ಕುರುಕ್ಷೇತ್ರ(ಹರಿಯಾಣ): ಅಕ್ಟೋಬರ್ 21ರಂದು ನಡೆಯಲಿರುವ ಹರಿಯಾಣ ವಿಧಾನಸಭಾ ಚುನಾವಣಾ ಕಣ ದಿನದಿಂದ ದಿನಕ್ಕೆ ರಂಗೇರುತ್ತಿದ್ದು, ಇದೀಗ ಅಖಾಡಕ್ಕೆ ಖುದ್ದಾಗಿ ಪ್ರಧಾನಿ ನರೇಂದ್ರ ಮೋದಿ ಇಳಿದಿದ್ದಾರೆ.
ಪ್ರಧಾನಿ ನರೇಂದ್ರ ಮೋದಿ
ಹರಿಯಾಣದ ಕುರುಕ್ಷೇತ್ರದಲ್ಲಿ ಚುನಾವಣಾ ಪ್ರಚಾರ ಸಭೆ ನಡೆಸಿದ ನಮೋ ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿದರು. ದಸರಾ ಹಬ್ಬದಂದು ನಮ್ಮ ರಕ್ಷಣಾ ಇಲಾಖೆಗೆ ಫ್ರಾನ್ಸ್ನಿಂದ ರಫೇಲ್ ಯುದ್ಧ ವಿಮಾನ ಬಂತು. ಇದು ಇಡೀ ದೇಶಕ್ಕೆ ಸಂತೋಷ ನೀಡಿದೆ. ಜತೆಗೆ ನಾವೆಲ್ಲರೂ ಹೆಮ್ಮೆ ಪಡುವಂತೆ ಮಾಡಿದೆ. ದೇಶದ ಜನರು ಸಂಭ್ರಮದಲ್ಲಿರುವಾಗ ಕಾಂಗ್ರೆಸ್ ಮಾತ್ರ ಈ ವಿಷಯದ ಬಗ್ಗೆ ವಿರೋಧ ವ್ಯಕ್ತಪಡಿಸುತ್ತಿರುವ ಹಿಂದಿನ ಉದ್ದೇಶವೇನು ಎಂದು ಪ್ರಶ್ನೆ ಮಾಡಿದರು.
ದೇಶದಲ್ಲಿ ರಾಜಕೀಯ ಮುಂದುವರಿಯುತ್ತದೆ. ಚುನಾವಣೆ ಬರುತ್ತವೆ. ಹೋಗುತ್ತವೆ. ಗೆಲುವು, ಸೋಲು ಕಾಮನ್, ಆದರೆ ದೇಶದ ರಕ್ಷಣೆ ಪ್ರಮುಖವಾಗಿದ್ದು, ದೇಶದೊಳಗೆ ಭಯೋತ್ಪಾದಕರು ನುಸುಳಿದಾಗ ನಾವು ಸುಮ್ಮನೆ ಕುಳಿತುಕೊಳ್ಳಬೇಕಾ ಎಂದು ಪ್ರಶ್ನೆ ಮಾಡಿದರು.
