ಹಾಸ್ಯನಟನ ದುರಂತ ಸಾವು... ಹಾಸ್ಯ ಮಾಡುತ್ತಲೇ ಕೊನೆಯುಸಿರೆಳೆದ ಸ್ಟಾಂಡ್​ ಅಪ್​ ಕಾಮಿಡಿಯನ್​​

ವೇದಿಕೆ ಮೇಲೆ ಕಾಮಿಡಿ ಮಾಡುತ್ತಿದ್ದ ಮಂಜುನಾಥ್​ ನಾಯ್ಡುಗೆ ಹೃದಯಾಘಾತವಾಗಿ ನೆಲಕ್ಕೆ ಬಿದ್ದಿದ್ದಾರೆ. ಆದ್ರೆ ಮುಂದೆ ಕೂತಿದ್ದ ಪ್ರೇಕ್ಷಕರು ಮಂಜುನಾಥ್​ ಕಾಮಿಡಿ ಮಾಡುತ್ತಿದ್ದಾರೆ ಎಂದು ಭಾವಿಸಿ ಜೋರಾಗಿ ಕೂಗ ತೊಡಗಿದ್ದರು, ಆದ್ರೆ ತುಂಬಾ ಹೊತ್ತಿನ ಬಳಿಕವೂ ಮಂಜುನಾಥ್​ ಮೇಲೆಳದಿದ್ದನ್ನು ಗಮನಿಸಿದ ಕಾರ್ಯಕ್ರಮ ಆಯೋಜಕರು ಸ್ಥಳಕ್ಕೆ ಬಂದು ಪರಿಶೀಲನೆ ನಡೆಸಿದಾಗ ಮಂಜುನಾಥ್​ ಸಾವನ್ನಪ್ಪಿದ್ದು ಗೊತ್ತಾಗಿದೆ.

ನವದೆಹಲಿ : ಭಾರತ ಮೂಲದ ಸ್ಟಾಂಡ್​ ಅಪ್ ಕಾಮಿಡಿಯನ್​ ಮಂಜುನಾಥ್​ ನಾಯ್ಡು ದುಬೈಯ ವೇದಿಕೆಯೊಂದರಲ್ಲಿ ಕಾಮಿಡಿ ಮಾಡುತ್ತಲೇ ಹೃದಯಾಘಾತದಿಂದ ಮೃತಪಟ್ಟಿದ್ದಾರೆ.

ವೇದಿಕೆ ಮೇಲೆ ಕಾಮಿಡಿ ಮಾಡುತ್ತಿದ್ದ ಮಂಜುನಾಥ್​ ನಾಯ್ಡುಗೆ ಹೃದಯಾಘಾತವಾಗಿ ನೆಲಕ್ಕೆ ಬಿದ್ದಿದ್ದಾರೆ. ಆದ್ರೆ ಮುಂದೆ ಕೂತಿದ್ದ ಪ್ರೇಕ್ಷಕರು ಮಂಜುನಾಥ್​ ಕಾಮಿಡಿ ಮಾಡುತ್ತಿದ್ದಾರೆ ಎಂದು ಭಾವಿಸಿ ಜೋರಾಗಿ ಕೂಗ ತೊಡಗಿದ್ದರು, ಆದ್ರೆ ತುಂಬಾ ಹೊತ್ತಿನ ಬಳಿಕವೂ ಮಂಜುನಾಥ್​ ಮೇಲೆಳದಿದ್ದನ್ನು ಗಮನಿಸಿದ ಕಾರ್ಯಕ್ರಮ ಆಯೋಜಕರು ಸ್ಥಳಕ್ಕೆ ಬಂದು ಪರಿಶೀಲನೆ ನಡೆಸಿದ್ದಾರೆ. ಅಷ್ಟರ ವೇಳೆಗಾಗಲೆ ಮಂಜುನಾಥ್​ ಸಾವನ್ನಪ್ಪಿದ್ದಾರೆ.

ಕಾಮಿಡಿ ಮಾಡುವ ವೇಳೆ ತನ್ನ ಮತ್ತು ಅವರ ತಂದೆಯ ವಿಷಯವನ್ನು ಇಟ್ಟುಕೊಂಡು ಹಾಸ್ಯ ಮಾಡುತ್ತಿದ್ದರು. ಈ ವೇಳೆ ಹೃದಯಾಘಾತ ಸಂಭವಿಸಿದೆ. ಮಂಜುನಾಥ್​ ನಾಯ್ಡು ಸ್ಥಳೀಯ ವಿಷಯಗಳನ್ನು ಬಳಸಿಕೊಂಡು ಹಾಸ್ಯ ಮಾಡುವುದರಲ್ಲಿ ನಿಪುಣರಾಗಿದ್ದರು.

ಇನ್ನು ಮಂಜುನಾಥ್​ಗೆ 36 ವರ್ಷ ವಯಸ್ಸಾಗಿದ್ದು, ಅಬುದಾಬಿಯಲ್ಲಿ ಜನಿಸಿದ್ದಾರೆ, ನಂತರದ ದಿನಗಳಲ್ಲಿ ದುಬೈಗೆ ಅವರು ಮನೆ ಶಿಫ್ಟ್​ ಮಾಡಿದ್ದರು ಎಂದು ಮೂಲಗಳು ತಿಳಿಸಿವೆ.