ವೈಶಾಲಿ (ಬಿಹಾರ): 4 ದಿನಗಳ ಹಿಂದೆ ನಿಗೂಢವಾಗಿ ನಾಪತ್ತೆಯಾಗಿದ್ದ 9 ವರ್ಷದ ಬಾಲಕಿಯ ಶವ ಪತ್ತೆಯಾಗಿದ್ದು, ಬಾಲಕಿಯ ಬಲಗೈನ 4 ಬೆರಳುಗಳು ತುಂಡಾದ ಸ್ಥಿತಿಯಲ್ಲಿ ಕಂಡು ಬಂದಿದೆ. ಜತೆಗ ಶವವನ್ನು ಸುಡಲು ಆ್ಯಸಿಡ್ನಿಂದ ಸುಡಲು ಪ್ರಯತ್ನಿಸಿರುವ ಹೇಯ ಕೃತ್ಯ ಬಿಹಾರದ ವೈಶಾಲಿ ಜಿಲ್ಲೆಯ ಜಂಡಾಹ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.
ಕಳೆದ ಬುಧವಾರ ನಿಗೂಢವಾಗಿ ನಾಪತ್ತೆಯಾಗಿದ್ದ ಬಾಲಕಿ ಇಂದು ಬಾಳೆ ತೋಟದ ಬಳಿ ಮೃತದೇಹವಾಗಿ ಪತ್ತೆಯಾಗಿದ್ದಾರೆ, ಮೃತದೇಹದ ಬಲಗೈನಲ್ಲಿ 4 ಬೆರಳುಗಳು ತುಂಡಾಗಿದ್ದು, ಬಾಲಕಿಯ ಗುರುತು ಸಿಗಬಾರದೆಂಬ ಕಾರಣಕ್ಕೆ ಮೃತದೇಹದ ಮೇಲೆ ಆ್ಯಸಿಡ್ ಹಾಕಿ ಸುಡುಲು ಯತ್ನಿಸಿದ್ದಾರೆ. ಈ ಘಟನೆ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಲಾಗಿದ್ದು, ಸ್ಥಳಕ್ಕಾಗಮಿಸಿದ ಪೊಲೀಸರು ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿ ವಿಚಾರಣೆ ಶುರು ಮಾಡಿದ್ದಾರೆ. ಮೃತ ದೇಹ ಸಿಕ್ಕ ಸ್ಥಳಕ್ಕೆ ಶ್ವಾನದಳವನ್ನು ಕರೆಸಿ ಪರೀಶಿಲನೆ ನಡೆಸಿದ್ದಾರೆ.
ಈ ಘಟನೆ ಬಗ್ಗೆ ಎಸ್‌ಡಿಪಿಒ ಸುರ್ಭ್ ಸುಮನ್ ಮಾತನಾಡಿ, ಹೆಣ್ಣು ಮಗು ನಾಪತ್ತೆಯಾಗಿರುವ ಬಗ್ಗೆ ಎಫ್‌ಐಆರ್ ದಾಖಲಿಸಲಾಗಿದೆ. ಸ್ಥಳೀಯ ಪೊಲೀಸ್ ಠಾಣೆಯ ಪೊಲೀಸರು ಕುಟುಂಬದೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದಾರೆ. ಬಾಲಕಿಯ ಶವ ಅವರ ಮನೆಯ ಹಿಂದೆ ಸಿಕ್ಕಿದೆ ಎಂದು ತಿಳಿದು ಬಂದಿದೆ, ಮೃತದೇಹ ಪತ್ತೆಯಾದ ಜಾಗಕ್ಕೆ ಪೊಲೀಸರು ಭೇಟಿ ನೀಡಿ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಎಫ್‌ಎಸ್‌ಎಲ್ ತಂಡ ಮತ್ತು ಶ್ವಾನದಳವನ್ನು ಕೂಡ ಕರೆಸಿ ಸ್ಥಳವನ್ನು ಪರಿಶೀಲನೆ ನಡೆಸಲಾಗುತ್ತಿದೆ ಮತ್ತು ಅದಷ್ಟು ಬೇಗ ಈ ಕೃತ್ಯ ಮಾಡಿದವರನ್ನು ಪತ್ತೆ ಹಚ್ಚುತ್ತೇವೆ ಎಂದು ಹೇಳಿದರು.
