ಪೆನ್ನಾ ನದಿಯಲ್ಲಿ ಮುಳುಗಿ ಏಳು ಜನ ನಾಪತ್ತೆ

ಅಂತ್ಯಕ್ರಿಯೆಯ ವಿಧಿ - ವಿಧಾನಗಳನ್ನು ಪೂರೈಸಲು ಪೆನ್ನಾ ನದಿಗೆ ತೆರಳಿದ್ದ ಏಳು ಜನರು ನದಿಯಲ್ಲಿ ಮುಳುಗಿ ನಾಪತ್ತೆಯಾಗಿರುವ ಘಟನೆ ಆಂಧ್ರಪ್ರದೇಶದ ಕಡಪದಲ್ಲಿ ನಡೆದಿದೆ.

ಆಂಧ್ರಪ್ರದೇಶ: ಕಡಪ ಜಿಲ್ಲೆಯ ಸಿದವತಂನಲ್ಲಿ ಏಳು ಜನರು ಪೆನ್ನಾ ನದಿಯಲ್ಲಿ ಮುಳುಗಿ ನಾಪತ್ತೆಯಾಗಿದ್ದಾರೆ.

ಈ ಏಳು ಜನ ಅಂತ್ಯಕ್ರಿಯೆಯ ವಿಧಿ - ವಿಧಾನಗಳನ್ನು ನಡೆಸಲು ಹೋದಾಗ ನಾಪತ್ತೆಯಾಗಿದ್ದಾರೆ. ಕಾಣೆಯಾದವರು ತಿರುಪತಿಯಿಂದ ಬಂದಿದ್ದರು ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.

ಅಂತ್ಯಕ್ರಿಯೆ ವಿಧಿ-ವಿಧಾನಗಳನ್ನು ನಡೆಸಲು ಕುಟುಂಬದ 11 ಸದಸ್ಯರು ಬಂದಿದ್ದರು. ಅದರಲ್ಲಿ ಏಳು ಜನ ಪೆನ್ನಾ ನದಿಯಲ್ಲಿ ನಾಪತ್ತೆಯಾಗಿದ್ದಾರೆ.