ಉತ್ತರ ಪ್ರದೇಶದಲ್ಲಿ ಮೂವರು ದಲಿತ ಸಹೋದರಿಯರ ಮೇಲೆ ಕೆಮಿಕಲ್​​​​​​​ ದಾಳಿ

ಮೂವರು ಯುವತಿಯರು ತಮ್ಮ ನಿವಾಸದಲ್ಲಿ ಮಲಗಿದ್ದ ವೇಳೆ ದುಷ್ಕರ್ಮಿಗಳು ರಾಸಾಯನಿಕ ಪದಾರ್ಥ​​​​​​​​ ಎರಚಿ ಪರಾರಿಯಾಗಿದ್ದಾರೆ.

ಗೊಂಡಾ (ಉ.ಪ್ರ): ಮೂವರು ದಲಿತ ಸಹೋದರಿಯರ ಮೇಲೆ ದುಷ್ಕರ್ಮಿಗಳು ಕೆಮಿಕಲ್​​​​ ಮೂಲಕ​ ದಾಳಿ ಮಾಡಿ ಅಮಾನವೀಯತೆ ಮೆರೆದಿದ್ದಾರೆ. ಇಲ್ಲಿನ ಪಕ್ಕ ಗ್ರಾಮದ ಪರಸ್​​​​​ಪುರ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ತಡರಾತ್ರಿ ಘಟನೆ ನಡೆದಿದೆ.

ಮೂವರು ಯುವತಿಯರು ತಮ್ಮ ನಿವಾಸದಲ್ಲಿ ಮಲಗಿದ್ದ ವೇಳೆ ದುಷ್ಕರ್ಮಿಗಳು ಕೆಮಿಕಲ್​​​​​ ಎರಚಿ ಪರಾರಿಯಾಗಿದ್ದಾರೆ. ಪರಿಣಾಮ ಓರ್ವ ಸಹೋದರಿಗೆ ಶೇ.30ರಷ್ಟು ಸುಟ್ಟ ಗಾಯವಾಗಿದೆ. ಇನ್ನಿಬ್ಬರಿಗೆ ಶೇ.20 ಹಾಗೂ 7ರಷ್ಟು ಸುಟ್ಟ ಗಾಯವಾಗಿದೆ.

ಈ ಘಟನೆ ತಿಳಿದ ತಕ್ಷಣ ಪೊಲೀಸರು ಸ್ಥಳಕ್ಕಾಗಮಿಸಿದ್ದು, ಮೂವರನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ದಾಳಿಗೆ ನಿಖರ ಕಾರಣ ತಿಳಿದುಬಂದಿಲ್ಲ. ಇನ್ನು ಕೃತ್ಯಕ್ಕೆ ಬಳಸಿರುವ ಕೆಮಿಕಲ್ ಯಾವುದು ಎಂಬುವುದರ ಬಗ್ಗೆ ವೈದ್ಯರು ಪರೀಕ್ಷೆ ನಡೆಸುತ್ತಿದ್ದಾರೆ ಎಂದು ಗೋಂಡಾ ಪೊಲೀಸ್ ವರಿಷ್ಠಾಧಿಕಾರಿ ಮಾಹಿತಿ ನೀಡಿದ್ದಾರೆ.