ನವದೆಹಲಿ: ದೇಶಾದ್ಯಂತ ದಿನದಿಂದ ದಿನಕ್ಕೆ ಕೋವಿಡ್-19 ಸೋಂಕಿತ ಪ್ರಕರಣ ಹಾಗೂ ಸಾವಿನ ಸಂಖ್ಯೆಯಲ್ಲಿ ಗಣನೀಯ ಪ್ರಮಾಣದಲ್ಲಿ ಏರಿಕೆ ಕಂಡು ಬರುತ್ತಿದ್ದು, ಕಳೆದ 24 ಗಂಟೆಯಲ್ಲಿ ಬರೋಬ್ಬರಿ 25 ಸಾವಿರಕ್ಕೂ ಅಧಿಕ ಹೊಸ ಕೇಸ್ ಕಾಣಿಸಿಕೊಂಡಿವೆ.
ಈ ಮೂಲಕ ದೇಶದಲ್ಲಿ ಕೊರೊನಾ ಸೋಂಕಿತ ಪ್ರಕರಣಗಳ ಸಂಖ್ಯೆ ಇದೀಗ 7 ಲಕ್ಷ, 69 ಸಾವಿರ 41ಕ್ಕೆ ತಲುಪಿದೆ. ಜತೆಗೆ ಕಳೆದ 24 ಗಂಟೆಯಲ್ಲಿ 500 ಜನರು ಸಾವನ್ನಪ್ಪಿದ್ದಾರೆ. ಈ ಮೂಲಕ ದೇಶದಲ್ಲಿ ಸಾವಿನ ಸಂಖ್ಯೆ ಇದೀಗ 21 ಸಾವಿರ ಕೊರೊನಾ ಸೋಂಕಿಗೆ ಬಲಿಯಾಗಿದ್ದಾರೆ. ಈ ಮೂಲಕ ಪ್ರಪಂಚದಲ್ಲಿ ಭಾರತ ಇದೀಗ ಮೂರನೇ ಸ್ಥಾನದಲ್ಲಿದೆ.
ಕೋವಿಡ್ ಪ್ರಕರಣ ಹೆಚ್ಚಾಗುತ್ತಿರುವ ಕಾರಣ ಪಶ್ಚಿಮ ಬಂಗಾಳದಲ್ಲಿ ಇಂದಿನಿಂದ ಮುಂದಿನ ಏಳು ದಿನಗಳ ಕಾಲ ಲಾಕ್ಡೌನ್ ಜಾರಿ ಮಾಡಿ ಆದೇಶ ಹೊರಡಿಸಿದ್ದಾರೆ. ಇದರ ಜತೆಗೆ ಮಧ್ಯಪ್ರದೇಶದಲ್ಲಿ ಪ್ರತಿ ಭಾನುವಾರ ಹಾಗೂ ಪಾಟ್ನಾದಲ್ಲಿ 10ರಿಂದ 15ರವರೆಗೆ ಲಾಕ್ಡೌನ್ ಜಾರಿಗೊಳಿಸಿ ಅಲ್ಲಿನ ಸರ್ಕಾರ ಆದೇಶ ಹೊರಹಾಕಿವೆ.
ದೇಶದಲ್ಲಿ ಇಲ್ಲಿಯವರೆಗೆ 1 ಕೋಟಿ 4 ಲಕ್ಷ 73 ಸಾವಿರದ 771 ಜನರಿಗೆ ಕೋವಿಡ್ ಟೆಸ್ಟ್ ಮಾಡಿಸಲಾಗಿದ್ದು, ಇದರಲ್ಲಿ 2 ಲಕ್ಷ 62 ಸಾವಿರ 679 ಸ್ಯಾಂಪಲ್ 7ನೇ ಜುಲೈ ಮಾಡಲಾಗಿದೆ.
ದೇಶದಲ್ಲಿನ 7 ಲಕ್ಷದ 42 ಸಾವಿರ ಕೇಸ್ಗಳಲ್ಲಿ ಸದ್ಯ 2 ಲಕ್ಷ 64 ಸಾವಿರ ಆ್ಯಕ್ಟಿವ್ ಕೇಸ್ಗಳಿದ್ದು, 4 ಲಕ್ಷ 56 ಸಾವಿರ ಜನರು ಗುಣಮುಖರಾಗಿದ್ದಾರೆ.
ಮಹಾರಾಷ್ಟ್ರದಲ್ಲಿ ನಿನ್ನೆ 6,603 ಹೊಸ ಕೇಸ್ ಕಾಣಿಸಿಕೊಂಡಿದ್ದು, 198 ಜನರು ಸಾವನ್ನಪ್ಪಿದ್ದಾರೆ. ಕರ್ನಾಟಕದಲ್ಲೂ 2,062 ಹೊಸ ಕೇಸ್ ಕಾಣಿಸಿಕೊಂಡಿದ್ದು, ಸಾವಿನ ಸಂಖ್ಯೆ ಇದೀಗ 470ಕ್ಕೆ ಏರಿದೆ.
ಸದ್ಯ ಮಹಾರಾಷ್ಟ್ರದಲ್ಲಿ 2 ಲಕ್ಷದ 23 ಸಾವಿರ, ತಮಿಳುನಾಡಿನಲ್ಲಿ 1 ಲಕ್ಷದ 22 ಸಾವಿರ, ದೆಹಲಿಯಲ್ಲಿ 1 ಲಕ್ಷ, ಗುಜರಾತ್ನಲ್ಲಿ 36 ಸಾವಿರ, ಉತ್ತರಪ್ರದೇಶ 28 ಸಾವಿರ, ತೆಲಂಗಾಣ 25 ಸಾವಿರ, ಕರ್ನಾಟಕ 25 ಸಾವಿರ, ಪಶ್ಚಿಮ ಬಂಗಾಳ 22 ಸಾವಿರ, ರಾಜಸ್ಥಾನ 20 ಸಾವಿರ, ಆಂಧ್ರಪ್ರದೇಶ 20 ಸಾವಿರ, ಹರಿಯಾಣ 17 ಸಾವಿರ, ಮಧ್ಯಪ್ರದೇಶದಲ್ಲಿ 15 ಸಾವಿರ ಕೇಸ್ಗಳಿವೆ.
