಿಥ್ಯ 2: ಜಾಗತಿಕವಾಗಿ ಈಗಾಗಲೇ ಲಭ್ಯವಿರುವ ಲಸಿಕೆಗಳಿಗೆ ಕೇಂದ್ರ ಅನುಮೋದಿಸಿಲ್ಲ
ಸತ್ಯ: ಅಮೆರಿಕ ಆಹಾರ ಮತ್ತು ಔಷಧ ಆಡಳಿತ (ಎಫ್‌ಡಿಎ), ಯುರೋಪಿಯನ್ ಮೆಡಿಸಿನ್ಸ್ ಏಜೆನ್ಸಿ (ಇಎಂಎ), ಬ್ರಿಟನ್ನ ಮೆಡಿಸಿನ್ಸ್ ಮತ್ತು ಹೆಲ್ತ್‌ಕೇರ್ ಪ್ರಾಡಕ್ಟ್ಸ್ ರೆಗ್ಯುಲೇಟರಿ ಏಜೆನ್ಸಿ (ಎಂಎಚ್‌ಆರ್‌ಎ), ಜಪಾನ್‌ನ ಔಷಧೀಯ ಮತ್ತು ವೈದ್ಯಕೀಯ ಸಾಧನಗಳ ಸಂಸ್ಥೆ ( ಪಿಎಂಡಿಎ) ಮತ್ತು ಡಬ್ಲ್ಯುಎಚ್‌ಒನ ತುರ್ತು ಬಳಕೆ ಪಟ್ಟಿಗೆ ಏಪ್ರಿಲ್‌ನಲ್ಲಿ ಭಾರತ ಸುಲಭಗೊಳಿಸಿತು. ಇತರ ದೇಶಗಳಲ್ಲಿ ತಯಾರಾದ ಲಸಿಕೆಗಳಿಗೆ ಪ್ರಾಯೋಗಿಕ ಅಗತ್ಯವನ್ನು ಸಂಪೂರ್ಣವಾಗಿ ತ್ಯಜಿಸಲು ಈಗಿನ ನಿಬಂಧನೆಗಳಿಗೆ ಮತ್ತಷ್ಟು ತಿದ್ದುಪಡಿ ಮಾಡಲಾಗಿದೆ. ಅನುಮೋದನೆಗಾಗಿ ವಿದೇಶಿ ತಯಾರಕರ ಯಾವುದೇ ಅರ್ಜಿಗಳು ಔಷಧಿ ನಿಯಂತ್ರಕರ ಮುಂದೆ ಬಾಕಿ ಉಳಿದಿಲ್ಲ. ಎಲ್ಲವನ್ನೂ ವಿಲೇವಾರಿ ಮಾಡಲಾಗಿದೆ.
ಮಿಥ್ಯ 3: ದೇಶೀಯ ಲಸಿಕೆಗಳ ಉತ್ಪಾದನೆ ಹೆಚ್ಚಿಸಲು ಕೇಂದ್ರ ನಿರೀಕ್ಷಿತವಾಗಿ ತೊಡಗಿಸಿಕೊಳ್ಳುತ್ತಿಲ್ಲ
ಸತ್ಯ: 2020ರ ಆರಂಭದಿಂದ ಹೆಚ್ಚಿನ ಕಂಪನಿಗಳಿಗೆ ಲಸಿಕೆಗಳನ್ನು ತಯಾರಿಸಲು ಕೇಂದ್ರ ಸರ್ಕಾರವು ಪರಿಣಾಮಕಾರಿಯಾದ ಸೌಲಭ್ಯ ಒದಗಿಸುವಿಕೆ ಪಾತ್ರ ವಹಿಸುತ್ತಿದೆ. ಬೌದ್ಧಿಕ ಆಸ್ತಿ (ಐಪಿ) ಜತೆಗೆ ಒಂದೇ ಭಾರತೀಯ ಕಂಪನಿ (ಭಾರತ್ ಬಯೋಟೆಕ್) ಉಳಿದಿದೆ. ಒಂದರಿಂದ ನಾಲ್ಕಕ್ಕೆ ಹೆಚ್ಚಿರುವ ಭಾರತ್ ಬಯೋಟೆಕ್‌ನ ಸ್ವಂತ ಘಟಕಗಳ ಹೊರತಾಗಿ, ಇತರ ಮೂರು ಕಂಪನಿಗಳು ಕೊವಾಕ್ಸಿನ್ ಉತ್ಪಾದನೆ ಪ್ರಾರಂಭಿಸುತ್ತವೆ ಎಂದು ಸರ್ಕಾರ ಖಚಿತಪಡಿಸಿದೆ.
