ಶ್ರೀನಗರ (ಜಮ್ಮು ಕಾಶ್ಮೀರ): 29ನೇ ರಾಷ್ಟ್ರೀಯ ರೈಫಲ್ಸ್ನ(ಆರ್ಆರ್) ತುಕಡಿಯಿಂದ ಶ್ರೀನಗರ ಹಾಗೂ ಬಾರಾಮುಲ್ಲಾ ರಾಷ್ಟ್ರೀಯ ಹೆದ್ದಾರಿ ಬಳಿ ಇಟ್ಟಿದ್ದ ಐಇಡಿ ಸ್ಫೋಟಕವನ್ನು ವಶಪಡಿಸಿಕೊಂಡು, ಉಗ್ರರ ದಾಳಿ ವಿಫಲಗೊಳಿಸಿದೆ.
ಇದೇ ವೇಳೆ, ಇಂದೂ ಕೂಡ ಪೂಂಚ್ ಜಿಲ್ಲೆಯ ಕೃಷ್ಣಘಾಟಿ ಸೆಕ್ಟರ್ನಲ್ಲಿ ಪಾಕ್ ಸೇನೆ ಲಘು ಶಸ್ತ್ರಾಸ್ತಗಳಿಂದ ಕದನ ವಿರಾಮ ಉಲ್ಲಂಘನೆ ಮಾಡಿ, ಅಪ್ರಚೋದಿತ ದಾಳಿ ನಡೆಸಿದೆ.
ಇದಕ್ಕೂ ಮೊದಲು ಆಗಸ್ಟ್ 1ರಂದು ರಜೌರಿ ಜಿಲ್ಲೆಯ ಲೈನ್ ಆಫ್ ಕಂಟ್ರೋಲ್ ಬಳಿ ಪಾಕ್ ಕದನ ವಿರಾಮ ಉಲ್ಲಂಘಿಸಿದ್ದು, ಭಾರತೀಯ ಸೇನೆಯ ಯೋಧ ಸಿಪಾಯ್ ರೋಹಿನ್ ಕುಮಾರ್ ಗಂಭೀರವಾಗಿ ಗಾಯಗೊಂಡು ಆಸ್ಪತ್ರೆಯಲ್ಲಿ ಹುತಾತ್ಮನಾಗಿದ್ದರು.
ಪಾಕಿಸ್ತಾನ ದಿನಕ್ಕೆ ಎರಡು ಬಾರಿ ಗಡಿಯಲ್ಲಿ ಕದನ ವಿರಾಮ ಉಲ್ಲಂಘನೆ ಮಾಡುತ್ತಿದ್ದು, ಸೇನಾ ಪೋಸ್ಟ್ಗಳ ಮೇಲೆ ಹಾಗೂ ಎಲ್ಒಸಿ ಬಳಿಯ ಗ್ರಾಮಗಳ ಮೇಲೆ ದಾಳಿ ನಡೆಸುತ್ತಿದೆ.
ಜುಲೈ 18ರಂದು ಪಾಕ್ ಕದನ ವಿರಾಮ ಉಲ್ಲಂಘಿಸಿ ನಡೆಸಿದ ಅಪ್ರಚೋದಿತ ದಾಳಿಯಲ್ಲಿ ಮೂವರು ನಾಗರಿಕರು ಸಾವನ್ನಪ್ಪಿದ್ದರು. ಜುಲೈ 10ರಂದು ಒಬ್ಬ ಯೋಧ ಹುತಾತ್ಮನಾಗಿದ್ದ.
