ನವದೆಹಲಿ: ರಾಜ್ಯದಲ್ಲಿ ಸಮ್ಮಿಶ್ರ ಸರ್ಕಾರದ ಶಾಸಕರ ರಾಜೀನಾಮೆ ಪರ್ವ ಮುಂದುವರಿಯುತ್ತಿದ್ದಂತೆ ದೆಹಲಿಯಲ್ಲಿ ಪ್ರಮುಖರು ಸಭೆ ನಡೆಸಿದರು. ಈ ವೇಳೆ ಮಾತನಾಡಿರುವ ಕಾಂಗ್ರೆಸ್ ವಕ್ತಾರ ರಣದೀಪ್ ಸುರ್ಜೇವಾಲಾ, ಮೋದಿ ವಿರುದ್ಧ ನೇರ ವಾಗ್ದಾಳಿ ನಡೆಸಿದರು.
ಸುರ್ಜೇವಾಲ್
ಬಿಜೆಪಿ ಕುದುರೆ ವ್ಯಾಪಾರ ಇದೀಗ ಜೋರಾಗಿದ್ದು, ಚುನಾಯಿತ ಸರ್ಕಾರ ಉರುಳಿಸಲು ಅದು ಸರ್ಕಸ್ ನಡೆಸುತ್ತಿದೆ. ಇದರ ಹಿಂದೆ ಮೋದಿ ಕೈವಾಡವಿದ್ದು, ಅವರೇ ಇದಕ್ಕೆ ನೇರ ಹೊಣೆಯಾಗಿದ್ದಾರೆ ಎಂದು ಆರೋಪಿಸಿದ್ದಾರೆ. ಪ್ರಜಾಪ್ರಭುತ್ವ ವಿಫಲಗೊಳಿಸುವ ಬಿಜೆಪಿ ಪ್ರಯತ್ನ ಯಾವುದೇ ಕಾರಣಕ್ಕೂ ಫಲ ಕೊಡಲ್ಲ ಎಂದಿರುವ ಸುರ್ಜೇವಾಲಾ, ಮೋದಿ ಆಯಾರಾಂ ಗಯಾರಾಂ ಮಾಡುತ್ತಿದ್ದಾರೆ. ದುಡ್ಡು ಕೊಟ್ಟು ಶಾಸಕರನ್ನ ಖರೀದಿ ಮಾಡುವ ಬಿಜೆಪಿ ಅರುಣಾಚಲಪ್ರದೇಶ, ತ್ರಿಪುರಾ ಹಾಗೂ ಮಿಜೋರಾಂದಲ್ಲೂ ಇದೇ ಕೆಲಸ ಮಾಡ್ತಿದೆ ಎಂದು ದೂರಿದ್ದಾರೆ.
ರಾಜ್ಯ ಸರ್ಕಾರದ 14 ಶಾಸಕರು ರಾಜೀನಾಮೆ ನೀಡುತ್ತಿದ್ದಂತೆ ಮೈತ್ರಿ ಸರ್ಕಾರ ಸಂಕಷ್ಟದಲ್ಲಿದ್ದು, ಹೈಕಮಾಂಡ್ ಕೂಡ ಇದೇ ವಿಷಯವಾಗಿ ಇಂದು ಸಭೆ ನಡೆಸಿತು.
