ಹಣಕಾಸು ವಿಚಾರ: ಪ್ರಯಾಣಿಕರ ಸಹಿತ ಬಸ್​ ವಶಕ್ಕೆ ಪಡೆದ ಫೈನಾನ್ಶಿಯರ್ಸ್

ಉತ್ತರ ಪ್ರದೇಶದ ಆ್ರಗ್ರಾ ಬಸ್​​ ಅಪಹರಣ ಪ್ರಕರಣಕ್ಕೆ ಹೊಸ ತಿರುವು ಸಿಕ್ಕಿದ್ದು, ಹಣಕಾಸಿನ ವಿಚಾರಕ್ಕೆ ಸಂಬಂಧಪಪಟ್ಟಂತೆ ಫೈನಾನ್ಸ್​ ಕಂಪನಿಯವರು ಬಸ್ ವಶಪಡಿಸಿಕೊಂಡಿದ್ದಾರೆ ಎನ್ನಲಾಗಿದೆ.

ಲಖನೌ ( ಉತ್ತರ ಪ್ರದೇಶ) : ಹಣದ ವಿಚಾರಕ್ಕೆ ಸಂಬಂದಪಟ್ಟಂತೆ ಫೈನಾನ್ಸ್​ ಕಂಪನಿಯವರು 34 ಪ್ರಯಾಣಿಕರ ಸಹಿತ ಬಸ್ ಅಕ್ರಮವಾಗಿ ವಶಪಡಿಸಿಕೊಂಡ ಘಟನೆ ಆಗ್ರಾದಲ್ಲಿ ನಡೆದಿದೆ.

ಗುರುಗಾಂವ್​ನಿಂದ ಪನ್ನಾಗೆ ತೆರಳುತ್ತಿದ್ದ ಬಸ್​ ಅನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ತಿಳಿದು ಬಂದಿದೆ. ಆರಂಭದಲ್ಲಿ ಬಸ್ ಅಪಹರಿಸಲಾಗಿದೆ ಎಂದು ಸುದ್ದಿಯಾಗಿತ್ತು.

ಈ ಕುರಿತು ಸ್ಪಷ್ಟನೆ ನೀಡಿರುವ ಆಗ್ರಾ ಎಸ್ಪಿ ಬಬ್ಲು ಸಿಂಗ್, ಗುರುಗಾಂವ್​ನಿಂದ ಪನ್ನಾಗೆ ತೆರಳುತ್ತಿದ್ದ ಬಸ್​ ಅನ್ನು ಫೈನಾನ್ಸ್​ ಕಂಪನಿಯವರು ಚೇಸ್​ ಮಾಡಿ ಅಕ್ರಮವಾಗಿ ವಶಪಡಿಸಿಕೊಂಡಿರುವುದಾಗಿ ಗ್ವಾಲಿಯರ್​​ನ ಮೂವರು ಬಂದು ದೂರು ನೀಡಿದ್ದಾರೆ. ಈ ಕುರಿತು ತನಿಖೆ ನಡೆಸುತ್ತಿದ್ದೇವೆ ಎಂದು ಅವರು ಹೇಳಿದ್ದಾರೆ.

ಹಣಕಾಸು ಕಂಪನಿ ಅಕ್ರಮವಾಗಿ ಬಸ್ ವಶಪಡಿಸಿಕೊಂಡಿದೆ. ಚಾಲಕ ಮತ್ತು ಪ್ರಯಾಣಿಕರು ಸುರಕ್ಷಿತರಾಗಿದ್ದಾರೆ. ಬಸ್‌ನ ಮಾಲೀಕರು ನಿನ್ನೆ ಮೃತಪಟ್ಟಿದ್ದರು ಎಂದು ಗೃಹ ಇಲಾಖೆಯ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ಅವನಿಶ್ ಅವಸ್ಥಿ ತಿಳಿಸಿದ್ದಾರೆ.