ಮಹಿಳಾ ಟೋಲ್​ ಸಿಬ್ಬಂದಿಗೆ ಕಪಾಳ ಮೋಕ್ಷ ಮಾಡಿದ ಕಾರ್​ ಡ್ರೈವರ್​... ದೃಶ್ಯ ಸಿಸಿಟಿವಿಯಲ್ಲಿ ಸೆರೆ

ಟೋಲ್​ ಸಂಗ್ರಹ ವೇಳೆ ಮಹಿಳಾ ಸಿಬ್ಬಂದಿ ಹಾಗೂ ಡ್ರೈವರ್ ನಡುವೆ ಮಾತಿಗೆ ಮಾತು ಬೆಳೆದು, ಕಾರ್​ ಡ್ರೈವರ್​ ಮಹಿಳಾ ಸಿಬ್ಬಂದಿಗೆ ಕಪಾಳಮೋಕ್ಷ ಮಾಡಿರುವ ಘಟನೆ ಹರಿಯಾಣದ ಗುರ್​ಗಾಂವ್​ನಲ್ಲಿ ನಡೆದಿದೆ. ಈ ದೃಶ್ಯ ಟೋಲ್ ಘಟಕದ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಗುರ್​ಗಾಂವ್(ಹರಿಯಾಣ): ಕಾರ್​ ಡ್ರೈವರ್​ ಒಬ್ಬ ಮಹಿಳಾ ಟೋಲ್​ ಸಿಬ್ಬಂದಿಗೆ ಕಪಾಳಮೋಕ್ಷ ಮಾಡಿರುವ ಘಟನೆ ಹರಿಯಾಣದ ಗುರ್​ಗಾಂವ್​ನ ಖೇರ್ಕಿ ದೌಲಾ ಟೋಲ್ ಪ್ಲಾಜಾದಲ್ಲಿ ನಡೆದಿದೆ.

ಟೋಲ್​ ಸಂಗ್ರಹ ವೇಳೆ ಮಹಿಳಾ ಸಿಬ್ಬಂದಿ ಹಾಗೂ ಡ್ರೈವರ್ ನಡುವೆ ಮಾತಿಗೆ ಮಾತು ಬೆಳೆದು, ಮೊದಲು ಕಾರ್​ ಡ್ರೈವರ್​ ಮಹಿಳಾ ಸಿಬ್ಬಂದಿಯ ಕೆನ್ನೆ ಮೇಲೆ ಹೊಡೆದಿದ್ದಾನೆ. ಬಳಿಕ ರೊಚ್ಚಿಗೆದ್ದ ಮಹಿಳಾ ಸಿಬ್ಬಂದಿಯೂ ಆತನಿಗೆ ತಿರುಗಿಸಿ ಹೊಡೆದಿದ್ದಾರೆ.

ಈ ವೇಳೆ ಅಲ್ಲಿದ್ದ ಇತರ ಸಿಬ್ಬಂದಿ ತಡೆದರಾದರೂ ಹೊಡೆದಾಟ ನಿಲ್ಲಲಿಲ್ಲ. ಈ ವೇಳೆ ತಾಳ್ಮೆ ಕಳೆದುಕೊಂಡ ಸಿಬ್ಬಂದಿ ಟೋಲ್​ ಘಟಕದಿಂದ ಹೊರ ಹೋಗಿ ಆತನಿಗೆ ಹೊಡೆದಿದ್ದಾರೆ. ಬಳಿಕ ಹೊರಗಿದ್ದವರು ಕಾರ್​ ಡ್ರೈವರ್​ನನ್ನು ತಡೆದಿದ್ದಾರೆ. ಇನ್ನು ಈ ದೃಶ್ಯ ಟೋಲ್ ಘಟಕದ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.