ಇಂದಿನ ದಿನಗಳಲ್ಲಿ ಕೇವಲ ಕೆಲಸಕ್ಕಾಗಿ ಅಲ್ಲದೇ, ಆನ್‌ಲೈನ್ ಅಧ್ಯಯನ ಅಥವಾ ಟಿವಿ ನೋಡುವುದು, ವಿಶ್ರಾಂತಿ ಪಡೆಯುವುದಕ್ಕಾಗಿಯೂ ಹೆಚ್ಚು ಗಂಟೆಗಳ ಕಾಲ ಕುಳಿತುಕೊಳ್ಳುತ್ತೇವೆ.ಈ ಎಲ್ಲ ಸಮಯದಲ್ಲೂ ನಾವು ಕುಳಿತುಕೊಳ್ಳುವಾಗ ಯಾವ ರೀತಿ ಕುಳಿತುಕೊಳ್ಳುತ್ತೇವೆ ಎಂಬುದು ಮುಖ್ಯವಾಗುತ್ತದೆ.ಇದು ನಿಮ್ಮ ಆರೋಗ್ಯದ ದೃಷ್ಟಿಯಿಂದಲೂ ಬಹುಮುಖ್ಯವಾಗಿದೆ. ನಾವು ಕುಳಿತುಕೊಳ್ಳಲು ಕುರ್ಚಿ ಅಥವಾ ಮಂಚವನ್ನು ಬಳಸುತ್ತೇವೆ. ಇವುಗಳ ಬಗ್ಗೆಯೂ ತಿಳಿದುಕೊಂಡಿರುವುದು ಒಳ್ಳೆಯದು.
ಎಂತಹ ಕೆಲಸವೇ ಆಗಿರಲಿ 30 ನಿಮಿಷಕ್ಕಿಂತ ಹೆಚ್ಚು ಹೊತ್ತು ಕುಳಿತಿರಬಾರದು. 30 ನಿಮಿಷಕ್ಕೆ ಒಂದು ಬಾರಿ ವಾಕ್ ಮಾಡಿ, ವಾಷ್ ರೂಮ್ಗೆ ಹೋಗಿ ಮುಖಕ್ಕೆ ನೀರು ಹಾಕಿ. ಇದರಿಂದ ಕಣ್ಣಿಗೂ ರಿಲ್ಯಾಕ್ಸ್ ಆಗುತ್ತದೆ. ಹಾಗು ದೇಹಕ್ಕೂ ವಿಶ್ರಾಂತಿ ಸಿಗುತ್ತದೆ.
ಒಂದೇ ಸ್ಥಳದಲ್ಲಿ ಕುಳಿತುಕೊಳ್ಳುವಾಗ ನಿಮ್ಮ ಪಾದವನ್ನು ನೆಲದ ಮೇಲೆ ಇಡಿ ಅಥವಾ ಯಾವುದಾದರೂ ವಸ್ತುವಿನ ಮೇಲೆ ಇಟ್ಟು ಕುಳಿತುಕೊಂಡು ವಿಶ್ರಾಂತಿ ಪಡೆಯಿರಿ.
ಮೊಣಕಾಲು 90 ಡಿಗ್ರಿಗಿಂತ ಹೆಚ್ಚು ಬಾಗಬಾರದು:
ಮೊಣಕಾಲಿನ ಕೀಲುಗಳಿಗಿಂತ ಸ್ವಲ್ಪಮಟ್ಟಿಗೆ ಸೊಂಟವನ್ನು ಇರಿಸಿ ಮತ್ತು ಕೆಳಭಾಗದಲ್ಲಿ ಫೋಮ್ ಹಾಗೂ ಗಟ್ಟಿಮುಟ್ಟಾದ ವಸ್ತುವಿನ ಬೆಂಬಲವನ್ನು ಹೊಂದಿರಬೇಕು.
