ದೆಹಲಿ: ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ 2027 ರ ವೇಳೆಗೆ 10 ರಿಂದ 12 ಟನ್ನಷ್ಟು ಶಸ್ತ್ರಾಸ್ತ್ರ ಹೊತ್ತೊಯ್ದು ದಾಳಿ ಮಾಡುವ ಹೆಲಿಕಾಪ್ಟರ್ನ್ನು ಉತ್ಪಾದಿಸುವ ಮಹತ್ವಾಕಾಂಕ್ಷೆಯ ಯೋಜನೆಯನ್ನು ಪ್ರಾರಂಭಿಸಿದೆ.
ಮುಂಬರುವ ವರ್ಷಗಳಲ್ಲಿ 4 ಲಕ್ಷ ಕೋಟಿ ರೂ.ಗಿಂತ ಹೆಚ್ಚು ಮೌಲ್ಯದ ಮಿಲಿಟರಿ ಹೆಲಿಕಾಪ್ಟರ್‌ಗಳನ್ನು ಆಮದು ಮಾಡಿಕೊಳ್ಳುವುದನ್ನು ನಿಲ್ಲಿಸುವುದು ಈ ಮೆಗಾ ಯೋಜನೆಯ ಉದ್ದೇಶವೆಂದು ಹೆಚ್ಎಎಲ್ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಆರ್. ಮಾಧವನ್ ತಿಳಿಸಿದ್ದಾರೆ.
ಹೆಚ್ಎಎಲ್ ಹೆಲಿಕಾಪ್ಟರ್ನ ಪ್ರಾಥಮಿಕ ವಿನ್ಯಾಸವನ್ನು ಪೂರ್ಣಗೊಳಿಸಲಾಗಿದೆ. ಕನಿಷ್ಠ 500 ಘಟಕಗಳನ್ನು ಉತ್ಪಾದಿಸುವ ಮೊದಲ ಮೂಲ ಮಾದರಿಯೊಂದಿಗೆ 2023 ರ ವೇಳೆಗೆ ಸಿದ್ಧವಾಗಲಿದೆ ಎಂದು ಸಂದರ್ಶನವೊಂದರಲ್ಲಿ ಮಾಧವನ್ ತಿಳಿಸಿದ್ದಾರೆ.
"ನಾವು ಗಮನ ಹರಿಸುತ್ತಿರುವ ಒಂದು ಪ್ರಮುಖ ಯೋಜನೆಯೆಂದರೆ ಮಿ -17 ಫ್ಲೀಟ್ ಅನ್ನು ಬದಲಿಸಿ 10 ರಿಂದ 12 ಟನ್ ಅಷ್ಟು ಶಸ್ತ್ರಾಸ್ತ್ರಗಳನ್ನು ಹೊತ್ತೊಯ್ದು ದಾಳಿ ಮಾಡಬಲ್ಲ ಹೆಲಿಕಾಪ್ಟರ್ ಉತ್ಪಾದಿಸುವುದು. ಇದು ಸುಮಾರು ನಾಲ್ಕು ಲಕ್ಷ ಕೋಟಿ ರೂ. ವೆಚ್ಚದ ಹೆಲಿಕಾಪ್ಟ್ರ್ಗಳನ್ನು ವಿದೇಶದಿಂದ ಆಮದು ಮಾಡಿಕೊಳ್ಳುವುದನ್ನು ನಿಲ್ಲಿಸಲಿದೆ.
ಹೆಲಿಕಾಪ್ಟರ್ನ ವಿನ್ಯಾಸಕ್ಕಾಗಿ ಮತ್ತು ಮೂಲ ಮಾದರಿಯನ್ನು ತಯಾರಿಸಲು ಸುಮಾರು 9,600 ಕೋಟಿ ರೂ.ವೆಚ್ಚವಾಗಲಿದೆ. ಇದನ್ನು ತಯಾರಿಸಲು 2020 ರಲ್ಲಿ ಅನುಮೋದನೆ ದೊರೆತಿದೆ. ನಾವು 2027 ರ ವೇಳೆಗೆ ಮೊದಲ ಚಾಪರ್ ತಯಾರಿಸಲು ಸಾಧ್ಯವಾಗುತ್ತದೆ ಎಂದು ಅವರು ತಿಳಿಸಿದ್ದಾರೆ.
ಸೇನಾ ತಜ್ಞರು ಈ ಯೋಜನೆಯನ್ನು ತೇಜಸ್ ಮಿಲಿಟರಿ ವಿಮಾನದ ಅಭಿವೃದ್ಧಿ ನಂತರ ಹೆಚ್ಎಎಲ್ ಮಾಡುತ್ತಿರುವ ದೊಡ್ಡ ಯೋಜನೆ ಇದು ಎಂದು ಬಣ್ಣಿಸಿದ್ದಾರೆ. ಈ ಹೆಲಿಕಾಪ್ಟರ್ ಅವಳಿ ಇಂಜಿನ್‌ಗಳಿಂದ ನಿಯಂತ್ರಿಸಲ್ಪಡುತ್ತದೆ ಮತ್ತು ಹಡಗು ಡೆಕ್ ಕಾರ್ಯಾಚರಣೆಗಾಗಿ ಬ್ಲೇಡ್ ಫೋಲ್ಡಿಂಗ್ ಆಯ್ಕೆಯನ್ನು ಹೊಂದಿರುತ್ತದೆ. ಇದನ್ನು ವಾಯು ದಾಳಿ, ವಾಯು ಸಾರಿಗೆ, ಲಾಜಿಸ್ಟಿಕ್ಸ್ ಮತ್ತು ಯುದ್ಧದ ಸಂದರ್ಭದಲ್ಲಿ ಬಳಸಬಹುದಾಗಿದೆ. ಚಾಪರ್ ಅತ್ಯಂತ ಉತ್ತಮವಾದ ಶಸ್ತ್ರಾಸ್ತ್ರಗಳ ಪ್ಯಾಕೇಜ್ನ್ನು ಸಹ ಹೊಂದಿರುತ್ತದೆ.
ಮಿ -17 ಹೆಲಿಕಾಪ್ಟರ್‌ಗಳು ಐಎಎಫ್‌ನ ಬೆನ್ನೆಲುಬಾಗಲಿದೆ ಮತ್ತು ಇವನ್ನು 2032 ರ ವೇಳೆಗೆ ವಾಯುಸೇನೆಯಿಂದ ಹೊರಹಾಕಲು ಯೋಚಿಸಲಾಗಿದೆ.