ಭಾರತ್ ಬಯೋಟೆಕ್‌ನ ಕೋವಾಕ್ಸಿನ್ ಉತ್ಪಾದನೆಯನ್ನು ಅಕ್ಟೋಬರ್ ವೇಳೆಗೆ ತಿಂಗಳಿಗೆ ಒಂದು ಕೋಟಿಯಿಂದ 10 ಕೋಟಿಗೆ ಹೆಚ್ಚಿಸಲಾಗುತ್ತಿದೆ. ಹೆಚ್ಚುವರಿಯಾಗಿ, ಮೂರು ಪಿಎಸ್ಯುಗಳು ಒಟ್ಟಾಗಿ ಡಿಸೆಂಬರ್ ವೇಳೆಗೆ ನಾಲ್ಕು ಕೋಟಿ ಪ್ರಮಾಣ ಉತ್ಪಾದಿಸುವ ಗುರಿ ಹೊಂದಿವೆ. ಸರ್ಕಾರದ ನಿರಂತರ ಪ್ರೋತ್ಸಾಹದೊಂದಿಗೆ, ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾ ಕೋವಿಶೀಲ್ಡ್ ಉತ್ಪಾದನೆಯನ್ನು ತಿಂಗಳಿಗೆ 6.5 ಕೋಟಿ ಡೋಸ್‌ಗಳನ್ನು 11.0 ಕೋಟಿ ಡೋಸ್‌ಗೆ ಏರಿಸುತ್ತಿದೆ.
ಡಾ.ರೆಡ್ಡಿಸ್ ಸಹಯೋಗದ ಜತೆಗೆ ಆರು ಕಂಪನಿಗಳಿಂದ ಸ್ಪುಟ್ನಿಕ್ ತಯಾರಿಸಲಾಗುವುದು ಎಂದು ರಷ್ಯಾ ಖಚಿತಪಡಿಸಿದೆ. ಕೋವಿಡ್ ಸುರಕ್ಷಾ ಯೋಜನೆಯಡಿ ಉದಾರ ಧನಸಹಾಯದ ಮೂಲಕ ಆಯಾ ಸ್ಥಳೀಯ ಲಸಿಕೆಗಳಿಗಾಗಿ ಝೈಡಸ್ ಕ್ಯಾಡಿಲಾ, ಬಯೋಇ ಮತ್ತು ಜೆನ್ನೋವಾ ಪ್ರಯತ್ನಗಳನ್ನು ಕೇಂದ್ರ ಸರ್ಕಾರ ಬೆಂಬಲಿಸುತ್ತಿದೆ. ರಾಷ್ಟ್ರೀಯ ಪ್ರಯೋಗಾಲಯಗಳಲ್ಲಿ ತಾಂತ್ರಿಕ ನೆರವೂ ಕೊಡುತ್ತಿದೆ. ಭಾರತ್ ಬಯೋಟೆಕ್‌ನ ಸಿಂಗಲ್ ಡೋಸ್ ಇಂಟ್ರಾನಾಸಲ್ ಲಸಿಕೆಯ ಅಭಿವೃದ್ಧಿಯು ಸರ್ಕಾರದ ನಿಧಿಯೊಂದಿಗೆ ಉತ್ತಮವಾಗಿ ಮುಂದುವರಿಯುತ್ತಿದೆ, ಇದು ಜಗತ್ತಿನಲ್ಲಿ ಮಹತ್ವದ ಬದಲಾವಣೆಗೆ ಕಾರಣ ಆಗಬಹುದು. 2021ರ ಅಂತ್ಯದ ವೇಳೆಗೆ ನಮ್ಮ ಲಸಿಕೆ ಉದ್ಯಮದಿಂದ 200 ಕೋಟಿಗೂ ಅಧಿಕ ಪ್ರಮಾಣದ ಉತ್ಪಾದನೆಯ ಅಂದಾಜಿನಂಥ ಪ್ರಯತ್ನಗಳು ನಡೆಯುತ್ತಿವೆ. ಸಾಂಪ್ರದಾಯಿಕ ಮತ್ತು ಅತ್ಯಾಧುನಿಕ ಡಿಎನ್‌ಎ ಮತ್ತು ಎಮ್‌ಆರ್‌ಎನ್‌ಎ ಪ್ಲಾಟ್‌ಫಾರ್ಮ್‌ಗಳಾದ್ಯಂತ ಅಗಾಧ ಸಾಮರ್ಥ್ಯದ ಬಗ್ಗೆ ಎಷ್ಟು ದೇಶಗಳು ಕನಸು ಕಾಣಬಹುದೇ? ಸರ್ಕಾರ ಮತ್ತು ಲಸಿಕೆ ತಯಾರಕರು ಈ ಕಾರ್ಯಾಚರಣೆಯಲ್ಲಿ ಒಂದು ಟೀಂ ಇಂಡಿಯಾದಂತೆ ನಿತ್ಯ ಅವಿರತವಾಗಿ ಕೆಲಸ ಮಾಡಿತ್ತೀವೆ.
