ಲುದಿಯಾನಾ (ಪಂಜಾಬ್): ಕೊರೊನಾ ಸೋಂಕಿನ ಲಕ್ಷಣ ಇಲ್ಲದವರಿಗೆ ಹಾಗೂ ಐಸೋಲೇಷನ್ನಲ್ಲಿ ಚಿಕಿತ್ಸೆ ಪಡೆಯುತ್ತಿರುವವರಿಗೆ ಲುದಿಯಾನಾ ಪೊಲೀಸರು ಕೋವಿಡ್-19 ಕಿಟ್ಗಳನ್ನು ಕಡಿಮೆ ದರದಲ್ಲಿ ಪೊಲೀಸ್ ಕ್ಯಾಂಟೀನ್ನಲ್ಲಿಯೇ ಮಾರಾಟ ಮಾಡುತ್ತಿದ್ದಾರೆ.
ಎಲ್ಲ ತೆರಿಗೆ ಹಾಗೂ ಡೆಲಿವರಿ ವೆಚ್ಚ ಸೇರಿ ಒಂದು ಕಿಟ್ನ ಬೆಲೆ 1700 ರೂಪಾಯಿ ದರ ನಿಗದಿ ಮಾಡಲಾಗಿದೆ. ಕಿಟ್ ಒಂದರಲ್ಲಿ ವಿಟಮಿನ್, ಜಿಂಕ್ ಮಾತ್ರೆ, ಪಲ್ಸ್ ಆಕ್ಸಿಮೀಟರ್ ಸೇರಿದಂತೆ ಕೊರೊನಾ ಸಂಬಂಧಿಸಿದ 18 ವಸ್ತುಗಳಿವೆ. ಮಾರುಕಟ್ಟೆ ಬೆಲೆಗಿಂತ ಕಡಿಮೆ ದರಕ್ಕೆ ನೀಡಲಾಗುತ್ತಿದೆ ಎಂದು ಪೊಲೀಸ್ ಆಯುಕ್ತ ಆರ್.ಅಗರವಾಲ್ ತಿಳಿಸಿದರು.
ರಾಜ್ಯದಲ್ಲಿ ಕೊರೊನಾ ಹರಡುವುದನ್ನು ತಡೆಯಲು ಹಾಗೂ ಕೋವಿಡ್-19 ಪರೀಕ್ಷೆಗೆ ಒಳಗಾಗುವಂತೆ ಉತ್ತೇಜಿಸಲು ಪಂಜಾಬ್ ಸರ್ಕಾರ ಸರ್ಕಾರಿ ಆಸ್ಪತ್ರೆ ಮತ್ತು ಮೊಬೈಲ್ ವ್ಯಾನ್ಗಳಲ್ಲಿ ಉಚಿತ ವಾಕ್ ಇನ್ ಪರೀಕ್ಷೆಗೆ ಅವಕಾಶ ನೀಡಿದೆ. ಖಾಸಗಿ ವೈದ್ಯರು ಮತ್ತು ಆಸ್ಪತ್ರೆಗಳು 250 ರೂಪಾಯಿ ಮೀರದಂತೆ ಕಡಿಮೆ ವೆಚ್ಚದಲ್ಲಿ ಇದೇ ರೀತಿಯ ಪರೀಕ್ಷೆಗಳಿಕೆ ಸರ್ಕಾರ ಅವಕಾಶ ನೀಡಿದೆ ಎಂದರು.
ಕೊರೊನಾ ಪರೀಕ್ಷೆಯ ವರದಿಯು ಬೇಗನೆ ಬೇಕು ಎನ್ನುವವರು ರ‍್ಯಾಪಿಡ್ ಆಂಟಿಜಿನ್ ಪರೀಕ್ಷೆ ಆರಿಸಿಕೊಳ್ಳಬಹುದು. ಇದೇ ರೀತಿಯ ಆರ್ಟಿ ಪಿಸಿಆರ್ ಪರೀಕ್ಷೆಯು ಸಹ ಲಭ್ಯವಿದೆ. ಇಂತಹ ರ‍್ಯಾಪಿಡ್ ಆಂಟಿಜಿನ್ ಪರೀಕ್ಷೆಗಳ ಮಾದರಿಯನ್ನು ಇನ್ನಷ್ಟು ಹೆಚ್ಚಿಸಲು ರಾಜ್ಯವು ಸಂಶೋಧನೆ ನಡೆಸುತ್ತಿದೆ.
