ವಾಷಿಂಗ್ಟನ್: ಪ್ರಾದೇಶಿಕ ಬೆದರಿಕೆಗಳ ವಿರುದ್ಧ ತನ್ನ ಸಾಮರ್ಥ್ಯವನ್ನು ಹೆಚ್ಚಿಸಲು ಮತ್ತು ತನ್ನ ತಾಯ್ನಾಡಿನ ರಕ್ಷಣೆಯನ್ನು ಹೆಚ್ಚಿಸಲು 155 ಮಿಲಿಯನ್ ಯುಎಸ್ ಡಾಲರ್ ಮೌಲ್ಯದ ಹಾರ್ಪೂನ್ ವಾಯು-ಉಡಾವಣಾ ಹಡಗು ವಿರೋಧಿ ಕ್ಷಿಪಣಿಗಳು ಮತ್ತು ಮಾರ್ಕ್ 54 ಹಗುರವಾದ ಟಾರ್ಪಿಡೊಗಳನ್ನು ಭಾರತಕ್ಕೆ ಮಾರಾಟ ಮಾಡಲು ಅಮೆರಿಕ ನಿರ್ಧಸಿದೆ.
2016 ರಲ್ಲಿ ಅಮೆರಿಕವು ಭಾರತವನ್ನು 'ಪ್ರಮುಖ ರಕ್ಷಣಾ ಪಾಲುದಾರ' ಎಂದು ಗುರುತಿಸಿದೆ. ಈ ಅಂಕಿತನಾಮವು ಅಮೆರಿಕದ ಹತ್ತಿರದ ಮಿತ್ರರಾಷ್ಟ್ರಗಳು ಮತ್ತು ಪಾಲುದಾರರೊಂದಿಗೆ ಸಮನಾಗಿ ಅಮೆರಿಕದಿಂದ ಹೆಚ್ಚು ಸುಧಾರಿತ ಮತ್ತು ಸೂಕ್ಷ್ಮ ತಂತ್ರಜ್ಞಾನಗಳನ್ನು ಖರೀದಿಸಲು ಭಾರತಕ್ಕೆ ಅನುಮತಿ ನೀಡುತ್ತದೆ.
10 ಎಜಿಎಂ -84 ಎಲ್ ಹಾರ್ಪೂನ್ ಬ್ಲಾಕ್ II ವಾಯು-ಉಡಾವಣಾ ಕ್ಷಿಪಣಿಗಳ ಮಾರಾಟಕ್ಕೆ 92 ಮಿಲಿಯನ್ ಯುಎಸ್ ಡಾಲರ್ ವೆಚ್ಚವಾಗಲಿದೆ ಎಂದು ಅಂದಾಜಿಸಲಾಗಿದೆ. ಇನ್ನೊಂದೆಡೆ 16 ಎಂಕೆ 54 ಆಲ್ ಅಪ್ ರೌಂಡ್ ಟಾರ್ಪಿಡೊಗಳು ಮತ್ತು ಮೂರು ಎಂಕೆ 54 ಎಕ್ಸಸೈಝ್ ಟಾರ್ಪಿಡೊಗಳಿಗೆ 63 ಮಿಲಿಯನ್ ಯುಎಸ್ ಡಾಲರ್ ವೆಚ್ಚವಾಗಲಿದೆ ಎಂದು ಅಮೆರಿಕದ ರಕ್ಷಣಾ ಭದ್ರತಾ ಸ ಹಕಾರ ಸಂಸ್ಥೆ ತಿಳಿಸಿದೆ.
ಭಾರತ ಸರ್ಕಾರವು ಈ ಎರಡು ಮಿಲಿಟರಿ ಯಂತ್ರಗಳನ್ನು ಪೂರೈಸುವಂತೆ ಮಾಡಿದ ಕೋರಿಕೆಯ ಮೇರೆಗೆ ಯುಎಸ್ ಸ್ಟೇಟ್ ಡಿಪಾರ್ಟ್ಮೆಂಟ್ ಈ ನಿರ್ಣಯಕ್ಕೆ ಬಂದಿದೆ.
