ನವದೆಹಲಿ: ಕೋವಿಡ್-19 ವಂಚನೆ ಮತ್ತು ಹಗರಣಗಳಿಗೆ ಸಂಬಂಧಿಸಿದಂತೆ 'ಫಿಶಿಂಗ್ ಅಭಿಯಾನ'ದಡಿ ಜೂನ್ 21ರಂದು ಭಾರತ ಸೇರಿ 6 ರಾಷ್ಟ್ರಗಳ ಇ-ಮೇಲ್ಗಳ ಮೇಲೆ ಉತ್ತರ ಕೊರಿಯಾದ ಹ್ಯಾಕರ್‌ಗಳು ಬೃಹತ್ ಸೈಬರ್ ದಾಳಿ ನಡೆಸುವ ಸಾಧ್ಯತೆ ಇದೆ ಎನ್ನಲಾಗಿದೆ.
ಭಾರತ, ಸಿಂಗಾಪುರ, ದಕ್ಷಿಣ ಕೊರಿಯಾ, ಜಪಾನ್, ಯುಕೆ ಮತ್ತು ಯುಎಸ್ ಹ್ಯಾಕರ್ಗಳ ಗಾಳಕ್ಕೆ ಸಿಲುಕಲಿರುವ ದೇಶಗಳು. ಈ ದಾಳಿ ಲಾಜರಸ್ ಗ್ರೂಪ್‌ನ ದೊಡ್ಡ ಪ್ರಮಾಣದ ಅಭಿಯಾನದ ಒಂದು ಭಾಗ. ಸಣ್ಣ ಮತ್ತು ದೊಡ್ಡ ಉದ್ಯಮಗಳು ಸೇರಿ ಆರು ದೇಶಗಳಲ್ಲಿ 50 ಲಕ್ಷಕ್ಕೂ ಅಧಿಕ ಮಂದಿ ಮತ್ತು ಅವರ ವ್ಯವಹಾರಗಳನ್ನು ಗುರಿಯಾಗಿಸಿಕೊಂಡಿದೆ. ಆರ್ಥಿಕವಾಗಿ ಲಾಭ ಗಳಿಸಲು ಉತ್ತರ ಕೊರಿಯಾದ ಹ್ಯಾಕರ್ಸ್ ಗುಂಪು ಪ್ರಯತ್ನಿಸುತ್ತಿದೆ.
ಜಪಾನ್ನ 11 ಲಕ್ಷ ವೈಯಕ್ತಿಕ ಇಮೇಲ್ ಐಡಿ, ಭಾರತದಲ್ಲಿ 20 ಲಕ್ಷ ಮತ್ತು ಯುಕೆ 1,80,000 ವ್ಯಾಪಾರ ಸಂಪರ್ಕಗಳ ವಿವರಗಳನ್ನು ಲಾಜರಸ್ ಹ್ಯಾಕರ್ಸ್ ಹ್ಯಾಕ್ ಮಾಡಲಿದ್ದಾರೆ. ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ಭಾರತೀಯ ಎಟಿಎಂಗಳ ಒಳ ನುಸುಳಲು ಮತ್ತು ಗ್ರಾಹಕರ ಕಾರ್ಡ್ ಡೇಟಾವನ್ನು ಕದಿಯಲು ರಚಿಸಲಾದ ಮಾಲ್‌ವೇರ್‌ ಕ್ಯಾಸ್ಪರ್ಸ್ಕಿ ಭದ್ರತಾ ಸಂಶೋಧಕರು ಲಾಜರಸ್ ಗುಂಪು ಪತ್ತೆಗೆ ಮುಂದಾಗಿದ್ದಾರೆ.
ಫಿಶಿಂಗ್ ಅಂದರೇನು!?
