ಪೊಲೀಸ್​-ವಕೀಲರ ಘರ್ಷಣೆ: ಹರಿಯಾಣ, ತಮಿಳುನಾಡು, ಬಿಹಾರ ಐಪಿಎಸ್​ ಅಧಿಕಾರಿಗಳಿಂದ ಖಂಡನೆ

ರಾಷ್ಟ್ರ ರಾಜಧಾನಿಯಲ್ಲಿ ದೆಹಲಿ ಪೊಲೀಸ್ ಸಂಘಟನೆ ಮುಷ್ಕರ ನಡೆಸುತ್ತಿರುವ ಬೆನ್ನಲ್ಲೇ ತೀಸ್​ ಹಜಾರಿ ಕೋರ್ಟ್​ ಆವರಣದಲ್ಲಿನ ಘರ್ಷಣೆಗೆ ಸಂಬಂಧಿಸಿದ ಭಾನುವಾರದ ಆದೇಶವನ್ನು ಸ್ಪಷ್ಟಪಡಿಸುವಂತೆ ಕೋರಿ ಗೃಹ ಸಚಿವಾಲಯ (ಎಂಹೆಚ್‌ಎ) ಮಂಗಳವಾರ ದೆಹಲಿ ಹೈಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಿದೆ.

ನವದೆಹಲಿ: ದೆಹಲಿಯ ತೀಸ್ ಹಜಾರಿ ನ್ಯಾಯಾಲಯದ ಆವರಣದಲ್ಲಿ ಪೊಲೀಸರು ಹಾಗೂ ವಕೀಲರ ನಡುವೆ ನಡೆದ ಘರ್ಷಣೆಗೆ ಸಂಬಂಧಿಸಿದಂತೆ ಐಪಿಎಸ್​​ ಅಧಿಕಾರಿಗಳ ಸಂಘಟನೆಗಳು ಖಂಡಿಸಿವೆ.

ಬಿಹಾರ, ಹರಿಯಾಣ ಮತ್ತು ತಮಿಳುನಾಡು ಐಪಿಎಸ್​​ ಪೊಲೀಸ್​ ಸಂಘಟನೆಗಳು ದೆಹಲಿ ಪೊಲೀಸರಿಗೆ ಬೆಂಬಲ ವ್ಯಕ್ತಪಡಿಸಿವೆ. ಘಟನೆಯನ್ನು ಖಂಡಿಸಿ ಈ ಬಗ್ಗೆ ತಮ್ಮ ಬೆಂಬಲದ ಪತ್ರವನ್ನು ರವಾನಿಸಿವೆ. ದೆಹಲಿ ಪೊಲೀಸ್ ಸಂಘಟನೆ ಸದಸ್ಯ ಪೊಲೀಸ್ ಸಿಬ್ಬಂದಿ ಹೆಡ್​ ಕ್ವಾಟರ್​ ಆವರಣದ ಮುಂಭಾಗದಲ್ಲಿ ತಪ್ಪಿತಸ್ಥರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಪ್ರತಿಭಟನೆ ನಡೆಸುತ್ತಿದ್ದಾರೆ.

ತೀಸ್​ ಹಜಾರಿ ನ್ಯಾಯಾಲಯದ ಘಟನೆಯ ಬಗ್ಗೆ ಪ್ರತಿಕ್ರಿಯಿಸಿದ ಅಖಿಲ ಭಾರತ ಬಾರ್ ಅಸೋಸಿಯೇಷನ್‌ನ ಅಧ್ಯಕ್ಷ ಆದಿಶ್ ಅಗರ್‌ವಾಲ್ ಅವರು, ಪೊಲೀಸ್ ಸಿಬ್ಬಂದಿಗೆ ಪ್ರತಿಭಟಿಸಲು ಮತ್ತು ತಮ್ಮ ಬೇಡಿಕೆಗಳನ್ನು ಆಡಳಿತ ಯಂತ್ರದ ಮುಂದೆ ಇರಿಸಲು ತಮ್ಮದೇಯಾದ ಹಕ್ಕುಗಳಿವೆ ಎಂದಿದ್ದಾರೆ.

ದೆಹಲಿಯಲ್ಲಿ ಪೊಲೀಸ್ ಅಸೋಸಿಯೇಷನ್ ​​ದೊಡ್ಡ ಮಟ್ಟದಲ್ಲಿ ಪ್ರತಿಭಟನೆ ನಡೆಸುತ್ತಿರುವುದು ಇದೇ ಮೊದಲು. ಇದೊಂದು ಸಣ್ಣ ಘಟನೆಯಾಗಿದ್ದು, ಅದು ಇಡೀ ಸಂಘಟನೆಯಲ್ಲಿ ಕಾಡ್ಗಿಚ್ಚಿನಂತೆ ಹರಡಿತು. ಎರಡೂ ಕಡೆಯ ಸಿಬ್ಬಂದಿ ತಮ್ಮ ಕರ್ತವ್ಯವನ್ನು ಸಮರ್ಪಕವಾಗಿ ಮಾಡಿಲ್ಲ ಎಂದು ನಾನು ಭಾವಿಸುತ್ತೇನೆ ಎಂದು ಹಿರಿಯ ವಕೀಲರು ಹೇಳಿದರು.

ಬಿಹಾರ ಐಪಿಎಸ್​​ ಪೊಲೀಸ್​ ಸಂಘಟನೆ

ತೀಸ್​ ಹಜಾರಿ ಕೋರ್ಟ್ ಆವರಣದಲ್ಲಿನ ಘರ್ಷಣೆಗೆ ಸಂಬಂಧಿಸಿದಂತೆ ಭಾನುವಾರದ ಆದೇಶವನ್ನು ಸ್ಪಷ್ಟಪಡಿಸುವಂತೆ ಕೋರಿ ಗೃಹ ಸಚಿವಾಲಯ (ಎಂಹೆಚ್‌ಎ) ಮಂಗಳವಾರ ದೆಹಲಿ ಹೈಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಿದೆ. ಈ ಆದೇಶವು ದಾಖಲಾದ ಎಫ್‌ಐಆರ್‌ಗಳಿಗೆ ಮಾತ್ರ ಸಂಬಂಧಿಸಿದೆ. ನವೆಂಬರ್ 2ರಂದು ಘಟನೆ ನಡೆದಿದ್ದ ಘರ್ಷಣೆಗೆ ಮಾತ್ರ ಅನ್ವಯಿಸಲಿದೆ. ನಂತರ ನಡೆದ ಯಾವುದೇ ಘಟನೆಗೆ ಇದು ಅನ್ವಯಿಸುವುದಿಲ್ಲ. ಘಟನೆಯಲ್ಲಿ ಆರು ಎಫ್ಐಆರ್​ ದಾಖಲಾಗಿವೆ ಎಂದು ತಿಳಿದುಬಂದಿದೆ.

ತಮಿಳುನಾಡು ಐಪಿಎಸ್​​ ಪೊಲೀಸ್​ ಸಂಘಟನೆ