ಮೃತ ಬಾಲಕಿ ಬಾಲಕಿಯ ಕುಟುಂಸ್ಥರು ಮಾತನಾಡಿ, ನಾವೆಲ್ಲರೂ ನಾಲ್ಕು ದಿನಗಳಿಂದ ಹುಡುಗಿಗಾಗಿ ಹುಡುಕುತ್ತಿದ್ದರೂ ಯಾವುದೇ ಸುಳಿವು ಸಿಕ್ಕಿರಲಿಲ್ಲ, ಆದರೆ ಮನೆಯ ಹಿಂದೆ ಶವ . ಶವ ಪತ್ತೆಯಾಗಿದೆ. ಮೃತ ದೇಹವು ಬಾಳೆ ಮರ ಮತ್ತು ಸೆಣಬಿನ ನಡುವೆ ಇತ್ತು. ಆಕೆಯ ಮುಖ ಹಾಗೂ ಇತರ ಭಾಗಗಳ ಮೇಲೆ ಆ್ಯಸಿಡ್ ಸುರಿದು ವಿರೂಪಗೊಳಿಸಲಾಗಿದೆ. ಮಗುವಿನ ಗುರುತು ಮರೆಮಾಚಲು ಇದನ್ನು ಮಾಡಿರಬೇಕು. ಮೊದಲು ಆಕೆಯ ಕೈ ನ ಎಲ್ಲಾ ಬೆರಳುಗಳು ಚೆನ್ನಾಗಿದ್ದವು, ಆದರೆ ಈಗ ಮೃತ ದೇಹವನ್ನು ನೋಡಿದಾಗ ಬಲಗೈನ ನಾಲ್ಕು ಬೆರಳುಗಳು ಕತ್ತರಿಸಿದ್ದಾರೆ. ಬಾಲಕಿಯ ಮೇಲೆ ಅತ್ಯಾಚಾರ ದೃಢಪಟ್ಟಿಲ್ಲ. ಆದರೆ ದುಷ್ಕರ್ಮಿಗಳು ಕ್ರೌಯದ ಎಲ್ಲಾ ಮಿತಿ ಮೀರಿ ಈ ಕೊಲೆ ಮಾಡಿದ್ದಾರೆ ಎಂದು ತಮ್ಮ ಅಳಲು ತೋಡಿಕೊಂಡಿದ್ದಾರೆ.
12 ತುಂಡುಗಳಾಗಿ ಕತ್ತರಿಸಿದ ಸ್ಥಿತಿಯಲ್ಲಿ ಯುವಕನ ಮೃತದೇಹ ಪತ್ತೆ: ಇದು ಬಿಹಾರದ ಕಥೆಯಾದರೆ ಒಡಿಶಾದ ಬೋಲಂಗಿರ್ ಜಿಲ್ಲೆಯ ಸಾಲೆಪಾಲಿ ಪಟ್ಟಣದ ಬೀಗ ಹಾಕಿದ ಮನೆಯ ಕೋಣೆಯೊಂದರಲ್ಲಿ ಯುವಕನ ಮೃತದೇಹವೊಂದು 12 ತುಂಡುಗಳಾಗಿ ಕತ್ತರಿಸಿ ಪಾಲಿಥಿನ್ ಬ್ಯಾಗ್ನಲ್ಲಿ ಪ್ಯಾಕ್ ಮಾಡಿದ ಸ್ಥಿತಿಯಲ್ಲಿ ಮೇ 17 ರಂದು ಪತ್ತೆಯಾಗಿತ್ತು. ಕೊಳೆತ ಸ್ಥಿತಿಯಲ್ಲಿದ್ದ ಮೃತದೇಹವನ್ನು ಪೊಲೀಸರು ವಶಪಡಿಸಿಕೊಂಡಿದ್ದರು. ಮೃತರನ್ನು ರಿಂಕು ಮೆಹರ್ (27) ಎಂದು ಗುರುತಿಸಲಾಗಿತ್ತು. ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ವಿಚಾರಣೆ ನಡೆಸಿದ್ದಾರೆ.
ಇದನ್ನೂ ಓದಿ: ಪ್ರೀತಿಯ ಬಲೆಗೆ ಬೀಳಿಸಿ ಯುವತಿಯ ಮಾರಾಟಕ್ಕೆ ಯತ್ನ ಆರೋಪ: ನಾಲ್ವರು ಆರೋಪಿಗಳ ಸೆರೆ