ಮಿಥ್ಯ 4: ಕೇಂದ್ರವು ಕಡ್ಡಾಯ ಪರವಾನಗಿ ಪಡೆಯಬೇಕು
ಸತ್ಯ: ಕಡ್ಡಾಯ ಪರವಾನಗಿ ಬಹು ಆಕರ್ಷಕ ಆಯ್ಕೆಯಲ್ಲ. ಇದೊಂದು 'ಸೂತ್ರ'ವಲ್ಲ, ಆದರೆ ಸಕ್ರಿಯ ಪಾಲುದಾರಿಕೆ, ಮಾನವ ಸಂಪನ್ಮೂಲಗಳ ತರಬೇತಿ, ಕಚ್ಚಾ ವಸ್ತುಗಳ ಮೂಲ ಮತ್ತು ಉನ್ನತ ಮಟ್ಟದ ಜೈವಿಕ ಸುರಕ್ಷತಾ ಪ್ರಯೋಗಾಲಯಗಳನ್ನು ಒಳಗೊಂಡಿದೆ. ತಂತ್ರಜ್ಞಾನದ ವರ್ಗಾವಣೆ ಪ್ರಮುಖವಾಗಿದೆ. ಅದು ಸಂಶೋಧನೆ ಮತ್ತು ಅಭಿವೃದ್ಧಿಯನ್ನು ಕೈಗೊಂಡ ಕಂಪನಿಯ ಕೈಯಲ್ಲಿ ಉಳಿದಿದೆ.
ವಾಸ್ತವದಲ್ಲಿ ನಾವು ಕಡ್ಡಾಯ ಪರವಾನಗಿಗಿಂತ ಒಂದು ಹೆಜ್ಜೆ ಮುಂದೆ ಹೋಗಿದ್ದೇವೆ. ಕೋವಾಕ್ಸಿನ್ ಉತ್ಪಾದನೆಯನ್ನು ಹೆಚ್ಚಿಸಲು ಭಾರತ್ ಬಯೋಟೆಕ್ ಮತ್ತು ಇತರ ಮೂರು ಯೂನಿಟ್ಗಳ ನಡುವೆ ಸಕ್ರಿಯ ಸಹಭಾಗಿತ್ವ ಖಾತ್ರಿಪಡಿಸುತ್ತಿದ್ದೇವೆ. ಸ್ಪುಟ್ನಿಕ್ ಅವರಿಗೂ ಇದೇ ರೀತಿಯ ಕಾರ್ಯವಿಧಾನ ಅನುಸರಿಸಲಾಗುತ್ತಿದೆ. ಈ ಬಗ್ಗೆ ಯೋಚಿಸಿ; 2020ರ ಅಕ್ಟೋಬರ್ನಲ್ಲಿ ಮಾಡೆರ್ನಾಗೆ, ತನ್ನ ಲಸಿಕೆಗಳನ್ನು ತಯಾರಿಸುವ ಯಾವುದೇ ಕಂಪನಿಯ ಮೇಲೆ ಮೊಕದ್ದಮೆ ಹೂಡುವುದಿಲ್ಲ ಎಂಬ ಭರವಸೆ ನೀಡಲಾಯಿತು. ಇದು ಪರವಾನಗಿ ನೀಡುವಿಕೆಯು ಕನಿಷ್ಠ ಸಮಸ್ಯೆಗಳೆಂದು ತೋರಿಸುತ್ತದೆ. ಲಸಿಕೆ ತಯಾರಿಕೆ ತುಂಬಾ ಸುಲಭವಾಗಿದ್ದರೆ, ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳು ಸಹ ಲಸಿಕೆ ಪ್ರಮಾಣ ಏಕೆ ಕಡಿಮೆಯಾಗಿದೆ? ಈ ಬಗ್ಗೆಯೂ ಯೋಚಿಸಬೇಕಿದೆ ಎನ್ನುತ್ತಾರೆ ಪಾಲ್.
