ಶ್ರೀನಗರ: ಕಾಶ್ಮೀರದ ಪ್ರತ್ಯೇಕತಾವಾದಿ ಪಕ್ಷವಾಗಿರುವ ತೆಹ್ರೀಕ್-ಎ-ಹುರಿಯತ್ನ ಅಧ್ಯಕ್ಷ ಮೊಹಮ್ಮದ್ ಅಶ್ರಫ್ ಸೆಹ್ರಾಯ್ರನ್ನು ಪೊಲೀಸರು ಬಂಧಿಸಿದ್ದಾರೆ.
ಜಮ್ಮು ಮತ್ತು ಕಾಶ್ಮೀರದ ಬಘಾತ್ ಬಾರ್ಜುಲ್ಲಾದಲ್ಲಿರುವ ಅಶ್ರಫ್ ನಿವಾಸದಲ್ಲಿ ಪೊಲೀಸರು ಇಂದು ಬೆಳಿಗ್ಗೆ ಅರೆಸ್ಟ್ ಮಾಡಿದ್ದು, ಸಾರ್ವಜನಿಕ ಸುರಕ್ಷತಾ ಕಾಯ್ದೆ (ಪಿಎಸ್‌ಎ) ಅಡಿಯಲ್ಲಿ ಪ್ರಕರಣ ದಾಖಲಿಸುವ ಸಾಧ್ಯತೆಯಿದೆ.
ಕಳೆದ ಆಗಸ್ಟ್‌ನಿಂದ ಅಶ್ರಫ್ ಸೆಹ್ರಾಯ್ ಗೃಹಬಂಧನದಲ್ಲಿದ್ದರು.
ತೆಹ್ರೀಕ್-ಎ-ಹುರಿಯತ್:
ಇದೊಂದು ಪಾಕಿಸ್ತಾನಿ ಪರ ಪ್ರತ್ಯೇಕತಾವಾದಿ ಪಕ್ಷವಾಗಿದ್ದು, ಕಾಶ್ಮೀರದ ಪ್ರತ್ಯೇಕತವಾದಿ ಚಳುವಳಿಯ ರುವಾರಿ ಸೈಯದ್ ಶಾ ಗಿಲಾನಿ ಮುನ್ನಡೆಸುತ್ತಿದ್ದರು. ಇವರ ರಾಜೀನಾಮೆ ಬಳಿಕ ಅಶ್ರಫ್ ಸೆಹ್ರಾಯ್ ಅಧ್ಯಕ್ಷರಾಗಿದ್ದರು.
