ಕರ್ತಾರ್​ಪುರ ಕಾರಿಡಾರ್ ಉದ್ಘಾಟನೆಗೆ ಮನಮೋಹನ್​ ಸಿಂಗ್​ಗೆ ಪಾಕ್​ ಆಹ್ವಾನ, ಒಪ್ಪಲ್ಲ ಎಂದ ಕಾಂಗ್ರೆಸ್​​!

ಪಾಕಿಸ್ತಾನದ ದರ್ಬಾರ್​ ಸಾಹಿಬ್​ ಗುರುದ್ವಾರದ ಕರ್ತಾರ್​ಪುರ ಕಾರಿಡಾರ್​ ಯೋಜನೆ ಉದ್ಘಾಟನೆಗೆ ಪ್ರಧಾನಿ ನರೇಂದ್ರ ಮೋದಿ ಬದಲಿಗೆ ಮಾಜಿ ಪ್ರಧಾನಿ ಮನಮೋಹನ್​ ಸಿಂಗ್​ಗೆ ಆಹ್ವಾನ ನೀಡಲು ಪಾಕಿಸ್ತಾನ ಸರ್ಕಾರ ನಿರ್ಧಾರ ಮಾಡಿದೆ.

ಇಸ್ಲಾಮಾಬಾದ್​: ಪಾಕ್‌ನಲ್ಲಿರುವ ಸಿಖ್ಖರ ಪವಿತ್ರ ದರ್ಬಾರ್ ಸಾಹಿಬ್ ಗುರುದ್ವಾರದ ಕರ್ತಾರ್​ಪುರ ಕಾರಿಡಾರ್​ ಯೋಜನೆ ಉದ್ಘಾಟನೆ ನವೆಂಬರ್​ 9ರಂದು ನಡೆಯಲಿದ್ದು, ಅದಕ್ಕಾಗಿ ಪಾಕ್​ನಿಂದ ಪ್ರಧಾನಿ ನರೇಂದ್ರ ಮೋದಿ ಬದಲಿಗೆ ದೇಶದ ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್​ಗೆ ಆಹ್ವಾನ ನೀಡಲು ಮುಂದಾಗಿದೆ.

ದರ್ಬಾರ್​ ಸಾಹಿಬ್​ ಗುರುದ್ವಾರ

ಕರ್ತಾರ್​ಪುರ ಕಾರಿಡಾರ್​ ಯೋಜನೆಯಲ್ಲಿ ಭಾರತದೊಂದಿಗೆ ಹೊಸ ಗೇಮ್​ ಶುರು ಮಾಡಿರುವ ಪಾಕಿಸ್ತಾನ, ಇದೀಗ ಪ್ರಧಾನಿ ನರೇಂದ್ರ ಮೋದಿ ಬದಲು ಮಾಜಿ ಪ್ರಧಾನಿಗೆ ಆಹ್ವಾನ ನೀಡುತ್ತಿರುವುದಾಗಿ ಪಾಕಿಸ್ತಾನದ ವಿದೇಶಾಂಗ ಸಚಿವ ಶಾ ಮೊಹಮ್ಮದ್​ ಖುರೇಷಿ ಹೇಳಿಕೆ ನೀಡಿದ್ದು, ಆದಷ್ಟು ಬೇಗ ಅವರಿಗೆ ಇದಕ್ಕೆ ಸಂಬಂಧಿಸಿದಂತೆ ಆಹ್ವಾನ ಕಳುಹಿಸುವುದಾಗಿ ತಿಳಿಸಿದ್ದಾರೆ. ದರ್ಬಾರ್​ ಸಾಹಿಬ್​ ಗುರುದ್ವಾರಕ್ಕೆ ಭಾರತದಿಂದ ಹೆಚ್ಚಿನ ಪ್ರಮಾಣದಲ್ಲಿ ಸಿಖ್ಖರು ಭೇಟಿ ನೀಡುವ ಕಾರಣ, ಮಾಜಿ ಪ್ರಧಾನಿ ಸಿಂಗ್​ಗೆ ಆಹ್ವಾನ ನೀಡಿ ಇಲ್ಲೂ ಸಹ ಗೇಮ್​ ಪ್ಲಾನ್​ ಮಾಡಲು ಪಾಕ್​ ಮುಂದಾಗಿದೆ.

