ಭಾರತಕ್ಕೆ ಚೀನಾ, ಪಾಕ್, ಉತ್ತರ ಕೊರಿಯಾದಿಂದ ಸೈಬರ್ ದಾಳಿ ಭೀತಿ

ಸೈಬರ್ ಭದ್ರತಾ ವಿಷಯಗಳ ಕುರಿತು ಪಿಎಂಒನ ಮಾಜಿ ಸಲಹೆಗಾರ, ಸೈಬರ್ ದಾಳಿಯನ್ನು ಊಹಿಸುವಲ್ಲಿ ಸಂಚಾರ ಮತ್ತು ಪ್ರವೃತ್ತಿ ಪ್ರಮುಖ ಅಂಶಗಳಾಗಿವೆ. ಈಗ ಅಥವಾ ಕೆಲ ದಿನಗಳು ಅಥವಾ ವಾರಗಳ ನಂತರ ನಡೆಯಲಿರುವ ದಾಳಿಯ ಬಗ್ಗೆ ಸಾಕಷ್ಟು ಎಚ್ಚರಿಕೆ ಸೂಚನೆಗಳು ಇರುತ್ತವೆ ಎಂದು ಹೇಳಿದ್ದಾರೆ.

ನವದೆಹಲಿ: ಪೂರ್ವ ಲಡಾಖ್‌ನ ಹಲವಾರು ಸ್ಥಳಗಳಲ್ಲಿ ಭಾರತೀಯ ಮತ್ತು ಚೀನಾದ ಸೈನಿಕರ ಮುಖಾಮುಖಿ ನಡುವೆಯೇ ಭಾರತದ ಮೇಲೆ ಸೈಬರ್​ ದಾಳಿ ನಡೆಯುವ ಸಾದ್ಯತೆ ಹೆಚ್ಚಾಗಿದೆ.

ಸೈಬರ್ ಭದ್ರತಾ ಘಟನೆಗಳಿಗೆ ಸ್ಪಂದಿಸುವ ಭಾರತದ ಸುಪ್ರೀಂ ಏಜೆನ್ಸಿಯಾದ ಸಿಇಆರ್​ಟಿ-ಇನ್ (ಕಂಪ್ಯೂಟರ್ ಎಮರ್ಜೆನ್ಸಿ ರೆಸ್ಪಾನ್ಸ್ ಟೀಮ್-ಇಂಡಿಯಾ) ಶುಕ್ರವಾರ ಸರ್ಕಾರಿ ಸಂಸ್ಥೆಗಳು, ಇಲಾಖೆಗಳು ಮತ್ತು ವ್ಯಾಪಾರ ಸಂಘಗಳನ್ನು ಸೋಗು ಹಾಕುವ ಮೂಲಕ ಭಾರತೀಯ ಘಟಕಗಳ ವಿರುದ್ಧ ದೊಡ್ಡ ಪ್ರಮಾಣದ ಫಿಶಿಂಗ್ ದಾಳಿಯ ಸಲಹಾ ಎಚ್ಚರಿಕೆ ನೀಡಿದೆ.

ಇಂತಹ ಸೈಬರ್ ದಾಳಿಯ ಹಿಂದಿನ ಸಾಮಾನ್ಯ ಶಂಕಿತರ ಬಗ್ಗೆ ಭಾರತದ ರಾಷ್ಟ್ರೀಯ ಸೈಬರ್ ಭದ್ರತಾ ಮುಖ್ಯಸ್ಥರಾಗಿದ್ದ ಗುಲ್ಶನ್ ರೈ, ಇದು ಚೀನಾ ಆಗಿರಬಹುದು, ಪಾಕಿಸ್ತಾನ ಅಥವಾ ಉತ್ತರ ಕೊರಿಯಾ ಆಗಿರಬಹುದು. ಪ್ರಸ್ತುತ ಸನ್ನಿವೇಶದಲ್ಲಿ, ಈ ಮೂರು ದೇಶಗಳು ಈ ಸಮಯದಲ್ಲಿ ಭಾರತದ ವಿರುದ್ಧ ಪಟ್ಟಭದ್ರ ಹಿತಾಸಕ್ತಿಗಳನ್ನು ಹೊಂದಿವೆ. ಅವರು ಪ್ರತ್ಯೇಕವಾಗಿ ಅಥವಾ ಸಹಭಾಗಿತ್ವದಲ್ಲಿ ದಾಳಿ ಮಾಡಬಹುದು ಎಂದು ಈಟಿವಿ ಭಾರತಕ್ಕೆ ತಿಳಿಸಿದ್ದಾರೆ.

ಈ ಸೈಬರ್​ ದಾಳಿಯು ಅನೇಕ ಕಾರಣಗಳಿಗಾಗಿರಬಹುದು. ಆರ್ಥಿಕ, ಗೂಢಚರ್ಯೆ ಅಥವಾ ಮಿಲಿಟರಿ ಕಾರಣಗಳಿಗಾಗಿರಬಹುದು. ಆದರೆ ಮೊದಲ ಉದ್ದೇಶ ಭಾರತದಲ್ಲಿ ಕಿರುಕುಳ ಮತ್ತು ಭೀತಿಯನ್ನು ಸೃಷ್ಟಿಸುವುದು. ಅದೇ ಸಮಯದಲ್ಲಿ, ಇದು ಡೇಟಾವನ್ನು ಕದಿಯಲು ಮತ್ತು ದೀರ್ಘಾವಧಿಯವರೆಗೆ ವ್ಯವಸ್ಥೆಗೆ ಕಾಟ ನೀಡಲು ಕಾರಣವಾಗುತ್ತದೆ ಎಂದು ರೈ ಹೇಳಿದ್ದಾರೆ.

