ನವದೆಹಲಿ: ಕಳೆದ ಎರಡು ವರ್ಷಗಳಿಂದ ಕೋವಿಡ್ ವಿರುದ್ಧ ಭಾರತ ಹೋರಾಡುತ್ತಿದೆ. ಈ ಹೋರಾಟದಲ್ಲಿ ಪ್ರಧಾನಿ ಮೋದಿ ಅವರ ನಾಯಕತ್ವವನ್ನು ಪ್ರಸ್ತುತಪಡಿಸುವ ಪುಸ್ತಕವೊಂದು ಶುಕ್ರವಾರ ಬಿಡುಗಡೆಯಾಗಲಿದೆ.
ಎ ನೇಷನ್ ಟು ಪ್ರೊಟೆಕ್ಟ್- ಲೀಡಿಂಗ್ ಇಂಡಿಯಾ ಥ್ರೂ ಕೋವಿಡ್ ಕ್ರಿಸಿಸ್ (A Nation To Protect- Leading India through Covid Crisis) ಎಂದು ಪುಸ್ತಕಕ್ಕೆ ಹೆಸರಿಡಲಾಗಿದ್ದು, ಪ್ರಿಯಮ್ ಗಾಂಧಿ- ಮೋದಿ ಅವರ ಮೂರನೇ ಪುಸ್ತಕ ಇದಾಗಿದೆ.
ಭಾರತದ ರಾಜಕೀಯ ನಾಯಕತ್ವ ಮತ್ತು ಜನರನ್ನು ರಕ್ಷಿಸುವ ಸರ್ಕಾರದ ಉದ್ದೇಶಕ್ಕೆ ಸಂಬಂಧಿಸಿದಂತೆ ಮಾಧ್ಯಮಗಳು ಮತ್ತು ರಾಜಕೀಯ ನಾಯಕರನ್ನು ನಾನು ಈ ಪುಸ್ತಕದಲ್ಲಿ ಪ್ರಸ್ತಾಪಿಸಿದ್ದೇನೆ. ವಿವಿಧ ಕ್ಷೇತ್ರಗಳಿಂದ ಬರುತ್ತಿರುವ ನಕಾರಾತ್ಮಕ ಪ್ರತಿಕ್ರಿಯೆಗಳ ಹೊರತಾಗಿಯೂ ಪ್ರಧಾನಿ ಮೋದಿ ಸ್ಫೂರ್ತಿ, ಉತ್ಸಾಹದಿಂದಿರುತ್ತಾರೆ, ಪ್ರೇರೇಪಿಸುವಂತಿರುತ್ತಾರೆ. ಈ ಬಗ್ಗೆ ಅವರನ್ನು ಕೇಳಿದ್ದೇನೆ ಎಂದು ಪ್ರಿಯಮ್ ಗಾಂಧಿ-ಮೋದಿ ಹೇಳಿದ್ದಾರೆ.
ಇದನ್ನೂ ಓದಿ:ಅಪರಾಧ ಹಿನ್ನೆಲೆಯ ಭಾರತೀಯ ಸಂಸದರ ಬಗ್ಗೆ ಸಿಂಗಾಪುರ ಪ್ರಧಾನಿ ಹೇಳಿಕೆಗೆ ಭಾರತ ಖಂಡನೆ
ಈ ಪುಸ್ತಕವನ್ನು ಶುಕ್ರವಾರ ಮಧ್ಯಾಹ್ನ ಕೇಂದ್ರ ಆರೋಗ್ಯ ಸಚಿವ ಮನ್ಸುಖ್ ಮಾಂಡವಿಯಾ ಅವರು ಆರೋಗ್ಯ ಸಚಿವಾಲಯದ ಹಿರಿಯ ಅಧಿಕಾರಿಗಳ ಸಮ್ಮುಖದಲ್ಲಿ ಬಿಡುಗಡೆ ಮಾಡಲಿದ್ದಾರೆ. ಮಾಂಡವಿಯಾ ಅವರ ಹೆಸರೂ ಕೂಡಾ ಪುಸ್ತಕದಲ್ಲಿ ಉಲ್ಲೇಖವಾಗಿದೆ ಎನ್ನಲಾಗಿದೆ.
