ವಂಚಕನಿಂದ ಲಂಚ ಕೇಳಿದ ಆರೋಪ: ಗುಜರಾತ್‌ನ ಇಬ್ಬರು ಅಧಿಕಾರಿಗಳು ಸಿಬಿಐ ಬಲೆಗೆ

ಬ್ಯಾಂಕ್​​​ವೊಂದಕ್ಕೆ 104 ಕೋಟಿ ರೂ.ಗಳನ್ನು ವಂಚಿಸಿದ ಆರೋಪ ಎದುರಿಸುತ್ತಿರುವ ಗುಜರಾತ್ ಮೂಲದ ಸಂಸ್ಥೆಯೊಂದರ ಮಾಲೀಕರಿಂದ 75 ಲಕ್ಷ ರೂ. ಲಂಚ ಕೇಳಿದ ಆರೋಪದ ಮೇಲೆ ಜಾರಿ ನಿರ್ದೇಶನಾಲಯ(ಇಡಿ)ಯ ಇಬ್ಬರು ಅಧಿಕಾರಿಗಳನ್ನು ಸಿಬಿಐ ಬಂಧಿಸಿದೆ.

ನವದೆಹಲಿ​: ವಂಚನೆಯ ಆರೋಪಿಯಿಂದ ಲಂಚ ಕೇಳಿದ ಗಂಭೀರ ಆರೋಪ ಪ್ರಕರಣದಡಿ ಅಧಿಕಾರಿಗಳೇ ಅಂದರ್​ ಆಗಿದ್ದಾರೆ. ಗುಜರಾತ್​​ನಲ್ಲಿ ಲಂಚ ಪಡೆಯುತ್ತಿದ್ದ ಇಡಿಯ ಇಬ್ಬರು ಅಧಿಕಾರಿಗಳನ್ನು ಸಿಬಿಐ ಬಂಧಿಸಿದೆ.

ಬ್ಯಾಂಕ್​​​ವೊಂದಕ್ಕೆ 104 ಕೋಟಿ ರೂ.ಗಳನ್ನು ವಂಚಿಸಿದ ಆರೋಪ ಎದುರಿಸುತ್ತಿರುವ ಗುಜರಾತ್ ಮೂಲದ ಸಂಸ್ಥೆಯೊಂದರ ಮಾಲೀಕರಿಂದ 75 ಲಕ್ಷ ರೂ. ಲಂಚ ಕೇಳಿದ ಆರೋಪದ ಮೇಲೆ ಇಡಿ ಉಪನಿರ್ದೇಶಕ ಮತ್ತು ಜಾರಿ ನಿರ್ದೇಶನಾಲಯದ ಸಹಾಯಕ ನಿರ್ದೇಶಕರನ್ನು ಶುಕ್ರವಾರ ಸಿಬಿಐ ಬಂಧಿಸಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.