ಸೈಬರ್ ಕ್ರೈಂ ಇದೀಗ ಪ್ರಪಂಚದ ಎಲ್ಲೆಡೆ ಆವರಿಸಿದೆ. ಫಿಶಿಂಗ್(ಗಾಳ) ಅಂತರ್ಜಾಲ ಬಳಕೆದಾರರ ಪಾಸ್ವರ್ಡ್, ಯೂಸರ್ ನೇಮ್ ಹಾಗೂ ಕ್ರೆಡಿಟ್ ಕಾರ್ಡ್ ಸೇರಿದಂತೆ ವೈಯಕ್ತಿಕ ಡೇಟಾ ಕದಿಯಲು ಬಳಸುವ ವಿಧಾನ. ಫಿಶಿಂಗ್ ಅಂದರೆ ಲಿಂಕ್‌ಗಳನ್ನು ಬಳಸಿ ನಿಮ್ಮ ಖಾತೆಯಿಂದ ಹಣ ಸೆಳೆಯುವ ಉಪಾಯ. ಆರಂಭದಲ್ಲಿ ವ್ಯಕ್ತಿಯನ್ನ ತಮ್ಮ ಗಾಳದಲ್ಲೇ ಹಾಕಿಕೊಂಡು ತಂದನಂತರ ವಂಚನೆ ಮಾಡುವ ಸಾಧನವಾಗಿದೆ.
ಫಿಶಿಂಗ್ ವಿರುದ್ಧದ ಕ್ರಮ
ಏನು ಮಾಡಬೇಕು!?
- ಇಮೇಲ್ನ ಲಿಂಕ್ಗಳಲ್ಲಿ ವೆಬ್ಸೈಟ್ URLಗಳಲ್ಲಿನ ಕಾಗುಣಿತ ಪರಿಶೀಲನೆ
- ವೆಬ್ಸೈಟ್ ಮತ್ತು ಅಪ್ಲಿಕೇಶನ್‌ಗಳಲ್ಲಿ ನಿಮ್ಮ ಪಾಸ್ವರ್ಡ್ ಮರುಬಳಕೆ ಮಾಡಬೇಡಿ
- ಯಾವುದೇ ಕಾರಣಕ್ಕೂ ಬೇರೆಯವರು ಗುರುತು ಹಿಡಿಯದಂತಹ ಪಾಸ್ವರ್ಡ್ ರಚಿಸಿ
- ಇಮೇಲ್ನಲ್ಲಿ ಮಾಹಿತಿ ಬಂದಿದ್ದರೆ ಆ ವ್ಯಕ್ತಿ ಅಥವಾ ಸಂಸ್ಥೆಗೆ ಕರೆ ಮಾಡಿ
ಏನು ಮಾಡಬಾರದು!?
- ಯಾವುದೇ ವೈಯಕ್ತಿಕ ವಿವರ ಸೈಟ್‌ಗಳಲ್ಲಿ ಪೋಸ್ಟ್ ಮಾಡಬೇಡಿ
- ನಿಮ್ಮ ಮೇಲ್ಗೆ ಬಂದಿರುವ ಅನುಮಾನಾಸ್ಪದ ಮೇಲೆ ಓಪನ್ ಮಾಡ್ಬೇಡಿ
- ಸಂಶಯಾಸ್ಪದ ಇಮೇಲ್ ಅಥವಾ ಸಂದೇಶದ ಲಿಂಕ್‌ಗಳ ಮೇಲೆ ಕ್ಲಿಕ್ ಮಾಡಬೇಡಿ
- ವೆಬ್‌ಸೈಟ್‌ಗೆ ಭೇಟಿ ನೀಡಿ ಮತ್ತು ಸೈನ್‌ ಅಪ್ ಮಾಡುವ ಮೊದಲು ತನಿಖೆ ಮಾಡಿ
ತಜ್ಞರು ಏನು ಹೇಳುತ್ತಾರೆ!?
- ಕೊರೊನಾ ವೈರಸ್ ಹಾವಳಿ ಸಮಯದಲ್ಲಿ ಫಿಶಿಂಗ್ ಪ್ರಕರಣ ಅಧಿಕ
- ಸೈಬರ್ ಸೆಕ್ಯುರಿಟಿ ಕಾನೂನು ಸರ್ಕಾರ ಜಾರಿಗೆ ತರಬೇಕು
- ಫಿಶಿಂಗ್ ರಾಷ್ಟ್ರೀಯ ಭದ್ರತೆಯ ಮೇಲೂ ಪರಿಣಾಮ ಬೀರಬಹುದು
