ವರ್ಲ್ಡ್ ವೈಡ್ ಹೆಸರುವಾಸಿಯಾಗಿರುವ ಟಾಪ್ ಕೋವಿಡ್ -19 ಲಸಿಕೆಗಳು

ಜಗತ್ತನೇ ಬದಲಿಸಿರುವ ಕೊರೊನಾ ವೈರಸ್​ಗೆ ಲಸಿಕೆ ಹುಡುಕಲು ಪ್ರಪಂಚದಾದ್ಯಂತ ಸಂಶೋಧಕರು ಸಮಯಕ್ಕಿಂತ ವೇಗವಾಗಿ ಕೆಲಸ ಮಾಡುತ್ತಿದ್ದಾರೆ. ಹೀಗೆ ಕೊರೊನಾ ತಡೆಯುವಲ್ಲಿ ಯಶಸ್ವಿಯಾಗಿ ಜಾಗತಿಕವಾಗಿ ಹೆಸರುವಾಸಿಯಾಗಿರುವ ಕೆಲವು ಲಸಿಕೆಗಳು ಈ ಕೆಳಗಿನಂತಿವೆ.

ಫಿಜರ್‌ನ ಕೋವಿಡ್ -19 ಲಸಿಕೆಗೆ ಯುನೈಟೆಡ್ ಕಿಂಗ್‌ಡಮ್ ಅನುಮೋದನೆಯನ್ನು ನೀಡಿದೆ. ಕೊರೊನಾ ಲಸಿಕೆಗೆ ಅನುಮೋದನೆ ನೀಡಿದ ಮೊದಲ ಪಾಶ್ಚಿಮಾತ್ಯ ರಾಷ್ಟ್ರ ಇದಾಗಿದೆ. ಈ ಲಸಿಕೆ ಕೋವಿಡ್ -19ನನ್ನು ತಡೆಗಟ್ಟುವಲ್ಲಿ ಶೇ.95 ರಷ್ಟು ಪರಿಣಾಮಕಾರಿಯಾಗಿದೆ. ಜನವರಿಯಿಂದ ಸುಮಾರು 60ರಿಂದ 70 ದಶಲಕ್ಷದಷ್ಟು ಲಸಿಕೆ ಲಭ್ಯವಾಗಲಿದೆ.

ವಿಶ್ವ ಆರೋಗ್ಯ ಸಂಸ್ಥೆ ಈ ಲಸಿಕೆಯನ್ನು ತುರ್ತು ಸಂದರ್ಭದಲ್ಲಿ ಬಳಸಬಹುದೆಂದು ಹೇಳಿದೆ. ಫಿಜರ್ ಅನ್ನು ಬ್ರಿಟನ್ ಶೀಘ್ರವಾಗಿ ಅನುಮೋದಿಸಿರುವುದನ್ನು ಯುರೋಪಿಯನ್ ಯೂನಿಯನ್ ಟೀಕಿಸಿತ್ತು. ಫಿಜರ್ ಯುಎಸ್ ಕಂಪನಿಯಾಗಿದೆ ಮತ್ತು ಬಯೋಟೆಕ್ ಜರ್ಮನ್ ಕಂಪನಿಯಾಗಿದೆ. ಲಸಿಕೆಯನ್ನು ಯುಎಸ್ ಅಥವಾ ಜರ್ಮನಿ ಇನ್ನೂ ಅನುಮೋದಿಸಿಲ್ಲ.

ಈ ಲಸಿಕೆಯ ದೀರ್ಘಾವಧಿಯ ಶೇಖರಣೆಗಾಗಿ ಮೈನಸ್ 70 ಡಿಗ್ರಿ ಸೆಲ್ಸಿಯಸ್‌ನ ಉಷ್ಣತೆ ಅಗತ್ಯವಿರುತ್ತದೆ. ಇದನ್ನು ಕಡಿಮೆ ಅವಧಿಗೆ ಸಾಮಾನ್ಯ ಶೈತ್ಯೀಕರಣದಲ್ಲಿ ಸಂಗ್ರಹಿಸಬಹುದು. ಫಿಜರ್ ಲಸಿಕೆಯ ಬಗ್ಗೆ ಭಾರತ ಯಾವುದೇ ಪ್ರಯೋಗವನ್ನು ನಡೆಸಲಿಲ್ಲ. ಲಸಿಕೆ ಬಗ್ಗೆ ಮಾತನಾಡಿದ ಉನ್ನತ ಅಧಿಕಾರಿಗಳು, ಭಾರತವು ಫಿಜರ್ ಖರೀದಿಸುವ ಅಗತ್ಯವಿಲ್ಲ ಎಂದು ಹೇಳಿದ್ದಾರೆ.

