ಜಮ್ಮು/ನವದೆಹಲಿ : ಕೊರೊನಾ ತಡೆ ಹಿನ್ನೆಲೆ ಇಡೀ ದೇಶವೇ ಲಾಕ್ಡೌನ್ ಆಗಿದೆ. ವ್ಯಕ್ತಿಯೊಬ್ಬರು ಕಾಯಿಲೆಯಿಂದ ಬಳಲುತ್ತಿರುವ ತನ್ನ ತಂದೆಯನ್ನು ಭೇಟಿಯಾಗಲು 2100 ಕಿ.ಮೀ ಸೈಕಲ್ ತುಳಿದು ಸಾಗಲು ಹೊರಟಿದ್ದವನಿಗೆ ಸಿಆರ್ಪಿಎಫ್ ನೆರವಾಗಿರುವ ಘಟನೆ ನಡೆದಿದೆ.
ದೇಶದ ಆರ್ಥಿಕ ರಾಜಧಾನಿಯಲ್ಲಿ ಕಾವಲುಗಾರನಾಗಿ ಕೆಲಸ ಮಾಡುತ್ತಿರುವ ಆರೀಫ್ ಎಂಬ ವ್ಯಕ್ತಿಯ ತಂದೆಗೆ ಬಲವಾಗಿ ಲಕ್ವಾ ಹೊಡೆದಿತ್ತು. ತನ್ನ ತಂದೆಯನ್ನು ಕಾಣಲು ಭಾರತ-ಪಾಕಿಸ್ತಾನ ನಿಯಂತ್ರಣ ರೇಖೆಯ ಉದ್ದಕ್ಕೂ ಸಾಗಿ ತನ್ನ ಹಳ್ಳಿಗೆ ಕರೆದೊಯ್ಯುವ ಯಾವುದೇ ಸಾರಿಗೆ ವಿಧಾನವಿಲ್ಲ ಎಂದು ಆತ ತಿಳಿದಿದ್ದ. ಏನಾದರೂ ಪವಾಡವಾಗಿ ತನ್ನ ತಂದೆ ಭೇಟಿಯಾದರೆ ಸಾಕು ಎಂದು ಸೈಕಲ್ ಹತ್ತಿ ಪ್ರಯಾಣ ಶುರು ಮಾಡಿಯೇ ಬಿಟ್ಟ.
ಆರೀಫ್ ಸೈಕಲ್ ಪ್ರಯಾಣದ ವಿಚಾರ ತಿಳಿಯುತ್ತಿದ್ದಂತೆ ಸಿಆರ್ಪಿಎಫ್ ಇವರ ಸಹಾಯಕ್ಕೆ ಬಂತು. ಆಗ ಆರೀಫ್ ಇಚ್ಛೆಯಂತೆ ಪವಾಡ ನಡೆದೇ ಹೋಯ್ತು. ಅರೆಸೈನಿಕ ಪಡೆ ಆರೀಫ್ ಮತ್ತು ಅವನ ತಂದೆಯ ಸಹಾಯಕ್ಕೆ ನಿಂತಿತು. ಸಿಆರ್‌ಪಿಎಫ್‌ನ ಕಾಶ್ಮೀರ ಮೂಲದ 'ಮದದ್‌ಗಾರ್' ಸಹಾಯವಾಣಿ ಕಾರ್ಯರೂಪಕ್ಕೆ ಬಂದ ನಂತರ ಆರೀಫ್ ಅವರ ತಂದೆ ವಜೀರ್ ಹುಸೇನ್ ಅವರು ಭಾನುವಾರ ಪಂಜ್ರೇನ್ ಗ್ರಾಮದಿಂದ ವಿಶೇಷ ಚಾಪರ್‌ನಲ್ಲಿ ವಿಮಾನದಲ್ಲಿ ಏರಿದರು.
ಮರುದಿನ, ಆರೀಫ್ ತಮ್ಮ ಸೈಕಲ್‌ನಲ್ಲಿ ಹೆಚ್ಚಿನ ದೂರವನ್ನು ಕ್ರಮಿಸಲು ನಿರ್ಧರಿಸಿದರು. ಈ ವೇಳೆ ಗುಜರಾತ್‌ನ ವಡೋದರಾದಲ್ಲಿ ಭಾನುವಾರ ಅವರಿಗೆ ಊಟ, 2,000 ರೂ. ನಗದು, ಸ್ಯಾನಿಟೈಸರ್, ಮಾಸ್ಕ್ ಮತ್ತು ಡ್ರೈ ಫ್ರೂಟ್ಸ್ಗಳನ್ನು ನೀಡಲಾಯಿತು.
