ಚಿತ್ತೂರು (ಆಂಧ್ರ ಪ್ರದೇಶ) : ಕೇಬಲ್ ಅಳವಡಿಕೆಯ ವೇಳೆ ಕಂಪನಿಯೊಂದರ ಬೆಳೆ ಬಾಳುವ ಕೇಬಲ್ಗಳನ್ನು ಕತ್ತರಿಸಿ ಹಾನಿಗೊಳಿಸಿದ ಆರೋಪದಲ್ಲಿ ಚೀನಾ ಮೂಲದ ಇಂಜಿನಿಯರ್ ಒಬ್ಬನ್ನು ಆಂಧ್ರ ಪೊಲೀಸರು ಬಂಧಿಸಿದ್ದಾರೆ.
ಫಾಂಗ್ ಚಾಂಗಿಜ್ ಬಂಧಿತ ಆರೋಪಿ. ಈತ ಚಿತ್ತೂರು ಜಿಲ್ಲೆ ಎರ್ಪೆಡು ಮಂಡಲದ ವಿಕೃತಮಾಲಾದಲ್ಲಿರುವ ಫಾಕ್ಸ್ ಲಿಂಕ್ ಇಂಡಿಯಾ ಪ್ರೈ.ಲಿ ಎಂಬ ಕಂಪನಿಗೆ ಕೇಬಲ್ ಅಳವಡಿಸಲು ಬಂದಿದ್ಧ. ಈ ವೇಳೆ ಕಂಪನಿಯ ಬೆಳೆ ಬಾಳುವ ಕೇಬಲ್ಗಳನ್ನು ಕತ್ತರಿಸಿ ಹಾನಿಗೊಳಿಸಿದ್ದಾನೆ ಎಂದು ಆರೋಪಿಸಲಾಗಿದೆ.
ಚೈನೀಸ್ ಇಂಜಿನಿಯರ್ ಬಂಧಿಸಿದ ಪೊಲೀಸರು
ಕೇಬಲ್ ಕತ್ತರಿಸಿದ್ದರಿಂದ ಕಂಪನಿಗೆ ಸುಮಾರು 10 ಕೋಟಿಯಷ್ಟು ನಷ್ಟ ಉಂಟಾಗಿದೆ ಎಂದು ಈ ತಿಂಗಳ 21 ರಂದು ದೂರು ನೀಡಲಾಗಿತ್ತು. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ. ಚೀನಾ ಮೂಲದ ಕಂಪನಿಯೊಂದರ ವ್ಯಕ್ತಿಯ ಆದೇಶದ ಮೇರೆಗೆ ತಾನು ಕೃತ್ಯವೆಸಗಿರುವುದಾಗಿ ಆರೋಪಿ ವಿಚಾರಣೆ ವೇಳೆ ಬಾಯ್ಬಿಟ್ಟಿದ್ದಾನೆ.
