ಹೊಸದಿಲ್ಲಿ: ಗಂಭೀರ ಸ್ವರೂಪದ SARS-CoV-2 ಸೋಂಕು ತಗುಲಿದ ಸಂದರ್ಭಗಳಲ್ಲಿ ರೋಗನಿರೋಧಕ ಚಿಕಿತ್ಸೆಗಾಗಿ ಹೈಡ್ರಾಕ್ಸಿ - ಕ್ಲೊರೊಕ್ವಿನ್ ಔಷಧ ಬಳಸಲು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯ ಕೋವಿಡ್-19 ರಾಷ್ಟ್ರೀಯ ಟಾಸ್ಕ್ ಫೋರ್ಸ್ ಅನುಮತಿ ನೀಡಿದೆ.
ಕೋವಿಡ್ ಶಂಕಿತರ ಆರೈಕೆಯಲ್ಲಿ ನಿರತರಾಗಿರುವ ಆರೋಗ್ಯ ಕಾರ್ಯಕರ್ತರು ಹಾಗೂ ಕೋವಿಡ್ ಸೋಂಕಿತರ ಆರೈಕೆ ಮಾಡುತ್ತಿರುವ ಸೋಂಕು ತಗುಲದ ಕುಟುಂಬದವರಿಗೆ ರೋಗ ನಿರೋಧಕವಾಗಿ ಹೈಡ್ರಾಕ್ಸಿ- ಕ್ಲೊರೊಕ್ವಿನ್ ಔಷಧ ನೀಡಬಹುದಾಗಿದೆ.
ರಾಷ್ಟ್ರೀಯ ಟಾಸ್ಕ್ ಫೋರ್ಸ್ನ ಸಲಹೆಗಳನ್ನು ಭಾರತೀಯ ಔಷಧ ನಿಯಂತ್ರಣಾಲಯ ಅನುಮೋದಿಸಿದೆ ಎಂದು ಸರ್ಕಾರದ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.