ಆ ಎರಡು ಕಾರಣಗಳಿಂದ ಆಪ್​ ಸೋತಿದೆ: 'ಲೋಕ' ಗೆಲ್ಲಲಾಗದ್ದಕ್ಕೆ ಕೇಜ್ರಿ ವಿವರಣೆ...

ದೇಶದಲ್ಲಿ ಮೇಲುಗೈ ಸಾಧಿಸಿದ ಪರಿಸ್ಥಿತಿಯೇ ದೆಹಲಿ ಮೇಲೂ ಪ್ರಭಾವ ಬೀರಿತು. ಹಾಗೂ ಈ ಮಹಾಸಮರ ಮೋದಿ ಹಾಗೂ ರಾಹುಲ್​ರ ನಡುವೆ ಎಂದು ಭಾವಿಸಿದ ಜನರು, ಅದರಂತೆಯೇ ಮತದಾನ ಮಾಡಿದರು ಎಂದು ಅರವಿಂದ್​ ಕೇಜ್ರಿವಾಲ್ ವಿವರಿಸಿದ್ದಾರೆ.

ನವದೆಹಲಿ: ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ ಆಡಳಿತಾರೂಢ ಪಕ್ಷವಾಗಿದ್ದುಕೊಂಡೂ ಲೋಕಸಭೆ ಚುನಾವಣೆಯಲ್ಲಿ ಒಂದೂ ಸ್ಥಾನವನ್ನು ಗೆಲ್ಲಲಾಗದ ಆಮ್ ಆದ್ಮಿ ಪಕ್ಷ ಆತ್ಮಾವಲೋಕನ ಮಾಡಿಕೊಳ್ಳುತ್ತಿದೆ.

ಆಪ್​ನ ಮುಖ್ಯಸ್ಥ ಹಾಗೂ ದೆಹಲಿ ಸಿಎಂ ಅರವಿಂದ್​ ಕೇಜ್ರಿವಾಲ್​, ಲೋಕಸಭೆ ಚುನಾವಣೆಯಲ್ಲಿ ಪಕ್ಷ ಸೋಲಲು ಎರಡು ಪ್ರಮುಖ ಕಾರಣಗಳನ್ನು ನೀಡಿದ್ದಾರೆ. ಪಕ್ಷದ ಕಾರ್ಯಕರ್ತರಿಗಾಗಿ ಈ ಬಗ್ಗೆ ಪತ್ರ ಬರೆದು, ಟ್ವಿಟ್ಟರ್​ನಲ್ಲಿ ಪೋಸ್ಟ್​ ಮಾಡಿದ್ದಾರೆ.

• AAP National Convenor @ArvindKejriwal writes letter to all volunteers. 👇👇 pic.twitter.com/KI0twBr9YX

  — AAP (@AamAadmiParty) May 29, 2019 " class="align-text-top noRightClick twitterSection" data="

  AAP National Convenor @ArvindKejriwal writes letter to all volunteers. 👇👇 pic.twitter.com/KI0twBr9YX

  — AAP (@AamAadmiParty) May 29, 2019

  ">

  AAP National Convenor @ArvindKejriwal writes letter to all volunteers. 👇👇 pic.twitter.com/KI0twBr9YX

  — AAP (@AamAadmiParty) May 29, 2019

ಎರಡು ಪುಟಗಳ ಅವರ ಪತ್ರದಲ್ಲಿ ಉಲ್ಲೇಖಿಸಿರುವ ಎರಡು ಪ್ರಮುಖ ಕಾರಣಗಳೆಂದರೆ, ದೇಶದಲ್ಲಿ ಮೇಲುಗೈ ಸಾಧಿಸಿದ ಪರಿಸ್ಥಿತಿಯೇ ದೆಹಲಿ ಮೇಲೂ ಪ್ರಭಾವ ಬೀರಿತು. ಹಾಗೂ ಈ ಮಹಾಸಮರ ಮೋದಿ ಹಾಗೂ ರಾಹುಲ್​ರ ನಡುವೆ ಎಂದು ಭಾವಿಸಿದ ಜನರು, ಅದರಂತೆಯೇ ಮತದಾನ ಮಾಡಿದರು ಎಂದು ವಿವರಿಸಿದ್ದಾರೆ.

ಇದೆಲ್ಲದಕ್ಕಿಂತ, ಈ ಚುನಾವಣೆಯಲ್ಲಿ ಜನತೆ ಏಕೆ ಆಪ್​ಗೆ ಮತದಾನ ಮಾಡಬೇಕು ಎಂಬುದನ್ನು ಮನವರಿಕೆ ಮಾಡಿಕೊಡಲಾಗಲಿಲ್ಲ ಎಂದೂ ಬರೆದುಕೊಂಡಿದ್ದಾರೆ.

ಮುಂದಿನ ವಿಧಾನಸಭೆ ಚುನಾವಣೆಗೆ ಕಾರ್ಯಕರ್ತರನ್ನು ಎಚ್ಚರಿಸಿರುವ ಅವರು, ಖಂಡಿತ ಜನರು ಆಪ್​ಗೆ ಅತ್ಯುತ್ಸಾಹದಿಂದ ಮತದಾನ ಮಾಡಲಿದ್ದಾರೆ. ಭ್ರಷ್ಟಾಚಾರ ಮುಕ್ತ ಆಂದೋಲನದಿಂದ ನಾವು ಹಿಂದೆ ಸರಿದಿಲ್ಲ ಎಂದು ಹೇಳಿದ್ದಾರೆ.

ಈ ವೇಳೆ, ಕಾರ್ಯಕರ್ತರಿಗೆ ಧನ್ಯವಾದ ಸಹ ಹೇಳಿದ್ದಾರೆ.