ಬೀಜಿಂಗ್ (ಚೀನಾ): ಚೀನಾದಲ್ಲಿ ಅಪಾಯಕಾರಿ ಕೊರೊನಾ ವೈರಸ್ ಭೀತಿ ಹೆಚ್ಚಾಗಿದ್ದು, ಅದನ್ನು ನಿಯಂತ್ರಿಸುವ ನಿಟ್ಟಿನಲ್ಲಿ ಚೀನಾದಲ್ಲಿ ಮನೆ ಬಿಟ್ಟು ಯಾರೂ ಹೊರ ಬರಬಾರದು ಎಂದು ಸರ್ಕಾರ ಎಚ್ಚರಿಕೆ ನೀಡಿದೆ.
ಹೀಗಾಗಿ ಎಲ್ಲರೂ ಆನ್ಲೈನ್ ಆಹಾರದ ಮೊರೆ ಹೋಗಿದ್ದಾರೆ. ಇದರಿಂದಾಗಿ ಆಹಾರ ಸರಬರಾಜು ಮಾಡುವವರಿಗೆ ಬೇಡಿಕೆ ಹೆಚ್ಚಾಗಿದೆ. ಜನರು ಇ-ಕಾಮರ್ಸ್ನಲ್ಲಿ ಆರ್ಡರ್ ಮಾಡುವ ಆಹಾರವನ್ನು ಡೆಲಿವರಿ ಬಾಯ್ಗಳು ಮನೆ ಮುಂದಿಟ್ಟು ಹೋಗಬೇಕು. ಆತ ಅಲ್ಲಿಂದ ತೆರಳಿದ ಬಳಿಕ ಗ್ರಾಹಕರು ಆರ್ಡರ್ ತೆಗೆದುಕೊಳ್ಳಬೇಕಿದೆ.
ಕೊರೊನಾ ನಿಯಂತ್ರಣಕ್ಕೆ ಕೆಲವು ಕಂಪನಿಗಳನ್ನು ಮುಚ್ಚಲಾಗಿದೆ. ಇ-ಕಾಮರ್ಸ್, ರೆಸ್ಟೋರೆಂಟ್ಸ್, ಚಿತ್ರಮಂದಿರಗಳು, ಕಚೇರಿಗಳು, ಅಂಗಡಿ-ಮುಂಗಟ್ಟುಗಳನ್ನು ಮುಚ್ಚಲಾಗಿದೆ. ಮತ್ತು ರಿಯಲ್ ಎಸ್ಟೇಟ್ ಕೂಡಾ ನಿಷೇಧಿಸಲಾಗಿದೆ.
ಮೊದಲು ಆನ್ಲೈನ್ನಲ್ಲಿ ಆಹಾರ ಆರ್ಡರ್ ಮಾಡಬೇಕು. ಆಹಾರವನ್ನು ಅತ್ಯಂತ ಸೂಕ್ಷ್ಮವಾಗಿ ಪ್ಯಾಕ್ ಮಾಡಬೇಕಿದೆ. ಆರ್ಡರ್ ಮಾಡಿದ ಆಹಾರ ತರುವಾಗ ಡೆಲಿವರಿ ಬಾಯ್ ಮುಖಕ್ಕೆ ಮಾಸ್ಕ್, ಚಳಿಗಾಲದಲ್ಲಿ ಹಾಕಿಕೊಳ್ಳುವ ಸ್ವೆಟರ್ಗಳನ್ನು ಧರಿಸಿರಬೇಕು. ಹಾಗೂ ಆಹಾರವನ್ನು ಗ್ರಾಹಕರ ಮನೆಯ ಮುಂಭಾಗ ಇಟ್ಟು ಹೋಗಬೇಕು. ಅದಾದ ಬಳಿಕ ಗ್ರಾಹಕರು ಆರ್ಡರ್ ಪಡೆದುಕೊಳ್ಳಬೇಕು. ಇದಕ್ಕೂ ಮೊದಲು ಆರ್ಡರ್ ಮಾಡಿದ ಆಹಾರವನ್ನು ಡೆಲಿವರಿ ಬಾಯ್ ಮನೆಯ ಬಳಿ ಹೋಗಿ ಗ್ರಾಹಕರ ಕೈಗೆ ಕೊಡಲಾಗುತ್ತಿತ್ತು.
