ಅಕ್ರಮವಾಗಿ ಮದ್ಯದ ಬಾಟಲ್​​​ ತಯಾರಿಕೆ: ಘಟಕದ ಮೇಲೆ ದಾಳಿ, ಓರ್ವನ ಸೆರೆ

ನಾಗಾಲ್ಯಾಂಡ್​ನಲ್ಲಿ ಅಕ್ರಮ ಚಟುವಟಿಕೆಗಳನ್ನು ತಡೆಗಟ್ಟಲು ನಡೆಯುತ್ತಿರುವ ಕಾರ್ಯಾಚರಣೆಯ ಭಾಗವಾಗಿ ದಿಮಾಪುರದಲ್ಲಿ ಅಕ್ರಮ ಮದ್ಯದ ಬಾಟಲ್​ ತಯಾರಿಕಾ ಘಟಕದ ಮೇಲೆ ಅಸ್ಸಾಂ ರೈಫಲ್ಸ್ ತಂಡದ ಅಧಿಕಾರಿಗಳು ದಾಳಿ ಮಾಡಿದ್ದಾರೆ.

ಕೊಹಿಮಾ(ನಾಗಾಲ್ಯಾಂಡ್​): ದಿಮಾಪುರದಲ್ಲಿ ಅಕ್ರಮ ಮದ್ಯದ ಬಾಟಲ್​​ ತಯಾರಿಕಾ ಘಟಕವನ್ನು ಅಸ್ಸಾಂ ರೈಫಲ್ಸ್ ತಂಡ ಬುಧವಾರ ಪತ್ತೆ ಹಚ್ಚಿದ್ದು, ಹಲವಾರು ನಿಷಿದ್ಧ ವಸ್ತುಗಳನ್ನು ವಶಪಡಿಸಿಕೊಂಡಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ನಾಗಾಲ್ಯಾಂಡ್​ನಲ್ಲಿ ಅಕ್ರಮ ಚಟುವಟಿಕೆಗಳನ್ನು ತಡೆಗಟ್ಟಲು ನಡೆಯುತ್ತಿರುವ ಕಾರ್ಯಾಚರಣೆಯ ಭಾಗವಾಗಿ ದಿಮಾಪುರದ 7ನೇ ಮೈಲ್ ಮಾಡೆಲ್ ಗ್ರಾಮದ ಪ್ರದೇಶದಲ್ಲಿ ಭದ್ರತಾ ಪಡೆಗಳು ಅಕ್ರಮ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ ಎಂದು ಪಿಆರ್​ಒ ಮತ್ತು ಅಸ್ಸಾಂ ರೈಫಲ್ಸ್ (ಉತ್ತರ) ಇನ್ಸ್​ಪೆಕ್ಟರ್ ಜನರಲ್ ಕರ್ನಲ್ ಸಂಜೀವ್ ಸೇಥಿ ತಿಳಿಸಿದ್ದಾರೆ.

ಈ ಸಂಬಂಧ ಎಲೆಕ್ಟೊ ಸುಮಿ (36) ಎಂಬ ವ್ಯಕ್ತಿಯನ್ನು ಬಂಧಿಸಲಾಗಿದೆ. ಈ ಕುರಿತು ಹೆಚ್ಚಿನ ತನಿಖೆ ಮುಂದುವರೆಸಲಾಗಿದೆ.