ರೋಗ ನಿವಾರಣೆಗಾಗಿ ಈ ಸಮಾಧಿಗೆ ಭೇಟಿ ನೀಡಿ...! ಏನೀ ಆನೆ ಸಂಗತಿ?

ರಾಜಧಾನಿಯಿಂದ 133 ಕಿ.ಮೀ ದೂರದಲ್ಲಿರುವ ನಹಾನ್​ನಲ್ಲಿ, ಒಂದು ಶತಮಾನದಷ್ಟು ಹಳೆಯದಾದ ಆನೆ ಸಮಾಧಿಯೊಂದಿದೆ. ಇದುವೇ ನಹಾನ್ ನಿವಾಸಿಗಳ ನಂಬಿಕೆಯ ಸಂಕೇತ. ಏನೀ ಸಮಾಧಿ ಸಂಗತಿ, ಸಂಪೂರ್ಣ ವರದಿ ಇಲ್ಲಿದೆ.

ನಹಾನ್​(ಹಿಮಾಚಲ ಪ್ರದೇಶ): ಹಿಮಾಚಲಪ್ರದೇಶ ವಿವಿಧ ಸಾಂಸ್ಕೃತಿಕ ವೈವಿಧ್ಯತೆ ಹಾಗೂ ಆಕರ್ಷಿತ ಪರ್ವತಗಳಿಗೆ ಹೆಸರುವಾಸಿಯಾಗಿದ್ದು, ನಾವು ತಿಳಿದುಕೊಳ್ಳಬೇಕಾದ ಇನ್ನೂ ಅನೇಕ ವಿಶೇಷಗಳಿವೆ.

ಹೌದು ನಹಾನ್​ ಪ್ರದೇಶ ಇಂತಹ ಹೆಸರುವಾಸಿ ತಾಣಕ್ಕೆ ಉತ್ತಮ ಉದಾಹರಣೆ. ಇದು ರಾಜ್ಯದ ರಾಜಧಾನಿಯಿಂದ 133 ಕಿ.ಮೀ ದೂರದಲ್ಲಿದ್ದು, ಒಂದು ಶತಮಾನದಷ್ಟು ಹಳೆಯದಾದ ಆನೆ ಸಮಾಧಿಯೊಂದಿದೆ. ಇದುವೇ ನಹಾನ್ ನಿವಾಸಿಗಳ ನಂಬಿಕೆಯ ಸಂಕೇತ.

ಈ ಆನೆ ಸಮಾಧಿ ಧರ್ಮನಿಷ್ಠೆಯ ಕಥೆಯನ್ನು ಸಾರುತ್ತದೆ. ಈ ಮೊದಲು ನಹಾನ್​ ಪ್ರದೇಶವನ್ನು ರಾಜ ಶಂಕರ್​ ಪ್ರಕಾಶ್ ಆಳುತ್ತಿದ್ದು, ಆತನೊಂದಿಗೆ ಬ್ರಜರಾಜ್​ ಎಂಬ ಹೆಸರಿನ ಒಂದು ಆನೆಯಿತ್ತು. ರಾಜ ಶಂಕರ್​ ಪ್ರಕಾಶ್​ ಎಲ್ಲರಿಗೂ ಪ್ರಿಯನಾಗಿದ್ದನು.

ಬ್ರಜರಾಜ್​ ಆನೆ ಮರಣದ ನಂತರ, ಅದರ ನೆನಪಿಗಾಗಿ ರಾಜ ಒಂದು ಸಮಾಧಿ ನಿರ್ಮಿಸುತ್ತಾನೆ. ಬಳಿಕ ಅಲ್ಲಿನ ನಿವಾಸಿಗಳಿಗೆ ಅದು ಪೂಜಾ ಸ್ಥಳವಾಯಿತು. ಯಾವುದೇ ಜ್ವರ ಅಥವಾ ಚರ್ಮರೋಗ ನಿವಾರಣೆಗೆ ಜನ ಅಲ್ಲಿಗೆ ತೆರಳಿ ಪೂಜೆ ಸಲ್ಲಿಸಿ ತಮ್ಮ ಸಮಸ್ಯೆ ನಿವಾರಿಸಿಕೊಳ್ಳುವುದುಂಟು.

ಜನ ಈ ಆನೆ ಸಮಾಧಿಗೆ ಭೇಟಿ ನೀಡಿ ಬೆಲ್ಲ ಅರ್ಪಿಸಿ ತಮ್ಮ ಭಕ್ತಿ ಸರ್ಪಿಸುವುದರ ಮೂಲಕ ಸಮಸ್ಯೆ ನಿವಾರಿಸಿಕೊಳ್ಳುತ್ತಿದ್ದಾರೆ. ಇದುವೇ ಅವರ ನಂಬಿಕೆಯ ಪ್ರತೀಕ.