ಕೆಳ ಬೆನ್ನನ್ನು ಸಡಿಲಗೊಳಿಸಬೇಕು ಮತ್ತು ಹೊಟ್ಟೆಯನ್ನು ಟಕ್ನೊಂದಿಗೆ ಇರಿಸಿ, ಮೇಲ್ಭಾಗದ ಎದೆ ಮತ್ತು ಭುಜಗಳನ್ನು ಬಗ್ಗಿಸದೇ ಹಿಂಭಾಗವನ್ನು ನೆಟ್ಟಗೆ ಇಡಬೇಕು.
ಕುತ್ತಿಗೆ ಮತ್ತು ದೃಷ್ಟಿ ನೆಲಕ್ಕೆ ಸಮಾನಾಂತರವಾಗಿರಬೇಕು. ಹೀಗಾಗಿ ಮೇಜು ಅಥವಾ ಕಂಪ್ಯೂಟರ್ ಪರದೆಯನ್ನು ಬಳಸಿ.
ಆರಾಮದಾಯಕ ಬಟ್ಟೆಯನ್ನು ಉಪಯೋಗಿಸಿ.
ನಿಧಾನವಾಗಿ ಒಳಗೆ ಮತ್ತು ಹೊರಗೆ ಉಸಿರಾಡಿ.
ಸರಿಯಾಗಿ ಕುಳಿತುಕೊಳ್ಳುವ ಭಂಗಿಯು ಕೀಲು ನೋವುಗಳನ್ನು ತಡೆಯುತ್ತದೆ. ಠೀವಿ, ರಕ್ತ ಪರಿಚಲನೆ ಕಾಪಾಡುತ್ತದೆ. ತಲೆಯಲ್ಲಿ ರಕ್ತ ಪರಿಚಲನೆ ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಇದರಿಂದ ತಲೆನೋವು, ಭಾರವಾಗುವುದು ಮತ್ತು ಆಯಾಸ ವಾಗುವುದಿಲ್ಲ.
ಶಸ್ತ್ರಚಿಕಿತ್ಸೆಯ ನಂತರದ ಯಾವುದೇ ಸಂದರ್ಭಗಳಲ್ಲಿ ಅಥವಾ ನೋವನ್ನು ಈಗಾಗಲೇ ಹೊಂದಿದ್ದರೇ, ಕುಳಿತುಕೊಳ್ಳುವ ಭಂಗಿಯೂ ನೋವು ತಡೆಗಟ್ಟಲು ಸಹಾಯ ಮಾಡುತ್ತದೆ.
ಕೆಳಗಿನ ಬೆನ್ನು ಮತ್ತು ಕಾಲುಗಳನ್ನು ಬೆಂಬಲಿಸಲು ಫೋಮ್ ರೋಲ್ ಅಥವಾ ದಿಂಬುಗಳನ್ನು ಬಳಸಿ.
ಶಸ್ತ್ರಚಿಕಿತ್ಸೆಯ ನಂತರದ ಅಗತ್ಯವಿದ್ದರೆ ಕಿಬ್ಬೊಟ್ಟೆಯ ಭಾಗಕ್ಕೆ ಸಹಾಯಕ ಬೆಲ್ಟ್ ಬಳಸಿ.
ಅಗತ್ಯವಿದ್ದರೆ ತಲೆ ದಿಂಬನ್ನು ಹಾಕುವುದರಿಂದ ಒಳ್ಳೆಯ ವಿಶ್ರಾಂತಿ ಸಿಗುತ್ತದೆ.
ಸುದೀರ್ಘ ಕೆಲಸದ ಸಮಯದಲ್ಲಿ, ನೌಕರರು ಕುಳಿತುಕೊಳ್ಳುವ ಭಂಗಿಯನ್ನು ಹಲವು ಗಂಟೆಗಳ ಕಾಲ ನಿರ್ವಹಿಸಬೇಕಾಗುತ್ತದೆ. ಆದ್ದರಿಂದ ಕೆಲವು ವಿಶೇಷ ಅಗತ್ಯಗಳು ಕೀಲುಗಳು ಮತ್ತು ಸ್ನಾಯುಗಳ ಭಂಗಿ ಮತ್ತು ಆರೋಗ್ಯವನ್ನು ನಿರ್ವಹಿಸಬಹುದು.