ಮಿಥ್ಯ 5: ಕೇಂದ್ರವು ತನ್ನ ಜವಾಬ್ದಾರಿಯನ್ನು ರಾಜ್ಯಗಳಿಗೆ ಬಿಟ್ಟುಕೊಟ್ಟಿದೆ
ಸತ್ಯ: ಲಸಿಕೆ ತಯಾರಕರಿಗೆ ಧನಸಹಾಯ ನೀಡುವುದರಿಂದ ಹಿಡಿದು ಉತ್ಪಾದನೆಯನ್ನು ಹೆಚ್ಚಿಸಲು ಮತ್ತು ವಿದೇಶಿ ಲಸಿಕೆಗಳನ್ನು ಭಾರತಕ್ಕೆ ತರುವವರೆಗೆ ತ್ವರಿತ ಅನುಮೋದನೆ ನೀಡುವವರೆಗೆ ಕೇಂದ್ರ ಸರ್ಕಾರವು ಎಲ್ಲಾ ಭಾರ ತನ್ನ ಮೇಲೆ ಹೊತ್ತುಕೊಂಡಿದೆ. ಕೇಂದ್ರವು ಖರೀದಿಸಿದ ಲಸಿಕೆಯನ್ನು ಜನರಿಗೆ ಉಚಿತವಾಗಿ ರಾಜ್ಯಗಳಿಗೆ ಸಂಪೂರ್ಣವಾಗಿ ಸರಬರಾಜು ಮಾಡಲಾಗುತ್ತದೆ. ಇದೆಲ್ಲವೂ ರಾಜ್ಯಗಳ ಗಮನದಲ್ಲಿದೆ. ರಾಜ್ಯಗಳು ತಮ್ಮ ಸ್ಪಷ್ಟ ವಿನಂತಿಗಳ ಮೇರೆಗೆ ಲಸಿಕೆಗಳನ್ನು ತಾವಾಗಿಯೇ ಸಂಗ್ರಹಿಸಲು ಪ್ರಯತ್ನಿಸಲು ಕೇಂದ್ರ ಸರ್ಕಾರ ಕೇವಲ ಶಕ್ತಗೊಳಿಸಲಿದೆ. ದೇಶದಲ್ಲಿನ ಉತ್ಪಾದನಾ ಸಾಮರ್ಥ್ಯ ಮತ್ತು ವಿದೇಶದಿಂದ ನೇರವಾಗಿ ಲಸಿಕೆಗಳನ್ನು ಖರೀದಿಸುವಲ್ಲಿನ ತೊಂದರೆಗಳು ಏನೆಂದು ರಾಜ್ಯಗಳಿಗೆ ಚೆನ್ನಾಗಿ ತಿಳಿದಿದೆ.
