ಗೋಧ್ರಾ : ಸೀಲ್ ಡೌನ್​ ಮಾಡಲು ಹೋದ ಪೊಲೀಸರ ಮೇಲೆ ಸ್ಥಳೀಯರಿಂದ ಹಲ್ಲೆ

ಗೋಧ್ರಾ ಪಟ್ಟಣದ ಝಹೂರ್​ ಮಾರುಕಟ್ಟೆ ಪ್ರದೇಶವನ್ನು ಸೀಲ್ ಡೌನ್​ ಮಾಡಲು ತೆರಳಿದ ವೇಳೆ ಗುಹ್ಯಾ ಮೊಹಲ್ಲಾ ನಿವಾಸಿಗಳು ಪೊಲೀಸರ ಮೇಲೆ ಕಲ್ಲು ತೂರಾಟ ನಡೆಸಿದ್ದು, ಒಬ್ಬ ಪೊಲೀಸ್​ ಅಧಿಕಾರಿ ಗಾಯಗೊಂಡಿರುವುದಾಗಿ ಇನ್ಸ್​ಪೆಕ್ಟರ್​​ ಎಂಪಿ ಪಾಂಡ್ಯಾ ತಿಳಿಸಿದ್ದಾರೆ.

ಗೋಧ್ರಾ (ಗುಜರಾತ್ ) : ಕೊರೊನಾ ವೈರಸ್​ ಹರಡುವುದನ್ನು ತಡೆಗಟ್ಟಲು ಕ್ಲಸ್ಟರ್ ಕಂಟೈನ್‌ಮೆಂಟ್ ಡ್ರೈವ್‌ನ ಭಾಗವಾಗಿ ಪಟ್ಟಣದ ಒಂದು ಪ್ರದೇಶವನ್ನು ಸೀಲ್ ಡೌನ್​ ಮಾಡಲು ತೆರಳಿದ್ದ ಪೊಲೀಸರ ಮೇಲೆ ಸ್ಥಳೀಯ ನಿವಾಸಿಗಳು ಹಲ್ಲೆ ನಡೆಸಿದ್ದಾರೆ.

ಪಟ್ಟಣದ ಝಹೂರ್​ ಮಾರುಕಟ್ಟೆ ಪ್ರದೇಶವನ್ನು ಸೀಲ್ ಡೌನ್​ ಮಾಡಲು ತೆರಳಿದ ವೇಳೆ ಗುಹ್ಯಾ ಮೊಹಲ್ಲಾ ನಿವಾಸಿಗಳು ಪೊಲೀಸರ ಮೇಲೆ ಕಲ್ಲು ತೂರಾಟ ನಡೆಸಿದ್ದು, ಒಬ್ಬ ಪೊಲೀಸ್​ ಅಧಿಕಾರಿ ಗಾಯಗೊಂಡಿರುವುದಾಗಿ ಇನ್ಸ್​ಪೆಕ್ಟರ್​​ ಎಂಪಿ ಪಾಂಡ್ಯಾ ತಿಳಿಸಿದ್ದಾರೆ.

ಪರಿಸ್ಥಿತಿಯನ್ನು ನಿಭಾಯಿಸಲು ಪೊಲೀಸರು 5 ಸುತ್ತು ಅಶ್ರುವಾಯು ಸಿಡಿಸಿದ್ದಾರೆ. ಸದ್ಯ ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತರಲಾಗಿದೆ. ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಇದುವರೆಗೆ ಯಾರನ್ನೂ ಬಂಧಿಸಿಲ್ಲ ಎಂದು ಪಾಂಡ್ಯಾ ಹೇಳಿದ್ದಾರೆ.

ಗೋಧ್ರಾ ಪಟ್ಟಣದಲ್ಲಿ ಇದುವರೆಗೆ 22 ಕೊರೊನಾ ಪ್ರಕರಣಗಳು ದಾಖಲಾಗಿದೆ.