ನವದೆಹಲಿ: ಲಕ್ಷಾಂತರ ಜನರ ಸಾವಿಗೆ ಕಾರಣವಾಗಿರುವ ಕೊರೊನಾ ವೈರಸ್ ಬರುವ ದಿನಗಳಲ್ಲಿ ಕೆಮ್ಮು ಮತ್ತು ನೆಗಡಿಯಂತೆ ಸಾಮಾನ್ಯವಾಗಿ ಉಳಿದು ಬಿಡಬಹುದು ಎಂದು ಅಧ್ಯಯನವೊಂದು ತಿಳಿಸಿದೆ.
ವೈರಸ್ ಜರ್ನಲ್ನಲ್ಲಿ ಪ್ರಕಟವಾದ ಸಂಶೋಧನೆ ಮತ್ತು ಗಣಿತದ ಮಾದರಿ ಆಧರಿಸಿ ಈ ಮಾಹಿತಿ ಹೊರಬಿದ್ದಿದೆ. ಪ್ರಸ್ತುತ ಕೋವಿಡ್ ಸಾಂಕ್ರಾಮಿಕ ಕಾಲಾನಂತರದಲ್ಲಿ ನಮ್ಮ ದೇಹದಲ್ಲಿನ ಸ್ಥಿತಿಗತಿಗಳಲ್ಲೂ ಬದಲಾವಣೆ ಮಾಡುತ್ತದೆ ಎಂದು ತಿಳಿಸಿದೆ.
ಇದಕ್ಕೆ ಸಂಬಂಧಿಸಿದಂತೆ ಅಮೆರಿಕದ ಯುಟಾ ವಿಶ್ವವಿದ್ಯಾಲಯದ ಗಣಿತ ಮತ್ತು ಜೈವಿಕ ವಿಜ್ಞಾನಗಳ ಪ್ರಾಧ್ಯಾಪಕ ಫ್ರೆಡ್ ಆಡ್ಲರ್ ಮಾತನಾಡಿದ್ದು, ಕೊರೊನಾ ಸಂಭವನೀಯ ಭವಿಷ್ಯದ ಬಗ್ಗೆ ತಿಳಿಸುತ್ತದೆ. ಆದರೆ, ಈಗಲೇ ಸಂಪೂರ್ಣವಾಗಿ ಹೇಳಲು ಸಾಧ್ಯವಿಲ್ಲ. ಮುಂದಿನ ದಶಕದಲ್ಲಿ ಕೋವಿಡ್ ತೀವ್ರತೆ ಕಡಿಮೆಯಾಗಬಹುದು ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.
ಇದನ್ನೂ ಓದಿ: ಕೊರೊನಾಗೆ ಆರ್ಯುವೇದ ಔಷಧಿ ಕೊಳ್ಳಲು ಮುಗಿಬಿದ್ದ ಜನ.. ಆಂಧ್ರ ಸಿಎಂ ಜಗನ್‌ ಅದಕ್ಕೆ ಹೀಗಂದರು..
ವೈರಸ್ನಲ್ಲಿನ ಬದಲಾವಣೆಗಳಿಗಿಂತ ನಮ್ಮ ದೇಹದಲ್ಲಿನ ರೋಗನಿರೋಧಕ ಪ್ರಕ್ರಿಯೆ ಬದಲಾಗಲಿದ್ದು, ಕೋವಿಡ್ ಕೂಡ ನೆಗಡಿ, ಕೆಮ್ಮಿನ ರೀತಿ ಇರಲಿದೆ ಎಂದಿದ್ದಾರೆ. SARS-COV-2 ವೈರಸ್ ಕೂಡ ಕೊರೊನಾ ವೈರಸ್ನಂತೆ ಹರಡಿದರೂ, ಅದರಿಂದ ಮಾನವರಿಗೆ ಇದೀಗ ಅಪಾಯ ಕಡಿಮೆ. ಇದೇ ರೀತಿ ಮುಂದಿನ ದಿನಗಳಲ್ಲೂ ಕೋವಿಡ್ ಉಳಿದುಕೊಳ್ಳಲಿದೆ ಎಂದಿದ್ದಾರೆ.
