ಪ್ರಿಯಾಂಕ ಗಾಂಧಿ ಮನೆಗೆ ಏಕಾಏಕಿ ನುಗ್ಗಿದ ಕಾರು..! ಆಮೇಲೆ..?

ಪ್ರಿಯಾಂಕ ವಾಧ್ರಾ ಬಳಿ ಈ ಗುಂಪು ಫೋಟೋಗ್ರಾಫ್​ ಕೇಳಿದ್ದಾರೆ. ಇವರೊಂದಿಗೆ ಉತ್ತಮವಾಗಿ ಮಾತನಾಡಿ,ಫೋಟೋ ತೆಗೆಸಿಕೊಂಡಿದ್ದಾರೆ ಎನ್ನುವ ಮಾಹಿತಿ ಲಭ್ಯವಾಗಿದೆ.

ನವದೆಹಲಿ: ಭದ್ರತೆಯನ್ನು ಲೆಕ್ಕಿಸದೆ ಏಳು ಮಂದಿಯಿದ್ದ ಕಾರು ನೇರವಾಗಿ ಕಾಂಗ್ರೆಸ್ ನಾಯಕಿ ಪ್ರಿಯಾಂಕ ವಾಧ್ರಾ ಮನೆಗೆ ನುಗಿದ್ದು, ನೇರವಾಗಿ ಅವರ ಬಳಿ ತೆರಳಿ ಫೋಟೋಗ್ರಾಫ್​ ಕೇಳಿದ್ದಾರೆ.

ದೆಹಲಿಯ ಲೋಧಿ ಎಸ್ಟೇಟ್​​ನ ಪ್ರಿಯಾಂಕ ವಾಧ್ರಾ ನಿವಾಸಕ್ಕೆ ಅಪರಿಚಿತ ಏಳು ಮಂದಿ ಕಾರಿನಲ್ಲಿ ನುಗ್ಗಿದ್ದರು. ಕಾರಿನಲ್ಲಿ ಮೂವರು ಪುರುಷರು, ಮೂವರು ಮಹಿಳೆಯರು ಹಾಗೂ ಒಬ್ಬಾಕೆ ಯುವತಿ ಇದ್ದಳು ಎಂದು ಮೂಲಗಳು ತಿಳಿಸಿವೆ.

ಪ್ರಿಯಾಂಕ ವಾಧ್ರಾ ಬಳಿ ಈ ಗುಂಪು ಫೋಟೋಗ್ರಾಫ್​ ಕೇಳಿದ್ದಾರೆ. ಇವರೊಂದಿಗೆ ಉತ್ತಮವಾಗಿ ಮಾತನಾಡಿ,ಫೋಟೋ ತೆಗೆಸಿಕೊಂಡಿದ್ದಾರೆ ಎನ್ನುವ ಮಾಹಿತಿ ಲಭ್ಯವಾಗಿದೆ.

ಗಾಂಧಿ ಕುಟುಂಬಕ್ಕಿದ್ದ ವಿಶೇಷ ಭದ್ರತೆಯನ್ನು(SPG) ಕೇಂದ್ರ ಸರ್ಕಾರ ಕಳೆದ ತಿಂಗಳು ಹಿಂಪಡೆದಿತ್ತು. ಸದ್ಯ ಝಡ್​-ಪ್ಲಸ್ ಭದ್ರತೆಯನ್ನು ನೀಡಲಾಗಿದೆ. ಸಿಆರ್​​ಪಿಎಫ್​​ ಯೋಧರು ಝಡ್​-ಪ್ಲಸ್ ಭದ್ರತೆ ನೀಡುತ್ತಿದ್ದಾರೆ. ನಿವಾಸ ಅಥವಾ ದೇಶದ ಯಾವುದೇ ಭಾಗಕ್ಕೂ ತೆರಳಿದರೂ ಈ ಝಡ್​-ಪ್ಲಸ್ ಭದ್ರತೆ ಇರುತ್ತದೆ.