ಮುಂಬೈ: ದಂಗಲ್ ಚಿತ್ರದಲ್ಲಿ ಹರಿಯಾಣದಿಂದ ಕುಸ್ತಿಪಟುವಾಗಿ ನಟಿಸಿದ ನಂತರ ಜನಪ್ರಿಯರಾದ ನಟಿ ಫಾತಿಮಾ ಸನಾ ಶೇಖ್ ಶೀಘ್ರದಲ್ಲೇ ಮುಂಬರುವ 'ಸೂರಜ್ ಪೆ ಮಂಗಲ್ ಭಾರಿ ' ಚಿತ್ರದಲ್ಲಿ ಮರಾಠಿ ಮಹಿಳೆಯಾಗಿ ಕಾಣಿಸಿಕೊಳ್ಳಲಿದ್ದಾರೆ.
ಫಾತಿಮಾ ಮತ್ತು ಸುಪ್ರಿಯಾ ಪಿಲ್ಗಾಂವ್ಕರ್ ಇಬ್ಬರು ಇರುವ ಫೋಟೋವನ್ನು ಸಹನಟ ಮನೋಜ್ ಬಾಜಪೇಯಿ ಇಂದು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ. 'ರೈಲಿನಲ್ಲಿ ಸೂರಜ್ ಪೆ ಮಂಗಲ್ ಭಾರಿ’ ಮಹಿಳೆಯರೊಂದಿಗೆ ಎಂದು ಫೋಟೋಗೆ ಶೀರ್ಷಿಕೆ ನೀಡಿದ್ದಾರೆ.
ಈ ಚಿತ್ರದಲ್ಲಿ ನಟಿ ಫಾತಿಮಾ ಅವರು ಅಭಿಷೇಕ್ ಶರ್ಮಾ ಅವರೊಂದಿಗೆ ನಟಿಸಿದ್ದಾರೆ. ಈ ಸಿನಿಮಾಕ್ಕಾಗಿ ಅವರು ಸಂಪೂರ್ಣವಾಗಿ ರೂಪಾಂತರಗೊಂಡಿದ್ದು, ತಮ್ಮ ಬಾಡಿ ಲಾಗ್ವೇಜ್ನಿಂದಲೇ ಪ್ರೇಕ್ಷಕರ ಮನ ಮುಟ್ಟಿದ್ದಾರೆ ಎಂದು ಮೂಲಗಳು ಹೇಳುತ್ತಿವೆ.
ಅವರ ಪಾತ್ರವು ದ್ವಂದ್ವ ವ್ಯಕ್ತಿತ್ವವನ್ನು ಹೊಂದಿದೆ. ಫಾತಿಮಾ ಅತ್ಯುತ್ತಮ ಪ್ರತಿಭೆಯಾಗಿದ್ದು, ಈ ಎಲ್ಲ ಭಾವನೆಗಳನ್ನು ಇಚ್ಛೆಯಂತೆ ಪ್ರವೇಶಿಸುವ ಗುಣವನ್ನು ಹೊಂದಿದ್ದಾರೆ. ಅವರು ಅತ್ಯಂತ ಸಮಯಪ್ರಜ್ಞೆಯುಳ್ಳ ಮಹಿಳೆ. ಹಾಗಾಗಿ ಈ ಪಾತ್ರಕ್ಕೆ ಫಾತಿಮಾ ಅವರನ್ನು ಆರಿಸಿಕೊಳ್ಳಲಾಯಿತು ಎಂದು ಶರ್ಮಾ ಹೇಳುತ್ತಾರೆ. ಸೂರಜ್ ಪೆ ಮಂಗಲ್ ಭಾರಿ, ಫ್ಯಾಮಿಲಿ ಹಾಸ್ಯ ಚಿತ್ರವಾಗಿದ್ದು, ದಿಲ್ಜಿತ್ ದೋಸಾಂಜ್ ಕೂಡ ಈ ಚಿತ್ರದಲ್ಲಿ ನಟಿಸಿರೋದು ವಿಶೇಷ.
