ರಾಂಚಿ: ನಗರದ ವಿವಿಧೆಡೆ ದಾಳಿ ನಡೆಸಿದ ಇಲ್ಲಿನ ಪೊಲೀಸರು, ಪೀಪಲ್ಸ್ ಲಿಬರೇಶನ್ ಫ್ರಂಟ್ ಆಫ್ ಇಂಡಿಯಾ (ಪಿಎಲ್ಎಫ್ಐ) ಗೆ ಸೇರಿದ ಐದು ನಕ್ಸಲರ್ರನ್ನ ಬಂಧಿಸಿದ್ದಾರೆ. ಬಂಧಿತರೆಲ್ಲರೂ ವಿದ್ಯಾರ್ಥಿಗಳಾಗಿದ್ದು, ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿದ್ದರು ಎಂದು ತಿಳಿದು ಬಂದಿದೆ.
ವಿಜಯ್ ಮುಂಡಾ, ವಿಶಾಲ್ ಶರ್ಮಾ, ವಿಶಾಲ್ ಕುಮಾರ್ ಸ್ವಾನ್ಸಿ, ಆಕಾಶ್ ಸಿಂಗ್ ಮತ್ತು ಸುಶೀಲ್ ವರ್ಮಾ ಬಂಧಿತ ನಕ್ಸಲರಾಗಿದ್ದಾರೆ. ಬಂಧಿತರಿಂದ ದೇಶಿ ನಿರ್ಮಿತ ಎರಡು ಲೋಡೆಡ್ ಪಿಸ್ತೂಲ್, ಅರ್ಧ ಡಜನ್ ಜೀವಂತ ಸಿಡಿಮದ್ದುಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಪ್ರತ್ಯೇಕ ಸ್ಥಳಗಳಲ್ಲಿ ಬಾಡಿಗೆ ಮನೆ ಪಡೆದು ಅಲ್ಲಲ್ಲಿ ಅಡಗಿರುವ ಮಾಹಿತಿ ತಿಳಿದು ಬಂದಿತ್ತು. ಈ ಖಚಿತ ಸುಳಿವಿನ ಹಿನ್ನೆಲೆ ದಾಳಿ ಮಾಡಿ ಬಂಧಿಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. ಬಂಧಿತ ನಕ್ಸಲರ್ಗಳ ಮೇಲೆ ಈಗಾಗಲೇ ಹಲವು ಪ್ರಕರಣಗಳು ದಾಖಲಾಗಿವೆ.
