ಪೂಜೆ ಮಾಡುತ್ತಲೇ ಪ್ರಾಣ ಬಿಟ್ಟ ಮಾಜಿ ಶಾಸಕ - ವಿಡಿಯೋ

ದೇವರ ಪೂಜೆ ಮಾಡುತ್ತಿರುವಾಗಲೇ ಮಾಜಿ ಶಾಸಕರೊಬ್ಬರ ಪ್ರಾಣಪಕ್ಷ ಹಾರಿಹೋಗಿದೆ. ಮಧ್ಯಪ್ರದೇಶದ ಬೆತುಲ್​ನಲ್ಲಿ ಈ ನಡೆದಿದೆ.

ಬೆತುಲ್​: ಕಾಂಗ್ರೆಸ್​ ಮಾಜಿ ಶಾಸಕ ವಿನೋದ್​ ದಾಗ ಅವರು ದೇವರ ಪೂಜೆ ಮಾಡುತ್ತಿರುವಾಗಲೇ ಕುಸಿದುಬಿದ್ದು ಸಾವನ್ನಪ್ಪಿರುವ ಘಟನೆ ನಗರದ ಜೈನ ಮಂದಿರದಲ್ಲಿ ನಡೆದಿದೆ.

ನವೆಂಬರ್​ 12 ಗುರುವಾರದಂದು ಬೆತುಲ್​ ಮಾಜಿ ಶಾಸಕ ವಿನೋದ್​ ದಾಗ ದೇವರ ಪೂಜೆಗೆಂದು ಜೈನ ಮಂದಿರಕ್ಕೆ ತೆರಳಿದ್ದಾರೆ. ನಮಸ್ಕರಿಸಿ ದೇವರ ಪೂಜೆ ಮಾಡುತ್ತಿರುವಾಗ ಹೃದಯಘಾತ ಸಂಭವಿಸಿದೆ. ಈ ವೇಳೆ ಕುಸಿದು ಬಿದ್ದಿದ್ದಾರೆ. ಕೂಡಲೇ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದ್ರೆ ಚಿಕಿತ್ಸೆ ಫಲಿಸದೇ ಮೃತಪಟ್ಟಿದ್ದಾರೆ.

ವಿನೋದ್​ ದಾಗ ಪೂಜೆ ಮಾಡುತ್ತಿರುವಾಗ ಕುಸಿದು ಬಿದ್ದಿರುವ ದೃಶ್ಯ ದೇವಾಲಯದ ಸಿಸಿವಿಯಲ್ಲಿ ಸೆರೆಯಾಗಿದ್ದು, ಈಗ ಈ ವಿಡಿಯೋ ವೈರಲ್​ ಆಗ್ತಿದೆ.