ಮೋದಿ ವರ್ಚುವಲ್‌ ಸಭೆ ವೇಳೆ ಕೇಜ್ರಿವಾಲ್​ 'ಆಲಸ್ಯತನ'ದ ಭಂಗಿ: ಬಿಜೆಪಿ ಹಿಗ್ಗಾಮುಗ್ಗಾ ತರಾಟೆ

ಮುಖ್ಯಮಂತ್ರಿಗಳೊಂದಿಗೆ ಪ್ರಧಾನಿ ನರೇಂದ್ರ ಮೋದಿ ಸಭೆ ನಡೆಸುತ್ತಿದ್ದ ವೇಳೆ ದೆಹಲಿ ಸಿಎಂ ಕೇಜ್ರಿವಾಲ್ ನಡೆದುಕೊಂಡಿರುವ ರೀತಿಗೆ ಬಿಜೆಪಿ ಕೆಂಡಾಮಂಡಲವಾಗಿದೆ.

ನವದೆಹಲಿ: ದೇಶದ ಎಲ್ಲ ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳ ಮುಖ್ಯಮಂತ್ರಿಗಳೊಂದಿಗೆ ಪ್ರಧಾನಿ ನರೇಂದ್ರ ಮೋದಿ ಕೋವಿಡ್​ ವಿಚಾರವಾಗಿ ಇಂದು ಮಹತ್ವದ ಸಭೆ ನಡೆಸಿದರು. ಇದರಲ್ಲಿ ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಸಹ ಭಾಗಿಯಾಗಿದ್ದು, ಪ್ರಧಾನಿ ಚರ್ಚೆ ವೇಳೆ ಕೇಜ್ರಿವಾಲ್​ ತಾವು ಕುಳಿತುಕೊಂಡಿದ್ದ ಚೇರ್​ ಹಿಂದೆ ಎರಡು ಕೈಗಳನ್ನು ಚಾಚುವ ಮೂಲಕ ಆಲಸ್ಯತನ ತೋರಿದ್ದಾರೆ ಎಂದು ಬಿಜೆಪಿ ಟೀಕಿಸಿದೆ.

ದೆಹಲಿ ಸಿಎಂ ಕೇಜ್ರಿವಾಲ್​ ಅವರನ್ನು 'ಸಂಸ್ಕಾರವಿಲ್ಲದ' ಸಿಎಂ ಎಂದು ಬಿಜೆಪಿ ಜರೆದಿದೆ. ಇದಕ್ಕೆ ಸಂಬಂಧಿಸಿದಂತೆ ವಿಡಿಯೋ ತುಣುಕನ್ನು ಟ್ವಿಟರ್​ನಲ್ಲಿ ಬಿಜೆಪಿ ಶೇರ್ ಮಾಡಿಕೊಂಡಿದೆ.

ಇದನ್ನೂ ಓದಿ: ಮಗ ಭಾರತೀಯ ಸೇನೆ ಸೇರುತ್ತಿದ್ದಂತೆ ಸರ್ಕಾರಕ್ಕೆ ಬಿಪಿಎಲ್ ಕಾರ್ಡ್​ ಮರಳಿಸಿದ ತಂದೆ!

ದೇಶದಲ್ಲಿ ಕೋವಿಡ್​​ ಹೆಚ್ಚಾಗುತ್ತಿರುವ ಕಾರಣ ಎಲ್ಲ ರಾಜ್ಯದ ಸಿಎಂಗಳಿಂದ ಪ್ರಧಾನಿ ಮಾಹಿತಿ ಪಡೆದುಕೊಂಡರು. ಇದಾದ ಬಳಿಕ ಮುಖ್ಯಮಂತ್ರಿಗಳನ್ನು ಉದ್ದೇಶಿಸಿ ಮಾತನಾಡಿದರು. ವಿಡಿಯೋದಲ್ಲಿ ಆಮ್​ ಆದ್ಮಿ ಪಕ್ಷದ ನಾಯಕ ಅರವಿಂದ್ ಕೇಜ್ರಿವಾಲ್​​ ಆಲಸ್ಯತನದಿಂದ ನಡೆದುಕೊಂಡಿದ್ದಾರೆಂದು ಬಿಜೆಪಿ ಆರೋಪಿಸಿದೆ.

• Mannerless CM of Delhi! pic.twitter.com/yswnLNI6Ty

  — BJP Delhi (@BJP4Delhi) April 27, 2022 " class="align-text-top noRightClick twitterSection" data="

  Mannerless CM of Delhi! pic.twitter.com/yswnLNI6Ty

  — BJP Delhi (@BJP4Delhi) April 27, 2022

  ">

  Mannerless CM of Delhi! pic.twitter.com/yswnLNI6Ty

  — BJP Delhi (@BJP4Delhi) April 27, 2022

ಕೋವಿಡ್​​ ಸೋಂಕಿನ ಹೊರತಾಗಿ ಮೋದಿ ಇಂಧನ ಬೆಲೆ ಏರಿಕೆ ವಿಚಾರವಾಗಿಯೂ ಚರ್ಚಿಸಿದರು. ಸಾಮಾನ್ಯ ಜನರಿಗೆ ಅನುಕೂಲವಾಗುವ ರೀತಿಯಲ್ಲಿ ತೆರಿಗೆ ಕಡಿಮೆ ಮಾಡುವಂತೆ ಕೆಲವು ರಾಜ್ಯಗಳ ಸಿಎಂಗಳಿಗೆ ಮನವಿ ಮಾಡಿದರು.