ದಕ್ಷತಾಶಾಸ್ತ್ರದ ಕುರ್ಚಿಗಳು ನಿಮ್ಮ ಬೆನ್ನು ನೋವನ್ನು ಸುಧಾರಿಸಲು ಕಾರಣವೆಂದರೆ ಅವು ನಿಮ್ಮ ನೈಸರ್ಗಿಕ ಭಂಗಿಯನ್ನು ಬೆಂಬಲಿಸಲು ಮತ್ತು ನಿಮ್ಮ ದೇಹದ ಮೇಲಿನ ಒತ್ತಡದ ಶಕ್ತಿಗಳನ್ನು ಕಡಿಮೆ ಮಾಡುವಂತೆ ವಿನ್ಯಾಸಗೊಳಿಸಲಾಗಿದೆ. ಕುರ್ಚಿಯ ಹಿಂಭಾಗಗಳು ಸಾಮಾನ್ಯವಾಗಿ ನಿಮ್ಮ ಭುಜಗಳಿಂದ ಆಸನಕ್ಕೆ ವಿಸ್ತರಿಸುತ್ತವೆ.
1. ಕುರ್ಚಿಯ ಹಿಂಭಾಗದ ಬೆಂಬಲವನ್ನು ವ್ಯಕ್ತಿಯ ದೇಹದ ರಚನೆ ಮತ್ತು ಕಚೇರಿ ಮೇಜಿನೊಂದಿಗೆ ಹೊಂದಿಸಬೇಕು.
2.ಡೆಸ್ಕ್ ಅಥವಾ ಕಂಪ್ಯೂಟರ್ ಮತ್ತು ಕೀ ಬೋರ್ಡ್- ಮೌಸ್ ಮಟ್ಟವನ್ನು ಮೊಣಕೈ ಮಟ್ಟ ಹಾಗೂ ಮಣಿಕಟ್ಟಿನ ಸ್ಥಾನಕ್ಕೆ ಹೊಂದಿಸಬೇಕು.
3. ಅಡಿ ವಿಶ್ರಾಂತಿ ಪ್ಯಾಡಲ್ ಸೊಂಟ-ಮೊಣಕಾಲು ಅನುಪಾತದ ಎತ್ತರ ಮತ್ತು ಮಟ್ಟಕ್ಕೆ ಅನುಗುಣವಾಗಿರಬೇಕು.
ಯಾವ ವ್ಯಕ್ತಿ ತುಂಬಾ ಸಮಯದವರೆಗೆ ಕುಳಿತುಕೊಂಡು ಕೆಲಸ ಮಾಡುತ್ತಾರೆ ಅವರಲ್ಲಿ ಟೈಪ್ 2 ಡಯಾಬಿಟೀಸ್, ಹೃದಯ ಸಮಸ್ಯೆ ಮತ್ತು ಕ್ಯಾನ್ಸರ್ ಸಾಮಾನ್ಯರಿಗಿಂತ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತದೆ. ಕೆಲವೊಮ್ಮೆ ಹೆಚ್ಚು ಸಮಯ ಕುಳಿಯುಕೊಳ್ಳುವುದರಿಂದ ಕಾಲುಗಳಲ್ಲಿ ಊತ ಕಾಣಿಸಿಕೊಳ್ಳಬಹುದು.ಒಂದೇ ಕಡೆ ತುಂಬಾ ಹೊತ್ತು ಕುಳಿತುಕೊಳ್ಳುವುದರಿಂದ ಪರಿಚಲನೆ ಸರಿಯಾಗಿ ಆಗದೆ ಸಮಸ್ಯೆಗಳು ಉಂಟಾಗಬಹುದು.