ಸೈಬರ್ ಭದ್ರತಾ ವಿಷಯಗಳ ಕುರಿತು ಪಿಎಂಒನ ಮಾಜಿ ಸಲಹೆಗಾರ, ಸೈಬರ್ ದಾಳಿಯನ್ನು ಊಹಿಸುವಲ್ಲಿ ಸಂಚಾರ ಮತ್ತು ಪ್ರವೃತ್ತಿ ಪ್ರಮುಖ ಅಂಶಗಳಾಗಿವೆ. ಈಗ ಅಥವಾ ಕೆಲ ದಿನಗಳು ಅಥವಾ ವಾರಗಳ ನಂತರ ನಡೆಯಲಿರುವ ದಾಳಿಯ ಬಗ್ಗೆ ಸಾಕಷ್ಟು ಎಚ್ಚರಿಕೆ ಸೂಚನೆಗಳು ಇರುತ್ತವೆ ಎಂದು ಹೇಳಿದ್ದಾರೆ.

ಸೈಬರ್ ದಾಳಿಗೆ ಸಂಬಂಧಿಸಿದ ಸಾಮರ್ಥ್ಯಗಳನ್ನು ಬಳಸುವಲ್ಲಿ ಚೀನಾ ಸರ್ಕಾರ ಪ್ರವೀಣವಾಗಿದೆ.

ಸೈಬರ್ ಯುದ್ಧ ಸಾಮರ್ಥ್ಯಗಳು:

ರಕ್ಷಣಾ ಮತ್ತು ಆಕ್ರಮಣಕಾರಿ ಕಾರ್ಯಾಚರಣೆಗಳಿಗೆ ಚೀನಾ ಉತ್ತಮವಾಗಿ ಸಂಘಟಿತವಾಗಿದೆ. ಈ ಡೊಮೇನ್ 2016 ರಲ್ಲಿ ಪೀಪಲ್ಸ್ ಲಿಬರೇಶನ್ ಆರ್ಮಿ (ಪಿಎಲ್‌ಎ) ರಚಿಸಿದ ಸ್ಟ್ರಾಟೆಜಿಕ್ ಸಪೋರ್ಟ್ ಫೋರ್ಸ್ (ಎಸ್‌ಎಸ್‌ಎಫ್) ಅಡಿಯಲ್ಲಿ ಬರುತ್ತದೆ. ಎಸ್‌ಎಸ್‌ಎಫ್‌ನಲ್ಲಿ, ಸೈಬರ್-ಯುದ್ಧ, ತಾಂತ್ರಿಕ ವಿಚಕ್ಷಣದೊಂದಿಗೆ ಮಾಡಬೇಕಾದ ಎಲ್ಲದಕ್ಕೂ ಜವಾಬ್ದಾರಿಯುತ ನೆಟ್‌ವರ್ಕ್ ಸಿಸ್ಟಮ್ಸ್ ಇಲಾಖೆಯಾಗಿದೆ.

ಸೈಬರ್ ದಾಳಿಯನ್ನು ಹೇಗೆ ಊಹಿಸಲಾಗುವುದು:

ಸೈಬರ್ ಭದ್ರತಾ ಉದ್ಯಮದ ಅನುಭವಿ ಮತ್ತು “ಮೈ ಡೇಟಾ ಮೈ ಪ್ರೈವೆಸಿ ಮೈ ಚಾಯ್ಸ್” ಪುಸ್ತಕದ ಲೇಖಕ ರೋಹಿತ್ ಶ್ರೀವಾಸ್ತವ್​, ಇಂತಹ ಸೈಬರ್ ದಾಳಿಯನ್ನು ಮೊದಲೇ ಊಹಿಸಲು ‘ಹನಿಪಾಟ್‌ಗಳನ್ನು’ ಬಳಸಿಕೊಳ್ಳಲಾಗಿದೆ ಎಂದು ಹೇಳುತ್ತಾರೆ.

‘ಹನಿಪಾಟ್’ ಎನ್ನುವುದು ಸೈಬರ್ ದಾಳಿಕೋರರನ್ನು ಆಮಿಷಕ್ಕೆ ನೂಕುವುದು ಮತ್ತು ಮಾಹಿತಿ ವ್ಯವಸ್ಥೆಗಳಿಗೆ ಅನಧಿಕೃತ ಪ್ರವೇಶವನ್ನು ಪಡೆಯಲು ಹ್ಯಾಕಿಂಗ್ ಪ್ರಯತ್ನಗಳನ್ನು ಪತ್ತೆಹಚ್ಚಲು, ತಿರುಗಿಸಲು ಅಥವಾ ಅಧ್ಯಯನ ಮಾಡಲು ನೆಟ್‌ವರ್ಕ್​ಗೆ ಲಗತ್ತಿಸಲಾದ ವ್ಯವಸ್ಥೆಯಾಗಿದೆ.