ನವದೆಹಲಿ: ಬಡವರು, ನಿರ್ಗತಿಕರ ಆಹಾರದ ಪಡಿಪಾಟಲು ನಿವಾರಿಸಲು ಭಾರತೀಯ ರೈಲ್ವೆ ಕಳೆದ ಏಳು ದಿನಗಳಲ್ಲಿ ಸುಮಾರು 1.86 ಲಕ್ಷ ಊಟದ ಪೊಟ್ಟಣಗಳನ್ನು ವಿತರಿಸಿದೆ.
ಮಾರ್ಚ್ 28 ರಿಂದ ನಾವು ಅಗತ್ಯವಿರುವವರಿಗೆ 1,86,140 ಊಟದ ಪೊಟ್ಟಣಗಳನ್ನು ವಿತರಿಸಿದ್ದೇವೆ ಎಂದು ಐಆರ್ಸಿಟಿಸಿ ವಕ್ತಾರರು ತಿಳಿಸಿದ್ದಾರೆ.
ರೈಲ್ವೆ ಸಚಿವಾಲಯದ ಪ್ರಕಾರ, ಮಾರ್ಚ್ 28 ರಂದು 2,500 ಊಟದಿಂದ ಪ್ರಾರಂಭಿಸಿ, 29 ರಂದು 11,030, ಮಾರ್ಚ್ 30 ರಂದು 20,320 ಮತ್ತು ಮಾರ್ಚ್ 31 ರಂದು 30,850, ಏಪ್ರಿಲ್ 1 ರಂದು 37,370, ಏಪ್ರಿಲ್ 2 ರಂದು 40,870 ಮತ್ತು ಏಪ್ರಿಲ್ 3 ರಂದು 43,100 ಊಟದ ಪೊಟ್ಟಣಗಳನ್ನು ಜನರಿಗೆ ವಿತರಣೆ ಮಾಡಿದೆ.
ಅಲ್ಲದೆ, ಆರ್‌ಪಿಎಫ್ (ರೈಲ್ವೆ ಪ್ರೊಟೆಕ್ಷನ್ ಫೋರ್ಸ್) ಸಹ ಆಹಾರ ವಿತರಣೆಯಲ್ಲಿ ದೊಡ್ಡ ಪ್ರಮಾಣದಲ್ಲಿ ತೊಡಗಿಸಿಕೊಂಡಿದೆ.
