(ಕರ್ನೂಲ್) ಆಂಧ್ರಪ್ರದೇಶ: ಕೋವಿಡ್ ವ್ಯಾಪಕವಾಗಿ ವ್ಯಾಪಿಸುತ್ತಿರುವ ಹಿನ್ನೆಲೆ, ಆಂಧ್ರದ ಕರ್ನೂಲ್ ಜಿಲ್ಲೆಯ ದೇವರಗಟ್ಟು ಗ್ರಾಮದಲ್ಲಿ ಆಚರಿಸಲಾಗುತ್ತಿದ್ದ ಬನ್ನಿ ಹಬ್ಬವನ್ನು ಈ ವರ್ಷ ರದ್ದುಗೊಳಿಸಲಾಗಿದೆ.
ಜನ ನಿಯಂತ್ರಣಕ್ಕೆ ಆಂಧ್ರ, ಕರ್ನಾಟಕ ಗಡಿಯಲ್ಲಿ 11 ಚೆಕ್ಪೋಸ್ಟ್ಗಳನ್ನ ಸ್ಥಾಪಿಸಲಾಗಿದೆ. ಆಲೂರು, ಹೊಲಗೊಂಡ, ಹಲಹರ್ವಿ ಮಂಡಲಗಳಿಗೆ ಕೆಎಸ್ಆರ್ಟಿಸಿ ಬಸ್ಗಳನ್ನ ನಿರ್ಬಂಧಿಸಲಾಗಿದೆ. ಆದ್ರೂ, ಜನರು ಬನ್ನಿ ಹಬ್ಬ ಆಚರಣೆಗೆ ಸ್ವಂತ ವಾಹನಗಳ ಮೂಲಕ ಆಗಮಿಸುತ್ತಿದ್ದಾರೆ. ಈ ಹಿನ್ನೆಲೆ ದೇವರಗಟ್ಟು ಮತ್ತು ಸುತ್ತಮುತ್ತಲಿನ ಪ್ರದೇಶದಲ್ಲಿ ಸೆಕ್ಷನ್ 144 ಅನ್ನು ಜಾರಿಗೊಳಿಸಲಾಗಿದೆ.
ಇನ್ನೂ, ದೇವರಗಟ್ಟುಗೆ ಭೇಟಿ ನೀಡಿದ ಅಡೋನಿ ಡಿಎಸ್ಪಿ ಮತ್ತು ಡಿಆರ್ಒ ಇಂದು ಬೆಳಗ್ಗೆ ಸಚಿವ ಗುಮ್ಮನುರಿ ಜಯರಾಮ್ರನ್ನು ಭೇಟಿ ಮಾಡಿ ಜನರು ಈ ಬಾರಿ ಬನ್ನಿ ಹಬ್ಬ ಆಚರಿಸದಂತೆ ತಿಳಿಸಿ ಎಂದು ಹೇಳಿದರು.
ದೇವರಕೊಂಡ ಮತ್ತು ಸುತ್ತಮುತ್ತಲಿನ ಗ್ರಾಮಗಳಲ್ಲಿ ಜನರು ಪ್ರತಿ ವರ್ಷ ವಿಜಯದಶಮಿಯ ಮರುದಿನ ಬನ್ನಿ ಹಬ್ಬ ಆಚರಿಸುತ್ತಾರೆ. ಅಲ್ಲದೆ ದೇವಿಯ ವಿಗ್ರಹಗಳನ್ನ ಹೊತ್ತು ಮೆರವಣಿಗೆ ಮಾಡುತ್ತಾರೆ. ಈ ವೇಳೆ ಜನರು ತುಳಿತಕ್ಕೊಳಗಾಗುವ ಸಾಧ್ಯತೆ ಹೆಚ್ಚಿರುತ್ತದೆ. ಜನಸಂದಣಿ ತಡೆಗಟ್ಟುವ ನಿಟ್ಟಿನಲ್ಲಿ ಜಿಲ್ಲಾಡಳಿತ ಈ ನಿರ್ಧಾರ ಕೈಗೊಂಡಿದ್ದು, ಕೋವಿಡ್ ಹರಡದಂತೆ ಮುಂಜಾಗ್ರತೆ ಕೈಗೊಂಡಿದೆ.
