ನೀತಿ ಆಯೋಗ ಕಚೇರಿಗೆ ನುಗ್ಗಿದ ಸರ್ಕಾರಿ ಬಸ್​... ಚಾಲಕ ಗಂಭೀರ!

ಸರ್ಕಾರಿ ಬಸ್ಸೊಂದು ನೀತಿ ಆಯೋಗದ ಕಚೇರಿಯ ಕಾಂಪೌಂಡ್​ಗೆ ಡಿಕ್ಕಿ​ ಹೊಡೆದು ಒಳಗೆ ನುಗ್ಗಿರುವ ಘಟನೆ ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ ನಡೆದಿದೆ.

ನವದೆಹಲಿ: ಬಸ್​ ಚಾಲಕನ ನಿಯಂತ್ರಣ ತಪ್ಪಿ ಸರ್ಕಾರಿ ​ಬಸ್ಸೊಂದು ನೀತಿ ಆಯೋಗದ ಕಚೇರಿಗೆ ​ನುಗ್ಗಿರುವ ಘಟನೆ ನಗರದಲ್ಲಿ ನಡೆದಿದೆ.

ತಡರಾತ್ರಿ ಬಸ್​ ನಿಯಂತ್ರಣ ತಪ್ಪಿ ನೀತಿ ಆಯೋಗ ಕಚೇರಿಯ ಕಾಂಪೌಂಡ್​ಗೆ ಡಿಕ್ಕಿ ಹೊಡೆದಿದೆ. ಡಿಕ್ಕಿ ರಭಸಕ್ಕೆ ಕಾಂಪೌಂಡ್ ​ ಕುಸಿದು ಬಿದ್ದಿದೆ.

ಈ ಅಪಘಾತದಲ್ಲಿ ಚಾಲಕನಿಗೆ ಗಂಭೀರವಾಗಿ ಗಾಯವಾಗಿದ್ದು, ಗಾಯಾಳುವನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಘಟನೆ ಕುರಿತು ಪೊಲೀಸರು ಮಾಹಿತಿ ಕಲೆ ಹಾಕುತ್ತಿದ್ದಾರೆ.