ಸರ್ಕಾರ ಜನವರಿಯಿಂದ ಏಪ್ರಿಲ್ ತನಕ ಸಂಪೂರ್ಣ ಲಸಿಕೆ ಕಾರ್ಯಕ್ರಮ ನಡೆಸಿತು. ಮೇ ತಿಂಗಳ ಪರಿಸ್ಥಿತಿಗೆ ಹೋಲಿಸಿದರೆ ಇದು ಸಾಕಷ್ಟು ಉತ್ತಮವಾಗಿ ನಿರ್ವಹಿಸಿದೆ. ಆದರೆ, ಮೂರು ತಿಂಗಳಲ್ಲಿ ಆರೋಗ್ಯ ಕಾರ್ಯಕರ್ತರು ಮತ್ತು ಮುಂಚೂಣಿ ಕಾರ್ಮಿಕರ ಉತ್ತಮ ವಿತರಣೆ ಸಾಧಿಸದ ರಾಜ್ಯಗಳು ಸಹ ವ್ಯಾಕ್ಸಿನೇಷನ್ ಪ್ರಕ್ರಿಯೆ ತೆರೆಯಲು ಬಯಸಿದ್ದವು. ಆರೋಗ್ಯವು ರಾಜ್ಯದ ವಿಷಯವಾಗಿದೆ. ಉದಾರೀಕೃತ ಲಸಿಕೆ ನೀತಿಯು ರಾಜ್ಯಗಳಿಗೆ ಹೆಚ್ಚಿನ ಅಧಿಕಾರವನ್ನು ನೀಡುವಂತೆ ರಾಜ್ಯಗಳು ನಿರಂತರವಾಗಿ ವಿನಂತಿಸಿದರ ಪರಿಣಾಮವಾಗಿ ಇದೆಲ್ಲಾ ಸಂಭವಿಸಿದೆ.
ಜಾಗತಿಕ ಟೆಂಡರ್‌ಗಳು ಯಾವುದೇ ಫಲಿತಾಂಶಗಳನ್ನು ನೀಡಿಲ್ಲ ಎಂಬ ಅಂಶವನ್ನು ನಾವು ಮೊದಲ ದಿನದಿಂದ ರಾಜ್ಯಗಳಿಗೆ ದೃಢವಾಗಿ ಹೇಳುತ್ತಿದ್ದೇವು. ಲಸಿಕೆಗಳು ಜಗತ್ತಿನಲ್ಲಿ ಕಡಿಮೆ ಪೂರೈಕೆಯಲ್ಲಿವೆ. ಅವುಗಳನ್ನು ಸಣ್ಣ ಸೂಚನೆಯಂತೆ ಸಂಗ್ರಹಿಸುವುದು ಸುಲಭವಲ್ಲ ಎಂದು ಹೇಳಿದರು.
ಮಿಥ್ಯ 6: ಕೇಂದ್ರವು ರಾಜ್ಯಗಳಿಗೆ ಸಾಕಷ್ಟು ಲಸಿಕೆಗಳನ್ನು ನೀಡುತ್ತಿಲ್ಲ
ಸತ್ಯ: ಒಪ್ಪಿತ ಮಾರ್ಗಸೂಚಿಗಳ ಪ್ರಕಾರ ಕೇಂದ್ರವು ಸಾಕಷ್ಟು ಲಸಿಕೆಗಳನ್ನು ಪಾರದರ್ಶಕ ರೀತಿಯಲ್ಲಿ ರಾಜ್ಯಗಳಿಗೆ ನೀಡುತ್ತಿದೆ. ವಾಸ್ತವದಲ್ಲಿ ಲಸಿಕೆಗಳ ಲಭ್ಯತೆಯ ಬಗ್ಗೆ ರಾಜ್ಯಗಳಿಗೆ ಮುಂಚಿತವಾಗಿ ತಿಳಿಸಲಾಗುತ್ತಿದೆ. ಲಸಿಕೆ ಲಭ್ಯತೆಯು ಮುಂದಿನ ದಿನಗಳಲ್ಲಿ ಹೆಚ್ಚಾಗಲಿದೆ ಮತ್ತು ಹೆಚ್ಚಿನ ಪೂರೈಕೆಯೂ ಸಾಧ್ಯವಾಗಲಿದೆ. ರಾಜ್ಯಗಳು ಮತ್ತು ಖಾಸಗಿ ಆಸ್ಪತ್ರೆಗಳು ತಲಾ ಶೇ 25ರಷ್ಟು ಪ್ರಮಾಣ ಪಡೆಯುತ್ತಿವೆ. ಆದಾಗ್ಯೂ, ರಾಜ್ಯಗಳು ಈ 25 ಪ್ರತಿಶತ ಪ್ರಮಾಣಗಳ ರೆಜಿಮಿಯಲ್ಲಿ ಜನರು ಎದುರಿಸುತ್ತಿರುವ ಬಿಕ್ಕಟ್ಟುಗಳು ಮತ್ತು ಸಮಸ್ಯೆಗಳು ಅಪೇಕ್ಷಿತವಾಗಿ ಇರುವುದನ್ನು ಬದಿಗೆ ತಳ್ಳುತ್ತಿವೆ.
