ಕಾಂಚನ್​ ಜರಿವಾಲಾ ಉಮೇದುವಾರಿಕೆ ವಾಪಸ್​: ಮುಂದುವರಿದ ಬಿಜೆಪಿ ಆಪ್​ ಕಿತ್ತಾಟ

ಆಪ್​ ಅಭ್ಯರ್ಥಿ ಕಾಂಚನ್​ ಜರಿವಾಲಾ ಕಣದಿಂದ ಹಿಂದೆ ಸರಿದಿರುವುದು ಬಿಜೆಪಿ- ಆಮ್​ ಆದ್ಮಿ ಪಕ್ಷದ ಕಿತ್ತಾಟಕ್ಕೆ ಕಾರಣವಾಗಿದೆ.

ಸೂರತ್(ಗುಜರಾತ್​): ಗುಜರಾತ್​ ಚುನಾವಣೆಯಲ್ಲಿ ಆಮ್​ ಆದ್ಮಿ ಪಕ್ಷ ಮತ್ತು ಬಿಜೆಪಿ ಮಧ್ಯೆ ತುರುಸಿನ ಪೈಪೋಟಿ ನಡೆದಿದೆ. ಈಚೆಗೆ ಆಪ್​ನ ಅಭ್ಯರ್ಥಿ ಕಾಂಚನ್​ ಜರಿವಾಲಾ ಕಣದಿಂದ ಹಿಂದೆ ಸರಿದಿದ್ದಕ್ಕೆ ಬಿಜೆಪಿಯೇ ಕಾರಣ. ಒತ್ತಡ ಮತ್ತು ಆಮಿಷವೊಡ್ಡಿ ನಾಮಪತ್ರ ಹಿಂಪಡೆಯುವಂತೆ ಮಾಡಿದ್ದಾರೆ ಎಂದು ಆಪ್​ ನಾಯಕರು ದೂರಿದ್ದಾರೆ. ಇದಕ್ಕೆ ತಿರುಗೇಟು ನೀಡಿರುವ ಬಿಜೆಪಿ, ಕಾಂಚನ್​ ಜರಿವಾಲಾ ಕಣದಿಂದ ಹಿಂದೆ ಸರಿಯುವಲ್ಲಿ ಪಕ್ಷದ ಪಾತ್ರವಿಲ್ಲ. ಆಪ್​ ಆರೋಪ ನಿರಾಧಾರ ಎಂದಿದೆ.

ಆಮ್ ಆದ್ಮಿ ಪಕ್ಷದ ಅಭ್ಯರ್ಥಿ ಕಾಂಚನ್ ಜರಿವಾಲಾ ಸಲ್ಲಿಸಿದ್ದ ಉಮೇದುವಾರಿಕೆಯನ್ನು ವಾಪಸ್​ ಪಡೆದಿದ್ದಾರೆ. ಆಪ್​ ಅಭ್ಯರ್ಥಿ ಕಣದಿಂದ ಹಿಂದೆ ಸರಿಯಲು ಹಣದ ಬೇಡಿಕೆ ಇಟ್ಟಿದ್ದರು. ಸೋಲುವ ಕಾರಣಕ್ಕಾಗಿ ಅವರು ಚುನಾವಣೆಯಿಂದ ಪಲಾಯನ ಮಾಡಿದ್ದಾರೆ. ಅದರ ಆರೋಪವನ್ನು ಬಿಜೆಪಿ ಮೇಲೆ ಹೊರಿಸುತ್ತಿದೆ ಎಂದು ಗುಜರಾತ್‌ನ ಬಿಜೆಪಿ ವಕ್ತಾರ ಡಾ.ಜಗದೀಶ್ ಪಟೇಲ್ ಹೇಳಿದ್ದಾರೆ.

ಇದು ಪಕ್ಷಕ್ಕೆ ಸಂಬಂಧವಿಲ್ಲ: ಗುಜರಾತ್‌ನ ಆಮ್ ಆದ್ಮಿ ಪಕ್ಷದ ಪ್ರಾದೇಶಿಕ ನಿರ್ದೇಶಕ ರಾಘವ್ ಚಡ್ಡಾ ಅವರನ್ನು ಕಣದಲ್ಲಿ ಉಳಿಸುವ ಸಲುವಾಗಿ ಚುನಾವಣಾ ಆಯೋಗದ ಕಚೇರಿಯಲ್ಲಿ ಒತ್ತಡ ಹೇರಿ, ನಾಮಪತ್ರ ರದ್ದುಗೊಳಿಸಲಾಗಿದೆ. ಆಪ್​ ಮಾಡಿರುವ ಆಧಾರರಹಿತ ಆರೋಪಗಳನ್ನು ಭಾರತೀಯ ಜನತಾ ಪಕ್ಷ ಬಲವಾಗಿ ತಿರಸ್ಕರಿಸುತ್ತದೆ ಎಂದು ಹೇಳಿದರು.

ಓದಿ: ಕಾಂಗ್ರೆಸ್ ಆಡಳಿತದಲ್ಲಿ ಇಡೀ ಕರ್ನಾಟಕದ ಮಾಹಿತಿಯನ್ನು ಬಳಸಿಕೊಂಡಿದ್ದಾರೆ: ಸಿಎಂ ಬೊಮ್ಮಾಯಿ