ಪಾಟ್ನಾ (ಬಿಹಾರ): ಲಾಕ್‌ಡೌನ್‌ನಿಂದಾಗಿ ಪಾಟ್ನಾದ ಪಾಲಿಗಂಜ್‌ನ ಮಹಿಳೆಯೊಬ್ಬಳು ತನ್ನ ತವರು ಮನೆಯಲ್ಲಿ ಸಿಲುಕಿದ ಹಿನ್ನೆಲೆ ಆಕೆಯ ಪತಿ ತನ್ನ ಮಾಜಿ ಗೆಳತಿಯನ್ನು ವಿವಾಹವಾದ ಘಟನೆ ನಡೆದಿದೆ.
ಲಾಕ್ಡೌನ್ ಘೋಷಿಸುವ ಮೊದಲು ಪತ್ನಿ ಗುಡಿಯಾ ದೇವಿ ತನ್ನ ತಾಯಿಯ ಮನೆಗೆ ಹೋಗಿದ್ದಳು. ಬಳಿಕ ಲಾಕ್ಡೌನ್ ಘೋಷಣೆಯಾದ ಕಾರಣ ಭರತ್‌ಪುರದ ತನ್ನ ಗಂಡನ ಮನೆಗೆ ಮರಳಲು ಆಕೆಗೆ ಸಾಧ್ಯವಾಗಲಿಲ್ಲ.
ಅವಳ ಪತಿ ಧೀರಜ್ ಕುಮಾರ್ ಹೇಗಾದರೂ ಹಿಂತಿರುಗಬೇಕೆಂದು ಕೇಳಿಕೊಳ್ಳುತ್ತಿದ್ದ. ಆದರೆ, ಮಹಿಳೆ ಹಿಂತಿರುಗಲು ಸಾಧ್ಯವಾಗಿರಲಿಲ್ಲ. ಇದರಿಂದ ಕೋಪಗೊಂಡಿದ್ದ ಧೀರಜ್ ಕುಮಾರ್, ರಘುನಾಥಪುರದ ತನ್ನ ಮಾಜಿ ಗೆಳತಿಯನ್ನು ಮದುವೆಯಾಗಿದ್ದಾನೆ.
ಧೀರಜ್ ಹಾಗೂ ಗುಡಿಯಾ ದೇವಿ ದಂಪತಿಗೆ 10 ವರ್ಷದ ಮಗನಿದ್ದಾನೆ. ಪಾಟ್ನಾ ಜಿಲ್ಲೆಯ ಪಾಲಿಗಂಜ್‌ನ ದುಲ್ಹಾನ್ ಬಜಾರ್ ಪೊಲೀಸ್ ಠಾಣೆಯಲ್ಲಿ ಗುಡಿಯಾ ದೇವಿ ಈ ಕುರಿತು ದೂರು ದಾಖಲಿಸಿದ್ದಾರೆ.