• Pakistan Foreign Minister Shah Mehmood Qureshi: We would like to extend an invitation to former Indian PM Manmohan Singh for the inauguration function of Kartarpur Corridor. He also represents the Sikh community. We will also send him a formal invitation. pic.twitter.com/ehcjBQxp8L

  — ANI (@ANI) September 30, 2019 " class="align-text-top noRightClick twitterSection" data="

  Pakistan Foreign Minister Shah Mehmood Qureshi: We would like to extend an invitation to former Indian PM Manmohan Singh for the inauguration function of Kartarpur Corridor. He also represents the Sikh community. We will also send him a formal invitation. pic.twitter.com/ehcjBQxp8L

  — ANI (@ANI) September 30, 2019

  ">

  Pakistan Foreign Minister Shah Mehmood Qureshi: We would like to extend an invitation to former Indian PM Manmohan Singh for the inauguration function of Kartarpur Corridor. He also represents the Sikh community. We will also send him a formal invitation. pic.twitter.com/ehcjBQxp8L

  — ANI (@ANI) September 30, 2019

ನವೆಂಬರ್​ನಲ್ಲಿ ಗುರು ನಾನಕ್​ 550ನೇ ಜಯಂತಿ ಆಚರಣೆ ನಡೆಯಲಿದ್ದು, ಈ ಹಿನ್ನೆಲೆಯಲ್ಲಿ ನವೆಂಬರ್​​ 9ರಂದು ಕರ್ತಾರ್​ಪುರದ ಕಾರಿಡಾರ್​​ ಯೋಜನೆ ಉದ್ಘಾಟನೆ ನಡೆಯಲಿದೆ. ಕರ್ತಾರ್​ಪುರ ಕಾರಿಡಾರ್ ವಿಚಾರಕ್ಕೆ ಸಂಬಂಧಿಸಿದಂತೆ ಭಾರತ ಹಾಗೂ ಪಾಕಿಸ್ತಾನದ ಅಧಿಕಾರಿಗಳು ನಡುವೆ ಮೇಲಿಂದ ಮೇಲೆ ಅನೇಕ ಸಲ ಸಭೆ ನಡೆದಿವೆ.

ಆಹ್ವಾನ ಒಪ್ಪಲ್ಲ ಎಂದ ಕಾಂಗ್ರೆಸ್​​​

ಮಾಜಿ ಪ್ರಧಾನಿ ಮನಮೋಹನ್​ ಸಿಂಗ್​ಗೆ ಪಾಕ್​ ಆಹ್ವಾನ ನೀಡಲು ಮುಂದಾಗುವ ವಿಷಯ ಗೊತ್ತಾಗುತ್ತಿದ್ದಂತೆ ಕಾಂಗ್ರೆಸ್​ ಪ್ರತಿಕ್ರಿಯೆ ನೀಡಿದ್ದು, ಪಾಕ್​ ನೀಡುವ ಆಮಂತ್ರಣವನ್ನ ಮಾಜಿ ಪ್ರಧಾನಿ ಒಪ್ಪಿಕೊಳ್ಳುವುದಿಲ್ಲ ಎಂದು ಹೇಳಿದೆ ಎನ್ನಲಾಗಿದೆ. ಈ ಮೂಲಕ ವಿವಾದದಿಂದ ಹೊರಗುಳಿಯಲು ಕಾಂಗ್ರೆಸ್​ ಎಚ್ಚರಿಕೆ ಹೆಜ್ಜೆ ಇಟ್ಟಿದೆ ಎಂದು ತಿಳಿದು ಬಂದಿದೆ.