ಟ್ಯೂಷನ್​​ಗೆ ಲಿಫ್ಟ್​​ ನೀಡುವುದಾಗಿ 10ನೇ ಕ್ಲಾಸ್​ ಬಾಲಕಿ ಮೇಲೆ ಕಾಮುಕರ ಅಟ್ಟಹಾಸ

ಬಿಹಾರದ ಮೊಹಾನಿಯ ನಗರದಲ್ಲಿ ಟ್ಯೂಷನ್​ಗೆ ಲಿಫ್ಟ್​​ ನೀಡುವ ನೆಪದಲ್ಲಿ ಬಾಲಕಿಯನ್ನು ಕಾರಿನಲ್ಲಿ ಕರೆದೊಯ್ದ ನಾಲ್ವರು ಕಾಮುಕರು ಆಕೆ ಮೇಲೆ ಅತ್ಯಾಚಾರವೆಸಗಿದ್ದಾರೆ.

ಕೈಮುರ್​(ಬಿಹಾರ): ಟ್ಯೂಷನ್​ಗೆಂದು ತೆರಳುತ್ತಿದ್ದ ಬಾಲಕಿಯ ಮೇಲೆ ನಾಲ್ಕು ಜನ ಕಾಮುಕರ ಗುಂಪೊಂದು ಅತ್ಯಾಚಾರವೆಸಗಿರುವ ಘಟನೆಯೊಂದು ಕೈಮುರ್​​ ನಗರದ ಮೊಹಾನಿಯದಲ್ಲಿ ನಡೆದಿದೆ.

10ನೇ ತರಗತಿಯಲ್ಲಿ ವ್ಯಾಸಂಗ ಮಾಡುತ್ತಿರುವ ಬಾಲಕಿವೋರ್ವಳು ಸಂಜೆ ಟ್ಯೂಷನ್​​ಗೆಂದು ತೆರಳುತ್ತಿದ್ದ ವೇಳೆ ನಾಲ್ವರ ಗುಂಪೊಂದು ಕಾರಿನಲ್ಲಿ ಬಂದು ಆಕೆಯನ್ನು ಟ್ಯೂಷನ್​ಗೆ ಲಿಫ್ಟ್​​​ ನೀಡುವುದಾಗಿ ನಂಬಿಸಿ ಅತ್ಯಾಚಾರ ಎಸಗಿದ್ದಾರೆ.

ಇನ್ನು, ಅತ್ಯಾಚಾರದ ವಿಡಿಯೋವನ್ನು ಮೊಬೈಲ್​ನಲ್ಲಿ ಸೆರೆ ಹಿಡಿದ ಪುಂಡರು, ಅದನ್ನು ಸೋಷಿಯಲ್​​ ಮೀಡಿಯಾದಲ್ಲಿ ಹರಿಬಿಟ್ಟಿದ್ದರು. ಇದನ್ನು ಗಮನಿಸಿದ ಪೊಲೀಸರು ಈ ಬಗ್ಗೆ ಬಾಲಕಿಯನ್ನು ವಿಚಾರಿಸಿದ್ದು, ಈ ವಿಷಯವನ್ನು ಬಾಯ್ಬಿಡದಂತೆ ತನಗೆ ಕೊಲೆ ಬೆದರಿಕೆ ಹಾಕಿದ್ದರು ಎಂದು ಆಕೆ ತಿಳಿಸಿದ್ದಾಳೆ.

ಈ ಕುರಿತು ಪ್ರಕರಣ ದಾಖಲಿಸಿಕೊಂಡಿರುವ ಮೊಹಾನಿಯ ಪೊಲೀಸರು, ಆರೋಪಿಗಳನ್ನು ಹೆಡೆಮುರಿ ಕಟ್ಟಲು ಮುಂದಾಗಿದ್ದಾರೆ.