ಬಿಎನ್​​ಟಿ162ಬಿ2 ಎಮ್​ಆರ್​ಎನ್ಎ (BNT162b2 mRNA): ನ್ಯೂಯಾರ್ಕ್ ಮೂಲದ ಫಿಜರ್ ಮತ್ತು ಜರ್ಮನ್ ಕಂಪನಿಯ ಬಯೋಎನ್ಟೆಕ್ ಲಸಿಕೆಗಳು ಮೂರನೇ ಹಂತದ ಪ್ರಯೋಗದಲ್ಲಿ ಶೇ.95 ಕ್ಕಿಂತ ಹೆಚ್ಚು ಪರಿಣಾಮಕಾರಿ ಎಂದು ತಿಳಿದು ಬಂದಿದೆ. ಇದರ ಬೆಲೆ $ 20.00 (RS.1,478.61) ಇದೆ.

ಮಾಡರ್ನಾ(mRNA): ಈ ಲಸಿಕೆಯ ಮೂರನೇ ಹಂತದ ಪ್ರಯೋಗದಲ್ಲಿ ಶೇ.94.5ರಷ್ಟು ಪರಿಣಾಮಕಾರಿ ಎಂದು ತಿಳಿದು ಬಂದಿದೆ. ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಹೆಲ್ತ್‌ನ ಸಹಭಾಗಿತ್ವದಲ್ಲಿ ಮಾಡರ್ನಾ ಲಸಿಕೆಯನ್ನು ಕಂಡು ಹಿಡಿಯಲಾಗಿದೆ. ಇದರ ಬೆಲೆ $ 25- $ 37 ( Rs.1,847.96 ರಿಂದ 2,734)ಇದೆ.

ಆ್ಯಡಕ್ಸ್​​ 1/ ಕೋವಿಶೀಲ್ಡ್​​(ChAdOx1 / Covi shield):ಬ್ರಿಟಿಷ್ - ಸ್ವೀಡಿಷ್ ಕಂಪನಿ ಅಸ್ಟ್ರಾಜೆನೆಕಾ ಮತ್ತು ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯಗಳು ಚಿಂಪಾಂಜಿ ಅಡೆನೊವೈರಸ್ ಆಧರಿಸಿ ಲಸಿಕೆ ಅಭಿವೃದ್ಧಿಪಡಿಸಿದವು. ಆಕ್ಸ್‌ಫರ್ಡ್ ಸಂಶೋಧಕರು ಕೋತಿಗಳ ಮೇಲೆ ಆ್ಯಡಕ್ಸ್​​ 1 ಎಂದು ಕರೆಯಲ್ಪಡುವ ಲಸಿಕೆಯನ್ನು ಪರೀಕ್ಷಿಸುವ ಮೂಲಕ ಪ್ರಾರಂಭಿಸಿದರು. ಲಸಿಕೆ ಯುನೈಟೆಡ್ ಕಿಂಗ್‌ಡಮ್ ಮತ್ತು ಭಾರತದಲ್ಲಿ (ಕೋವಿಶೀಲ್ಡ್) ಹಂತ 2/3 ಪ್ರಯೋಗಗಳನ್ನು ಪ್ರಾರಂಭಿಸಿತು. ಆರಂಭಿಕ ಅರ್ಧ - ಸಾಮರ್ಥ್ಯದ ಡೋಸ್ 90 ಪ್ರತಿ ಶತದಷ್ಟು ಪರಿಣಾಮಕಾರಿ ಆಗಿವೆ. ಆದರೆ, ಎರಡು ಸ್ಟ್ಯಾಂಡರ್ಡ್ - ಡೋಸ್ ಹೊಡೆತಗಳು ಕೇವಲ ಶೇ.62ರಷ್ಟು ಪರಿಣಾಮ ಬೀರಿವೆ. ಇದು ಭಾರತದಲ್ಲಿ 223 ರಿಂದ 297 ರೂ ಆಗಲಿದೆ.