ಲಸಿಕೆ ಪೂರೈಕೆಯ ಸಂಗತಿಗಳ ಬಗ್ಗೆ ಸಂಪೂರ್ಣ ತಿಳಿವಳಿಕೆಯ ಹೊರತಾಗಿಯೂ, ಪ್ರತಿದಿನ ಟಿವಿಯಲ್ಲಿ ಕಾಣಿಸಿಕೊಳ್ಳುವುದು ಮತ್ತು ಜನರಲ್ಲಿ ಭೀತಿ ಉಂಟುಮಾಡುವ ನಮ್ಮ ಕೆಲವು ನಾಯಕರ ವರ್ತನೆ ಬಹಳ ದುರದೃಷ್ಟಕರ. ರಾಜಕೀಯ ಆಟವಾಡುವ ಸಮಯ ಇದಲ್ಲ. ಈ ಹೋರಾಟದಲ್ಲಿ ಎಲ್ಲರನ್ನೂ ಒಗ್ಗೂಡಿಸುವ ಅಗತ್ಯವಿದೆ ಎಂದು ವಿರೋಧ ಪಕ್ಷಗಳಿಗೆ ಕಿವಿಮಾತು ಹೇಳಿದರು.
ಮಿಥ್ಯ 7: ಮಕ್ಕಳಿಗೆ ಲಸಿಕೆ ಹಾಕಲು ಕೇಂದ್ರ ಯಾವುದೇ ಕ್ರಮ ತೆಗೆದುಕೊಳ್ಳುತ್ತಿಲ್ಲ
ಸತ್ಯ: ಈಗಿನಂತೆ ವಿಶ್ವದ ಯಾವುದೇ ದೇಶವು ಮಕ್ಕಳಿಗೆ ಲಸಿಕೆಗಳನ್ನು ನೀಡುತ್ತಿಲ್ಲ. ಅಲ್ಲದೆ, ಮಕ್ಕಳಿಗೆ ಲಸಿಕೆ ನೀಡುವ ಬಗ್ಗೆ ಡಬ್ಲ್ಯುಎಚ್‌ಒಗೆ ಯಾವುದೇ ಶಿಫಾರಸು ಇಲ್ಲ. ಮಕ್ಕಳಲ್ಲಿ ಲಸಿಕೆಗಳ ಸುರಕ್ಷತೆಯ ಬಗ್ಗೆ ಅಧ್ಯಯನಗಳು ನಡೆದಿದ್ದು, ಅದು ಉತ್ತೇಜನಕಾರಿಯಾಗಿದೆ. ಭಾರತದಲ್ಲಿ ಮಕ್ಕಳ ಮೇಲೆ ಪ್ರಯೋಗಗಳು ಕೂಡ ಶೀಘ್ರದಲ್ಲೇ ಪ್ರಾರಂಭವಾಗಲಿವೆ. ಮಕ್ಕಳಿಗೆ ಲಸಿಕೆ ಹಾಕುವಿಕೆಯನ್ನು ವಾಟ್ಸಾಪ್ ಗುಂಪುಗಳಲ್ಲಿನ ಭೀತಿಯ ಆಧಾರದ ಮೇಲೆ ನಿರ್ಧರಿಸಬಾರದು. ಕೆಲವು ರಾಜಕಾರಣಿಗಳು ರಾಜಕೀಯವನ್ನು ಆಟವಾಡಲು ಬಯಸುತ್ತಾರೆ. ಪ್ರಯೋಗಗಳ ಆಧಾರದ ಮೇಲೆ ಸಾಕಷ್ಟು ಡೇಟಾ ಲಭ್ಯವಾದ ನಂತರ ಅದು ನಮ್ಮ ವಿಜ್ಞಾನಿಗಳು ತೆಗೆದುಕೊಳ್ಳುವ ನಿರ್ಧಾರವಾಗಿರಬೇಕು.
