ಕೊಹ್ಲಿ ವಿಕೆಟ್​ ಪಡೆದ ಸಂಭ್ರಮ: ರನ್​ ಮಷಿನ್​ ನೋಡಿ ಸೆಲ್ಯೂಟ್​ ಹೊಡೆದ ಬಾಂಗ್ಲಾ ಬೌಲರ್​!

ಕೋಲ್ಕತ್ತಾದ ಈಡನ್​ ಗಾರ್ಡನ್​ ಮೈದಾನದಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್​​ ಪಂದ್ಯದಲ್ಲೂ ಬಾಂಗ್ಲಾ ತಂಡ ಸೋಲಿನ ಸುಳಿಗೆ ಸಿಲುಕಿಕೊಂಡಿದೆ.

ಕೋಲ್ಕತ್ತಾ: ಬಾಂಗ್ಲಾದೇಶದ ವಿರುದ್ಧ ನಡೆಯುತ್ತಿರುವ ಪಿಂಕ್​ ಬಾಲ್​ನ ಹಗಲು-ರಾತ್ರಿ ಟೆಸ್ಟ್​​ ಪಂದ್ಯದಲ್ಲಿ ಟೀಂ ಇಂಡಿಯಾ ಉತ್ತಮ ಸ್ಥಿತಿಯಲ್ಲಿದ್ದು,2ನೇ ಟೆಸ್ಟ್​​​ ಪಂದ್ಯದಲ್ಲೂ ಗೆಲುವು ಸಾಧಿಸುವುದು ಬಹುತೇಕ ಖಚಿತವಾಗಿದೆ.

ಮೊದಲ ಇನ್ನಿಂಗ್ಸ್​​ನಲ್ಲಿ ಕೇವಲ 106ರನ್​ಗಳಿಗೆ ಆಲೌಟ್​ ಆಗಿರುವ ಬಾಂಗ್ಲಾ ತಂಡಕ್ಕೆ ಪ್ರತ್ಯುತ್ತರವಾಗಿ ಟೀಂ ಇಂಡಿಯಾ 347ರನ್​ಗಳಿಕೆ ಮಾಡಿ ಡಿಕ್ಲೇರ್​ ಮಾಡಿಕೊಂಡಿದೆ. ಈ ವೇಳೆ ಟೀಂ ಇಂಡಿಯಾ ಕ್ಯಾಪ್ಟನ್​ ವಿರಾಟ್​ ಕೊಹ್ಲಿ ಭರ್ಜರಿ ಶತಕ ಸಿಡಿಸಿ ಮಿಂಚಿದ್ದಾರೆ. 194 ಎಸೆತಗಳಲ್ಲಿ 18 ಬೌಂಡರಿ ಸೇರಿ 136ರನ್​ಗಳಿಕೆ ಮಾಡಿದ್ದ ವೇಳೆ ವಿರಾಟ್​​ ಕೊಹ್ಲಿ ಬೌಂಡರಿ ಗೆರೆಯತ್ತ ಅಟ್ಟಲು ಮುಂದಾದಾಗ ಬಾಂಗ್ಲಾ ಪ್ಲೇಯರ್​ ತೈಜುಲ್​ ಇಸ್ಲಾಮ್​ ಅದ್ಭುತವಾಗಿ ಕ್ಯಾಚ್​ ಪಡೆದುಕೊಳ್ಳುತ್ತಾರೆ.

• The catch that stunned Kohli from Cricketism on Vimeo.

  " class="align-text-top noRightClick twitterSection" data="

  The catch that stunned Kohli from Cricketism on Vimeo.

  ">

  The catch that stunned Kohli from Cricketism on Vimeo.

ಈ ವೇಳೆ ನಗುಮುಖದಿಂದಲೇ ವಿರಾಟ್​ ಕೊಹ್ಲಿ ಪೆವಿಲಿಯನ್​ ಕಡೆ ತೆರಳುತ್ತಿದ್ದಾಗ ಬಾಂಗ್ಲಾ ಬೌಲರ್​ ಇಬಾದತ್​ ಹುಸೈನ್​ ಸೆಲ್ಯೂಟ್​ ಹೊಡೆದಿದ್ದಾರೆ. ಇದೀಗ ಈ ವಿಡಿಯೋ ಎಲ್ಲಡೆ ವೈರಲ್​ ಆಗಿದೆ. ಎರಡನೇ ಇನ್ನಿಂಗ್ಸ್​​ನಲ್ಲೂ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿರುವ ಬಾಂಗ್ಲಾ 6ವಿಕೆಟ್​​ನಷ್ಟಕ್ಕೆ 152ರನ್​ಗಳಿಕೆ ಮಾಡಿದ್ದು, ಸೋಲಿನ ಸುಳಿಯಲ್ಲಿ ಸಿಲುಕಿಕೊಂಡಿದೆ.