ಅಡೆನೊವೈರಸ್ 26: ಬೋಸ್ಟನ್‌ನಲ್ಲಿರುವ ಬೆತ್ ಇಸ್ರೇಲ್ ಡಿಕಾನೆಸ್ ಮೆಡಿಕಲ್ ಸೆಂಟರ್ ಅಡೆನೊವೈರಸ್ 26, ಅಥವಾ ಆಡ್ 26 ಎಂಬ ವೈರಸ್​ನನ್ನು ಅಭಿವೃದ್ಧಿಪಡಿಸಿದೆ. ಜಾನ್ಸನ್ ಮತ್ತು ಜಾನ್ಸನ್, ಎಬೊಲಾ ಇತರ ಕಾಯಿಲೆಗಳಿಗೆ ಲಸಿಕೆಗಳನ್ನು ಆಡ್ 26 ನೊಂದಿಗೆ ಅಭಿವೃದ್ಧಿಪಡಿಸಿದ್ದರು. ಈಗ ಇದರಿಂದ ಕೊರೊನಾ ವೈರಸ್​ಗೆ ಲಸಿಕೆಯನ್ನು ತಯಾರಿಸಿದ್ದಾರೆ.ಸ್ಪುಟ್ನಿಕ್ ವಿ:ರಷ್ಯಾದ ಗಮಲೇಯ ರಿಸರ್ಚ್ ಇನ್ಸ್ಟಿಟ್ಯೂಟ್ ಈ ಲಸಿಕೆಯನ್ನು ಆರಂಭದಲ್ಲಿ ಗ್ಯಾಮ್ - ಕೋವಿಡ್ - ವ್ಯಾಕ್ ಎಂದು ಕರೆಯುತ್ತಿತ್ತು. ಇದನ್ನು ಅಡೆನೊವೈರಸ್​ಗಳಿಂದ ಆಡ್ 5 ಮತ್ತು ಆಡ್ 26 ಎಂದು ಕರೆಯಲಾಗುತ್ತದೆ. ಮೂರನೇ ಹಂತದ ಪ್ರಯೋಗದಲ್ಲಿ ಇದು ಶೇ. 92-95ರಷ್ಟು ಪರಿಣಾಮಕಾರಿಯಾಗಿದೆ. ಇದರ ಬೆಲೆ RS. 1,480.95ಕ್ಕಿಂತ ಕಡಿಮೆ ಇರುತ್ತದೆ.

ಕೊರೊನಾವಾಕ್: ಚೀನಾದ ಖಾಸಗಿ ಕಂಪನಿಯಾದ ಸಿನೋವಾಕ್ ಬಯೋಟೆಕ್, ಕೊರೊನಾವಾಕ್ ಎಂಬ ನಿಷ್ಕ್ರಿಯ ಲಸಿಕೆಯನ್ನು ಅಭಿವೃದ್ಧಿಪಡಿಸಿತು. ಜುಲೈನಲ್ಲಿ ಸಿನೋವಾಕ್ ಬ್ರೆಜಿಲ್​ನಲ್ಲಿ 3ನೇ ಹಂತದ ಪ್ರಯೋಗವನ್ನು ಪ್ರಾರಂಭಿಸಿತು. ಇತರರು ಇಂಡೋನೇಷ್ಯಾ ಮತ್ತು ಟರ್ಕಿಯಲ್ಲಿ ಆರಂಭಿಸಿದರು. ಸಿನೋವಾಕ್ ಇನ್ನೂ ಕೊನೆಯ ಹಂತದ ಪ್ರಯೋಗ ದತ್ತಾಂಶವನ್ನು ಬಿಡುಗಡೆ ಮಾಡದಿದ್ದರೂ, ಅಕ್ಟೋಬರ್ 19 ರಂದು ಬ್ರೆಜಿಲ್‌ನ ಅಧಿಕಾರಿಗಳು 3 ನೇ ಹಂತದ ಪ್ರಯೋಗಗಳಲ್ಲಿ ಪರೀಕ್ಷಿಸುತ್ತಿದ್ದು ಇದರಲ್ಲಿ ಐದು ಲಸಿಕೆಗಳಲ್ಲಿ ಇದು ಸುರಕ್ಷಿತವಾಗಿದೆ ಎಂದು ಹೇಳಿದರು.

ಕೊವಾಕ್ಸಿನ್: ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್ (ಐಸಿಎಂಆರ್) ಮತ್ತು ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ವೈರಾಲಜಿ ಸಹಯೋಗದೊಂದಿಗೆ ಭಾರತೀಯ ಕಂಪನಿ ಭಾರತ್ ಬಯೋಟೆಕ್ ಕೊರೊನಾ ವೈರಸ್​ನ ನಿಷ್ಕ್ರಿಯಗೊಳಿಸುವ ಕೊವಾಕ್ಸಿನ್ ಎಂಬ ಲಸಿಕೆಯನ್ನು ಅಭಿವೃದ್ಧಿಪಡಿಸಿದೆ. ಸ್ಥಳೀಯವಾಗಿ ಅಭಿವೃದ್ಧಿ ಹೊಂದುತ್ತಿರುವ ಕೊವಾಕ್ಸಿನ್​ನ ಮೂರನೇ ಹಂತದ ಮಾನವ ಕ್ಲಿನಿಕಲ್ ಪ್ರಯೋಗವು ನವೆಂಬರ್ 26 ರಂದು ಏಮ್ಸ್​​ನಲ್ಲಿ ಪ್ರಾರಂಭವಾಗಿದೆ.

