ಮುಂಬೈ: 2008ರ ಮಾಲೇಗಾಂವ್ ಸ್ಫೋಟ ಪ್ರಕರಣದ ಪ್ರಮುಖ ಆರೋಪಿ ಪ್ರಗ್ಯಾ ಸಿಂಗ್ ಠಾಕೂರ್ ವಿಚಾರಣೆ ಸಂಬಂಧ ನಿನ್ನೆ ಮುಂಬೈ ಕೋರ್ಟ್ಗೆ ಹಾಜರಾದ ವೇಳೆ ಸರಿಯಾಗಿ ವರ್ತಿಸಲಿಲ್ಲ ಎಂದು ಹೇಳಲಾಗಿದೆ.
ನ್ಯಾಷನಲ್ ಇನ್ವೆಸ್ಟಿಗೇಷನ್ ಕೋರ್ಟ್ಗೆ ಹಾಜರಾಗಿದ್ದ ಪ್ರಗ್ಯಾರನ್ನು ಜಡ್ಜ್ ವಿ.ಎಸ್ ಪದಾಲ್ಕರ್ ವಿಚಾರಣೆಗೆ ಒಳಪಡಿಸಿದರು. ಈ ವೇಳೆ ಪ್ರಗ್ಯಾ ಕೂರಲು ನೀಡಲಾಗಿದ್ದ ಕುರ್ಚಿ ಮುರಿದಿತ್ತು ಹಾಗೂ ಧೂಳುಮಯವಾಗಿತ್ತು ಎಂದು ಅವರು ಜಡ್ಜ್ ಎದುರೇ ವಕೀಲರ ಮೇಲೆ ರೇಗಾಡಿದರು ಎನ್ನಲಾಗಿದೆ.
ವಿಚಾರಣೆ ಆರಂಭವದಾಗ ಜಡ್ಜ್, ಸ್ಫೋಟ ನಡೆದ ನಂತರ 116 ಸಾಕ್ಷಿಗಳನ್ನು ಪರೀಕ್ಷಿಸಲಾಗಿದೆ. ನಿಮಗೆ 2008 ಸೆಪ್ಟೆಂಬರ್ 29ರಂದು ನಡೆದ ಸ್ಫೋಟದ ಬಗ್ಗೆ ಏನಾದರೂ ಗೊತ್ತೇ? ಎಂದರು. ಇದಕ್ಕೆ ಪ್ರಗ್ಯಾ ನನಗೇನೂ ಗೊತ್ತಿಲ್ಲ ಎಂದು ಹೇಳಿದರು.
ಇದೇ ವೇಳೆ ವಾದ ಮಂಡಿಸುತ್ತಿದ್ದ ವಕೀಲರ ವಿರುದ್ಧ ಪ್ರಗ್ಯಾ ಹರಿಹಾಯ್ದರು. ತಾನು ಕೂರಲು ಮುರಿದ, ಧೂಳಿರುವ ಕುರ್ಚಿ ನೀಡಿದ್ದೀರಿ. ಕೋರ್ಟ್ಗೆ ಕರೆದಾಗ ಸರಿಯಾದ ಕುರ್ಚಿ ನೀಡೋಕಾಗಲ್ವಾ ಎಂದು ರೇಗಾಡಿದರು ಎನ್ನಲಾಗಿದೆ.
ಪ್ರಗ್ಯಾ ಪರ ವಕೀಲ ರಂಜಿತ್ ಸಂಗ್ಲೆ ಹೇಳಿದಂತೆ, ಮಾನವೀಯತೆ ಆಧಾರದಲ್ಲಿ ಆರೋಪಿಗೆ ಕೂರಲು ಅವಕಾಶ ನೀಡಬೇಕು ಎಂಬುದರ ಬಗ್ಗೆ ಧ್ಬನಿ ಎತ್ತುತ್ತೇನೆ ಎಂದು ಪ್ರಗ್ಯಾ ಹೇಳಿದರು.
ನಾನು ಅವರಿಗೆ ಒಳ್ಳೆಯ ಸೌಲಭ್ಯ ನೀಡಿದೆವು. ಕುರ್ಚಿ ಸರಿಯಿಲ್ಲ ಎಂದರೆ ಜಡ್ಜ್ ಗಮನಕ್ಕೆ ತರಬಹುದಿತ್ತು. ಆರೋಪಿಯನ್ನು ಕಟಕಟೆಯಲ್ಲಿ ನಿಲ್ಲಿಸುವ ಬದಲು ಕೂರಿಸಿದ್ದೇ ಜಡ್ಜ್ ಔದಾರ್ಯ ಎಂದು ಎನ್ಐಎ ವಕೀಲ ಅವಿನಾಶ್ ರಸಲ್ ಹೇಳಿದ್ದಾರೆ.
ಅನಾರೋಗ್ಯದಿಂದ ಆಸ್ಪತ್ರೆಗೆ ದಾಖಲಾಗಿದ್ದ ಪ್ರಗ್ಯಾ, ಕೋರ್ಟ್ ಕಟ್ಟಪ್ಪಣೆ ಮೇರೆಗೆ ನಿನ್ನೆ ವಿಚಾರಣೆಗೆ ಹಾಜರಾಗಿದ್ದರು.
