ಹೈದರಾಬಾದ್: ಪ್ರತಿಯೊಬ್ಬರೂ ಇಷ್ಟಪಡುವ ಕನಿಷ್ಠ ಬಳಕೆದಾರ ಇಂಟರ್ಫೇಸ್‌ನ ದುರ್ಬಲಗೊಳಿಸದೆ ಹೊಸ ವೈಶಿಷ್ಟ್ಯಗಳೊಂದಿಗೆ ಅಪ್ಲಿಕೇಶನ್‌ ರಿಫ್ರೆಶ್ ಮಾಡಲು ವಾಟ್ಸ್ಆ್ಯಪ್ ತೀರ್ಮಾನಿಸಿದೆ. ಇದರ ಜೊತೆಗೆ ಎಲ್ಲಾ ಬಳಕೆದಾರರಿಗೆ ಬಳಸಬಹುದಾದ ಹೊಸ ಮತ್ತು ಆಸಕ್ತಿದಾಯಕ ಫೀಚರ್ಗಳನ್ನು ವಾಟ್ಸ್ಆ್ಯಪ್ ಪರಿಚಯಿಸಿದ್ದು, ಗೂಗಲ್ ಪ್ಲೇ ಸ್ಟೋರ್ ಮೂಲಕ ಎಲ್ಲಾ ರೀತಿಯ ಬಳಕೆದಾರರು ಇವುಗಳನ್ನು ಬಳಸಬಹುದಾಗಿದೆ. ಹಾಗಾದರೆ ಇತ್ತೀಚೆಗೆ ವಾಟ್ಸ್ಆ್ಯಪ್ ಬಿಡುಗಡೆ ಮಾಡಿರುವ ಮತ್ತು ಮುಂದೆ ಮಾಡಲಿರುವ ಕೆಲ ಫೀಚರರ್ಸ್‌ ಇಲ್ಲಿವೆ ನೋಡಿ..
ನ್ಯೂ ಫಾರ್ವರ್ಡ್ ಲೇಬಲ್:
ಈ ವಾರದ ಆರಂಭದಲ್ಲಿ ವಾಟ್ಸ್ಆ್ಯಪ್ ಭಾರತದಲ್ಲಿ ತನ್ನ ಬಳಕೆದಾರರಿಗಾಗಿ ‘ಪದೇಪದೆ ಫಾರ್ವರ್ಡ್ ಮಾಡುವ’ ಫೀಚರ್‌ನ ಹೊರತಂದಿದೆ. ಒಂದು ಸಂದೇಶವನ್ನು ಐದಕ್ಕಿಂತ ಹೆಚ್ಚು ಸಲ ಫಾರ್ವರ್ಡ್ ಮಾಡಿದರೆ ಈ ವಿಶೇಷ ಐಕಾನ್ ಕಾಣಿಸಲಿದೆ. ಫಾರ್ವರ್ಡ್ ಮಾಡಿದ ಸಂದೇಶದ ಪಕ್ಕದಲ್ಲಿ ವಿಶೇಷ ಡಬಲ್ ಬಾಣದ ಐಕಾನ್ ಕಾಣಿಸುತ್ತದೆ. ಬಳಕೆದಾರರು ಆಗಾಗ್ಗೆ ಫಾರ್ವರ್ಡ್ ಮಾಡುವ ಸಂದೇಶಗಳನ್ನು ಇತರರಿಗೆ ಕಳುಹಿಸುವಾಗ ಅವರಿಗೂ ಇದು ಫಾರ್ವರ್ಡ್ ಸಂದೇಶ ಎಂದು ತಿಳಿಸುವುದಕ್ಕಾಗಿ ಈ ಫೀಚರ್‌ನ ಪರಿಚಯಿಸಲಾಗಿದೆ ಎಂದು ವಾಟ್ಸ್ಆ್ಯಪ್ ಹೇಳಿದೆ.
ಮಲ್ಟಿ ಫ್ಲಾಟ್ ಫಾರ್ಮ್ ಸಪೋರ್ಟ್:
ಮತ್ತೊಂದು ದೊಡ್ಡ ಮಟ್ಟದ ಬದಲಾವಣೆಗೆ ವಾಟ್ಸ್ಆ್ಯಪ್ ಸಜ್ಜಾಗಿದ್ದು, ಈ ಫೀಚರ್ ಬಳಕೆದಾರರು ತಮ್ಮ ಖಾತೆಯನ್ನು ಏಕ ಕಾಲಕ್ಕೆ ವಿವಿಧ ಡಿವಾಯ್ಸ್‌ಗಳಲ್ಲಿ ಬಳಸಲು ಅನುವು ಮಾಡಿಕೊಡಲಿದೆ. ಈ ಫೀಚರ್‌ನ ಆ್ಯಪಲ್ ಐಪ್ಯಾಡ್‌ನ ಗುರಿಯಾಗಿರಿಸಿ ಜಾರಿಗೆ ತರಲಾಗಿದೆ. ವರದಿಗಳ ಪ್ರಕಾರ, ಬಳಕೆದಾರರು ಐಒಎಸ್ ಆಧಾರಿತ ಐಪ್ಯಾಡ್‌ನಲ್ಲಿ ಮತ್ತು ಆಂಡ್ರಾಯ್ಡ್‌ನಲ್ಲಿ ಒಂದೇ ಖಾತೆಯನ್ನು ಏಕಕಾಲಕ್ಕೆ ಲಾಗ್ ಔಟ್ ಮಾಡದೆ ಬಳಸಬಹುದು. ಮತ್ತು ವಾಟ್ಸ್ಆ್ಯಪ್ ವೆಬ್ ಮೂಲಕ ಪಿಸಿ ಗಳಲ್ಲೂ ಬಳಸಬಹುದು.