ನೊವಾವಾಕ್ಸ್: ಮೇರಿಲ್ಯಾಂಡ್ ಮೂಲದ ನೊವಾವಾಕ್ಸ್ ಪ್ರೋಟೀನ್‌ಗಳನ್ನು ಸೂಕ್ಷ್ಮ ಕಣಗಳ ಮೇಲೆ ಅಂಟಿಸಿ ಲಸಿಕೆಗಳನ್ನು ಮಾಡುತ್ತದೆ. ನೊವಾವಾಕ್ಸ್ ಯುನೈಟೆಡ್ ಕಿಂಗ್‌ಡಂನಲ್ಲಿ 15,000 ಸ್ವಯಂಸೇವಕರಿಗೆ ಲಸಿಕೆ ನೀಡುವ ಮೂಲಕ 3ನೇ ಹಂತದ ಪ್ರಯೋಗವನ್ನು ಪ್ರಾರಂಭಿಸಿತು. ಪ್ರಮುಖ ಲಸಿಕೆ ತಯಾರಕರಾದ ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾದೊಂದಿಗೆ ನೊವಾವಾಕ್ಸ್ ಒಪ್ಪಂದ ಮಾಡಿಕೊಂಡಿದೆ. ಅವರು ವರ್ಷಕ್ಕೆ 2 ಬಿಲಿಯನ್ ಡೋಸ್‌ಗಳನ್ನು ಉತ್ಪಾದಿಸಲು ಸಾಧ್ಯವಾಗುತ್ತದೆ ಎಂದು ಹೇಳಿದ್ದಾರೆ.

ಆಡ್ 5: ಚೀನಾದ ಕಂಪನಿ ಕ್ಯಾನ್ಸಿನೊ ಬಯೋಲಾಜಿಕ್ಸ್ ದೇಶದ ಅಕಾಡೆಮಿ ಆಫ್ ಮಿಲಿಟರಿ ಮೆಡಿಕಲ್ ಸೈನ್ಸಸ್‌ನಲ್ಲಿರುವ ಇನ್‌ಸ್ಟಿಟ್ಯೂಟ್ ಆಫ್ ಬಯಾಲಜಿ ಸಹಭಾಗಿತ್ವದಲ್ಲಿ ಆಡ್ 5 ಎಂಬ ಅಡೆನೊವೈರಸ್ ಆಧಾರಿತ ಲಸಿಕೆಯನ್ನು ಅಭಿವೃದ್ಧಿಪಡಿಸಿತು. ಆಗಸ್ಟ್‌ನಿಂದ ಕ್ಯಾನ್‌ಸಿನೊ ಸೌದಿ ಅರೇಬಿಯಾ, ಪಾಕಿಸ್ತಾನ ಮತ್ತು ರಷ್ಯಾ ಸೇರಿದಂತೆ ಹಲವಾರು ದೇಶಗಳಲ್ಲಿ 3 ನೇ ಹಂತದ ಪ್ರಯೋಗಗಳನ್ನು ನಡೆಸಲು ಪ್ರಾರಂಭಿಸಿತು.

ನಿಕೋಟಿಯಾನಾ ಬೆಂಥಾಮಿಯಾನಾ: ಕೆನಡಾ ಮೂಲದ ಮೆಡಿಕಾಗೊ ಭಾಗಶಃ ಸಿಗರೇಟ್ ತಯಾರಕ ಫಿಲಿಪ್ ಮೋರಿಸ್ ಅವರಿಂದ ಧನಸಹಾಯವನ್ನು ಪಡೆದಿದ್ದು, ತಂಬಾಕಿಗೆ ಸಂಬಂಧಿಸಿದ ಕಾಡು ಪ್ರಭೇದವಾದ ನಿಕೋಟಿಯಾನಾ ಬೆಂಥಾಮಿಯಾನ ಎಂಬ ಸಸ್ಯದಲ್ಲಿ ಲಸಿಕೆಗಳನ್ನು ಬೆಳೆಯುತ್ತಾರೆ. ಲಸಿಕೆಯ 2 ನೇ ಹಂತದ ಪ್ರಯೋಗವು ನವೆಂಬರ್ 12 ರಂದು ಪ್ರಾರಂಭವಾಯಿತು.