ನವದೆಹಲಿ: ಬಾಲಾಕೋಟ್ನಲ್ಲಿ ಜೈಷ್-ಇ-ಮೊಹಮ್ಮದ್ನ (ಜೆಇಎಂ) ಉಗ್ರ ಸಂಘಟನೆ ತರಬೇತಿ ಶಿಬಿರದ ಮೇಲೆ ಭಾರತೀಯ ವಾಯುಪಡೆ ದಾಳಿ ನಡೆಸಿ 75 ದಿನ ಕಳೆದರೂ ಪಾಕಿಸ್ತಾನಕ್ಕೆ ತನ್ನ ಫೈಟರ್ ವಿಮಾನ ಎಫ್-16 ಸುರಕ್ಷತೆಯ ಕುರಿತು ಇನ್ನೂ ಚಿಂತೆ ಇದೆ.
ಪಾಕ್ ವಾಯು ಪಡೆಯಲ್ಲಿರುವ ಎಫ್-16 ಯುದ್ಧ ವಿಮಾನಗಳನ್ನು ತನ್ನ ನೆಲೆಯಿಂದ ತೆಗೆದುಕೊಂಡು ಸರ್ಗೋದ, ಪಂಜಾಬ್ ಹಾಗೂ ಸಿಂಧ್ ಭಾಗದಲ್ಲಿ ನಿಯೋಜಿಸಿದ್ದು ಪತ್ತೆಯಾಗಿದೆ ಎಂದು ಸರ್ಕಾರದ ಮೂಲಗಳು ತಿಳಿಸಿವೆ.
ಭಾರತದಿಂದ ಯಾವುದೇ ಸಂಭವನೀಯ ದಾಳಿಯನ್ನು ತಡೆಯಲು, ಇಲ್ಲವೇ ಎದುರಾಗಬಹುದಾದ ಯಾವುದೇ ರೀತಿಯ ಸಂಕಷ್ಟವನ್ನು ತಪ್ಪಿಸಲು ಇವುಗಳನ್ನು ನಿಯೋಜಿಸಲಾಗುತ್ತಿದೆ ಎಂದು ಹೇಳಲಾಗಿದೆ.
ಭಾರತದ ದಾಳಿಯನ್ನು ಸಮರ್ಪಕವಾಗಿ ಎದುರಿಸಲು ಪಾಕ್ ವಿಫಲವಾದ ಬಳಿಕ ಲೈನ್ ಆಫ್ ಕಂಟ್ರೋಲ್ (ಎಲ್ಒಸಿ) ಹಾಗೂ ಅಂತಾರಾಷ್ಟ್ರೀಯ ಗಡಿ ರೇಖೆ (ಐಬಿ) ಬಳಿ ಏರ್‌ಫೋರ್ಸ್ ಪಡೆಗಳನ್ನು ನಿಯೋಜಿಸಲಾಗುತ್ತಿದೆ ಎಂಬ ಮಾಹಿತಿ ದೊರೆತಿದೆ.
