ಕೊರೊನಾ ಅವತಾರಕ್ಕೆ ಪಕ್ಕದ ಆಂಧ್ರವೂ ತಲ್ಲಣ: ನಿತ್ಯ 600 ಸೋಂಕಿತ ಪ್ರಕರಣಗಳು ಪತ್ತೆ

ನೆರೆಯ ರಾಜ್ಯ ಆಂಧ್ರಪ್ರದೇಶದಲ್ಲಿ ಕಳೆದೊಂದು ವಾರದಿಂದ ನಿತ್ಯ 600ಕ್ಕೂ ಅಧಿಕ ಸೋಂಕಿತರು ಪತ್ತೆಯಾಗುತ್ತಿದ್ದು, ಇದೀಗ ಸೋಂಕಿತರ ಸಂಖ್ಯೆ 14,595ಕ್ಕೆ ಏರಿಕೆಯಾಗಿದೆ.

ಆಂಧ್ರಪ್ರದೇಶ: ಕೊರೊನಾ ಅಟ್ಟಹಾಸಕ್ಕೆ ನೆರೆಯ ರಾಜ್ಯ ಆಂಧ್ರಪ್ರದೇಶ ಕೂಡ ತಲ್ಲಣಗೊಂಡಿದೆ.

ಕಳೆದ 24 ಗಂಟೆಗಳಲ್ಲಿ ರಾಜ್ಯದಲ್ಲಿ ಬರೋಬ್ಬರಿ 704 ಕೇಸ್​ಗಳು ಹಾಗೂ 7 ಸಾವು ವರದಿಯಾಗಿದೆ. ಈ ಮೂಲಕ ಆಂಧ್ರದಲ್ಲಿ ಸೋಂಕಿತರ ಸಂಖ್ಯೆ 14,595ಕ್ಕೆ, ಮೃತರ ಸಂಖ್ಯೆ 187ಕ್ಕೆ ಏರಿಕೆಯಾಗಿದೆ.

ಕಳೆದೊಂದು ವಾರದಿಂದ ನಿತ್ಯ 600ಕ್ಕೂ ಅಧಿಕ ಸೋಂಕಿತರು ಪತ್ತೆಯಾಗುತ್ತಿದ್ದಾರೆ. ಈ ಪೈಕಿ ಅನಂತಪುರ, ಚಿತ್ತೂರು, ಪೂರ್ವ ಗೋದಾವರಿ, ಪಶ್ಚಿಮ ಗೋದಾವರಿ, ಗುಂಟೂರು, ಕಡಪ, ಕೃಷ್ಣ, ಕರ್ನೂಲು, ನೆಲ್ಲೂರು, ವಿಶಾಖಪಟ್ಟಣ ಹಾಗೂ ವಿಜಯನಗರದಲ್ಲಿ ಹೆಚ್ಚು ಪ್ರಕರಣಗಳು ವರದಿಯಾಗಿವೆ.