ವಾಯ್ಸ್ ಮೆಸೇಜ್ ಪ್ರಿವೀವ್:
ಮತ್ತೊಂದು ಬಹುನಿರೀಕ್ಷಿತ ಫೀಚರ್‌ನ ವಾಟ್ಸ್ಆ್ಯಪ್ ಶೀಘ್ರದಲ್ಲೇ ಐಫೋನ್ ಬಳಕೆದಾರರಿಗೆ ನೀಡಲಿದೆ. ಅದೇನೆಂದರೆ, ವಾಯ್ಸ್ ಮೆಸೇಜ್ ಪ್ರಿವೀವ್. ಈ ಫೀಚರ್ ಮೂಲಕ ವಾಯ್ಸ್ ಮೆಸೇಜ್ ಕಳಿಸುವ ಮೊದಲೇ ಅದನ್ನು ಪರೀಕ್ಷಿಸಿ ನೋಡಲು ಸಾಧ್ಯವಾಗುತ್ತದೆ. ಸದ್ಯ ಈ ಫೀಚರ್ ಅಭಿವೃದ್ದಿಯ ಹಂತದಲ್ಲಿದ್ದು, ಶೀಘ್ರದಲ್ಲಿಯೇ ಬಳಕೆಗೆ ಬರಲಿದೆ.
ಗ್ರೂಪ್ ಇನ್ವೆಟೇಶನ್:
ವಾಟ್ಸ್ಆ್ಯಪ್ ಇತ್ತೀಚೆಗೆ ಹೊಸ ಫೀಚರ್‌ನ ಅಳವಡಿಸಿಕೊಂಡಿದ್ದು, ಈ ಫೀಚರ್ ಮೂಲಕ ಬಳಕೆದಾರರು ಇನ್ನೊಬ್ಬ ವ್ಯಕ್ತಿಯನ್ನು ಗುಂಪಿಗೆ ಸೇರಿಸುವುದನ್ನು ತಡೆಯಬಹುದು. ಈ ಫೀಚರ್‌ನ ಬಳಸಬೇಕಾದರೆ ಬಳಕೆದಾರರು ತಮ್ಮ ವಾಟ್ಸ್ಆ್ಯಪ್ ಖಾತೆಯ ಸೆಟ್ಟಿಂಗ್ಸ್‌ಗೆ ಹೋಗಿ ಅಲ್ಲಿ ಪ್ರೈವಸಿ ಆಯ್ಕೆಯನ್ನು ಮಾಡಬೇಕು. ಪ್ರೈವಸಿ ಸೆಟ್ಟಿಂಗ್ಸ್‌ನಲ್ಲಿ ನೋಬಡಿ, ಎವರಿ ಒನ್, ಮತ್ತು ಮೈ ಕಾಂಟಾಕ್ಟ್ ಓನ್ಲಿ ಎಂಬ ಮೂರು ವಿಧದ ಸೆಟ್ಟಿಂಗ್ಸ್‌ಗಳಿದ್ದು ಅವುಗಳನ್ನು ತಮಗೆ ಬೇಕಾದ ಹಾಗೆ ಬಳಸಬಹುದು. ಇಲ್ಲಿ ಸೆಟ್ಟಿಂಗ್ಸ್ ಆಯ್ಕೆ ಪ್ರಕಾರ ಇತರರನ್ನು ಗುಂಪಿಗೆ ಸೇರಿಸಬಹುದು ಮತ್ತು ಸೇರುವುದಕ್ಕೆ ನಿರ್ಬಂಧ ಹೇರಬಹುದು.
ಡಾರ್ಕ್ ಮೋಡ್:
ಆಂಡ್ರಾಯ್ಡ್ (ಆಂಡ್ರಾಯ್ಡ್ ಕ್ಯೂ) ಮತ್ತು ಐಒಎಸ್ (ಐಒಎಸ್ 13) ಶೀಘ್ರದಲ್ಲೇ ಸಿಸ್ಟಮ್-ವೈಡ್ ಡಾರ್ಕ್ ಮೋಡ್‌ನ ಒದಗಿಸಲಿದೆ. ಈ ಫೀಚರ್ ಮೂಲಕ ವಾಟ್ಸ್ಆ್ಯಪ್ ಬಳಕೆದಾರರು ತಮಗೆ ಬೇಕಾದ ಹಾಗೆ ಬಣ್ಣಗಳನ್ನು ಬದಲಿಸಲು ಸಹಾಯ ಮಾಡುತ್ತದೆ. ವಿಶೇಷವಾಗಿ ಸೂರ್ಯಾಸ್ತದ ನಂತರ ಕಣ್ಣುಗಳ ಮೇಲೆ ಬೀಳುವ ಒತ್ತಡವನ್ನು ತಡೆಯಲು ಈ ಫೀಚರ್ ಸಹಾಯ ಮಾಡಲಿದೆ. ಯೂಟ್ಯೂಬ್, ಕ್ರೋಮ್ ಮತ್ತು ಗೂಗಲ್ ಮ್ಯಾಪ್ ಈಗಾಗಲೇ ಬಳಕೆದಾರರಿಗೆ ಈ ಡಾರ್ಕ್ ಮೋಡ್‌ನ ನೀಡುತ್ತಿರುವುದು ಇಲ್ಲಿ ಗಮನಿಸಬೇಕಾದ ಸಂಗತಿ.
