ಫರಿದಾಬಾದ್ (ಹರಿಯಾಣ): ನಡುರಸ್ತೆಯಲ್ಲೇ ಯುವತಿ ಮೇಲೆ ಶೂಟೌಟ್ ನಡೆಸಿದ್ದ ಪ್ರಕರಣ ಸಂಬಂಧ ವಿಶೇಷ ತನಿಖಾ ತಂಡ (ಎಸ್ಐಟಿ) ಪ್ರಕರಣ ನಡೆದು 11 ದಿನಗಳ ಬಳಿಕ ಚಾರ್ಜ್ ಶೀಟ್ ಸಲ್ಲಿಸಲಿದ್ದಾರೆ. ಪೊಲೀಸ್ ಅಧಿಕಾರಿ ಪ್ರಕಾರ, ನಿಕಿತಾ ತೋಮರ್ ಹತ್ಯೆ ಮಾಡಿದ ಆರೋಪಿಗಳಾದ ತೌಸಿಫ್, ರೆಹಾನ್ ಮತ್ತು ಅಜ್ರು ಎಂಬುವವರ ವಿರುದ್ಧ ಚಾರ್ಜ್ಶೀಟ್ ಸಲ್ಲಿಸಲಾಗುವುದು. ಆರೋಪಿಗಳ ವಿರುದ್ಧ ಎಸ್ಐಟಿ 25 ಬಲವಾದ ಸಾಕ್ಷ್ಯಗಳನ್ನು ಸಂಗ್ರಹಿಸಿದೆ ಎಂದಿದ್ದಾರೆ.
ಫರೀದಾಬಾದ್ ಕೊಲೆ ಪ್ರಕರಣ
ಈ ಸಾಕ್ಷ್ಯದಲ್ಲಿ ಮುಖ್ಯವಾಗಿ ಸಿಸಿಟಿವಿ ದೃಶ್ಯಾವಳಿಗಳು, ಅಪರಾಧಕ್ಕಾಗಿ ಬಳಿಸಿದ ಶಸ್ತ್ರಾಸ್ತ್ರಗಳು, ಆರೋಪಿಗಳ ಕೈಯಲ್ಲಿದ್ದ ಬಂದೂಕು, ಬಟ್ಟೆ ಹಾಗೂ ವಿಧಿವಿಜ್ಞಾನ ಪ್ರಯೋಗಾಲಯ ಕಳುಹಿಸಿರುವ ಕಾರಿನ ವರದಿ ಸಹ ಸೇರಿದೆ.
600 ಪುಟದ ಚಾರ್ಜ್ಶೀಟ್ನಲ್ಲಿ ಸುಮಾರು 60 ಮಂದಿಯ ಸಾಕ್ಷ್ಯಗಳಿದ್ದು, ಗುರುವಾರ ಜಿಲ್ಲಾ ನ್ಯಾಯಾಧೀಶರ ಮುಂದೆ ಹಾಜರುಪಡಿಸಲಾಗಿದೆ. ಇದಕ್ಕೂ ಮೊದಲು ಮೂವರು ಆರೋಪಿಗಳನ್ನು ಪೊಲೀಸರು ಬಂಧಿಸಿ ಕಸ್ಟಡಿಯಲ್ಲಿಟ್ಟುಕೊಂಡಿದ್ದರು.
